صراع الليوث
البارت الثلاثون
#طائر بلا تغريد #
ثامر بديت شغلي بلقناة وجان كلش حلو رغم متعب لاكن حبيته بديت اقدم برنامج مع الناس وبدة الناس تعرفني وتتصل
طبعا ساره رغم تحرره بس تبقه بنيه محافظه عل نفسهه
يعني لبسهه كله طويل وكله جبب رسميه
ودائمن انيقه بشكل
رغم متحط مكياج بس شي بصيط
جمالها جان طبيعي ساحر جانت من تحجي تشدد عل حرف الراء بس كلش حلو طريقة حجيهه
جانت من تحظر بلمكان تمليه ظحكه جنت اظحك عل كلامهه حته لو كان مابيه شي يضحك
جانت من الناس الي اذا غابو فقدو واذا حظرو عدو
وبيوم جان عدنه تصوير باحد الاحياء الشعبيه فانتظرنه باب الاستوديو
اكلك عبسكه شو ساره تاخرة
هسه تجي.
تره مو عوايدهه تتاخر
ما عندك رقمهه
لا والله بس عادي هيه كل فتره تجيهه ايام تتاخر بلجيه ومرات ماتجي
شلون يعني ما تجي شني السبب
والله شيخ هاي البنيه ماعرف شنو بيهه تجيهه ايام تكون بغير عالم
شلون يعني
يعني عده مشاكل بلبيت
وهاي المشاكل بس كم يوم بلشهر
ما ادري هلبنيه لغز محد فاهمهه
ظليت افكر بيه ما ادري ليش
وره نص ساعه اجت بس شني عيونهه حمر واحوالهه مخربطه وجانت لافه الشال بصوره ماريد تبين شي بوجهه
بس اني انتبهت اكو اثار ظرب
السلام عليكم اسفه اخرتكم انروح
عباس وعليكم السلام لا عادي
ثامر وعليكم السلام يلله نتحرك
صعدنه بسيارتي ورحنه المكان التصوير
بس جنت احس ساره حيل مهمومه ومو عل بعظهه
المهم كملنه تصوير ورجعنه بلطريق
اكلكم اليوم اني عازمكم علغده
ساره لا لا اني ما اروح
ثامر ليش شعجب انتي كل مره تفرحين بلعزومه
ها مو عندي شغل ولازم ارجع للبيت
عباس ولج شني اليوم جايتج سعيده ههههههههههه
ساره والله ما اكدر ياريت تنزلوني بنهاية الشارع
ثامر ليش تنزلين هنا خليني اوصلج يم بيتكم
ساره لا لا ماكو داعي هنا واني اتمشه
يمعوده عيب شلون تمشين واني عندي سياره
ثامر ارجوك وكف السياره
حاظر عمي شني السالفه
وكفنه السياره تفضلي
نزلت من السياره بسرعه وهيه تتلفت حسيتهه مرتبكه
عباس ها شيخ نمشي لا
ها اي يلله
طلعنه وصلت عباس ورجعت للبيت
جان ذاك اليوم كلش متعب اليه تفكيري بس بساره
حته الولد انتبهو عليه
فيصل ها خويه اليوم مدولغ
ثامر اي والله يخوي
خيرك بعد اخوك احجيلي
هاي البنيه ساره المساعده مالتي
اي اشبيهه
ثامر سولفت اخوتي كلشي
رائد خاف تحبله واحد وظربه بوري
ثامر. رائد عيب هلحجي
رائد اسف اسف هههه شدعوه انته متظايق خاف وكعت بلحب
رافد ولك مو خاف اكيد ههههههههههه
فيصل عيب ولكم ميصير هيجي اخوكم متظايق ونتو تتمظحكون
اكلك ثامر خاف صدك مظروبه بوري ههههه
ثامر اكوم انام احسلي من حجيكم هذا الماصخ
فيصل هههههههههه ولك تعال شبيك نتشاقه وياك
ثامر مالي خلكم تصبحون عل خير
