صراع الليوث
البارت الثالث والعشرون
#طائر بلا تغريد #
هذا بارت مفاجئ لعيونكم حبايب
بديت اسولف السلام علي صار
سلام انته تعرفني اني شنو مو
اكيد حبي شني هلسؤال
وتدري بيه شكد احبك
ادري حبي
شوف راح اسولفلك شي صارلي اكثر من شهر ظامته عليك بي بعد ما اكدر اضمه
شفت سلام كعد عل حيله عل جربايه وبده يتوتر
شني السالفه قمر تره اني حاسس بيج صارلج فتره مو طبيعيه
اي سلام الله يخليك بس اريدك توعدني توكف وياي ومتعوفني
هاي شنو قمر يا يوم اني متخلي عنج وج حته من جنتي عد اهلج اني شايل همج
اي صحيح سلام بس الي راح تسمعه يمكن تصعب شي تسمعه بحياتك
قمر لتوتريني احجي شنو الي صار
بديت احجي السلام عل موظوع طبعا بدون ذكر القبل الي صارت بيني وبين عمر
بعدني بنص الكلام سلام وكف عل حيله
ورد كعد اني كملت حجي وصلت الحد اليوم من عرفت هو ابن وزير
بعد ما احس بشي غير الضرب الي ما اعرف منين يجيني
اني استسلمت بيده مقاومت يمكن جنت احس انو اني مذنبه بكد عمر يمكن تريد سلام يريح كلبه
المهم
ثامر هنا اني راسن دكيت عليهه
دك دك مشالته وره شويه اجتني رساله
ليش تخابر
ثامر تريد اسمع منج ماريد اقره
اسفه ثامر اذا تريد تسمع فخليهه الباجر
ليش مو اليوم
اسفه بعد ما اكدر والله
بس هاذا الحي لازم اسمعه منج
لعد انتصر الباجر من ارتاح وبعدين اكملك
اوكي ارتاحي باجر نتخابر
سديته منهه وضليت حاير بامري
هاي شنو معقوله الي جاي يصير بهل بلد
للحضه شكيت بيهه وردة اكشفه لان اني طبيعت عملي اعرف الشخص من يكذب فطلبت منهه اتصال اتفقنه باجر نتخابر
ثاني يوم جانت عندي جم شغله بل بعده رحت للاذاعه قدمت البرنامج مالتي وجانت الحلقه عن الانقاض الي توجد بشوارع البصره
جانت حلقه حاميه اتصلت بيهه برئيس البلديه
وجان الرد منه غير مقنع المهم خلصت البرنامج ورجعت للبيت تغديت وطلعت للمضيف اجل شيخ محمود كلي المره الي راح تتزوج الولد المشلول وافقت وافقت ويا نروح باجر اساله ونعقد الهم
/بعدين اخذوني مشيه لخطبت مره ورجعنه للبيت قبل المغرب
تعشيت ورحت كعدة ويه الولد تحت الشجره
ها بابه شلونكم
هله والله شيخ ثامر شلونك
والله زوين
فيصل شو زوين صاير شي
ثامر والله خوتي عندي سالفه بس لمن اتاكد منهه اسولفلكم
رافد ها شنهي من سالفه
كتلكم لمن اتاكد منهه اسولفهه
رائد مبين شغله بويه
ثامر اووووووو كلش قويه
فيصل خاف تحب ولك
ثامر ههههههههههه لا والله لو احب جا حجيت بس
فيصل بس شنهي احجي ثامر لا تخلي بالي يمك
والله ماكو شي سالفه تخص الشغل اذا اليوم اتاكدة منهه راح باجر اسولف الكم
فيصل خوش بس ها خويه موش تتورط بمصيبه
لا يخوي الله لا يورطنه
هنا دك تليفون رافد
ها ولك رافد شو هم بدة التلفونات ههههههه
رافد يوم الالك ويخابروك
انشاء الله
رائد واني واني هم يوم الالي ههههههههههه
فيصل اي والله اختار انته واني ازوجك بيدي
رائد انشالله
رافد ها ولك يعني منيشن عل وحده
رائد لا والله بس بلكت الكه وحيده منا مناك ههههههههههه
فيصل خلص كليه وتدلل
انشاء الله
يرافد يلله يولد اني اترخص
فيصل اخذني وياك
تصبحون عل خير
اجمعين
رائد ها ثامر تروح تبقه اخوتك باعونه ههههههههههه
ثامر الله يهنيهم لا يخوي اني هم اروح تصبح عل خير
ونته من اهل الخير
ثامر رجعت للشقه باوعت للساعه بعده بلعشره ونص بعد نص ساعه عن الموعد
طبيت سبحت وطلعت نشفت وطلعت مبايلي اطلب بيه جان يدك رقم قمر
راسن فتحت الخط
قمر الو شيخ ثامر
ثامر الو هله خيتي
اسفه خليتك تنتضر
لا بالعكس اني هم جنت احتاج فرصه افكر بيهه
بشنو تفكر
بشغلتج
يعني انته مو مصدكني
لا مو ما مصدكج بس الشغله كلش قويه اي واحد ما يكدر يصدكه
حقك بس من اخلص حجيي وياك واراويك الصور والمستندات العندي راح تتاكد من حجيي
خوش جا كمليلي
ثامر اول شي اني اسف لان خليتج تتذكرين الشغله
قمر استاذ ثامر شجاي تحجي انته هو اني شوكت نسيت حته اتذكر صدكني كول دقيقه تمر عليه اتذكر الي صاراستاذ تدري الي صار حطم كم عائله
حطم عائلتي وعائلت اهل سلام واهلي وحته اختي
ثامر الله يساعدكم
هسه كملي من سولفتي الزوجج
اي بعد ما سمع الي صار بيه شبعني بصط موتني دفرات وراشديات كطم شعري تكطم بيده
وكل هاذا اني اكول ميخالف خليه هو رجل ومجروح بس الي صار غريب
ثامر وشنو الي صار
يحبني سلام من شعري ونزلني من الدراج واني لازمه ايده واصرخ وتوسل بيه بس هو ولا قبل يرحمني عبالك اني مواعدته مو صديته ومن شفت ماكو حل سولفتله
المهم نزلني بلدفرات واخذني يم اهلي
ذبني بلطرمه وصاح عل اخوتي وكلهم هاي بتكم مصاحبتلهه واحد واني بعد ماريدهه
جذب اسف اختي بس هاذا شكد حقير
لا هذا واقع الرجل الشرقي عدنه ميوكف ويه زوجته حته لو جانت مضلومه
المهم اني عندي ثنين اخوان من سمعة حجي سلام مجذبو خبر حطوني بيناتهم لمن انتهيت بديهم
بعده سمعت اجه ابويه من شافني تخبل كام يصيح عليهم واخذني للمستشفى
ضليت بلمستشفى اسبوع
وبيوم جنت نايمه وجانت امي ستوهه رجعت للبيت حته تسبح وتجيبلي ملابس وترجع جان ينفتح الباب اني عبالي اجت الممرضه درة وجهي واشوف عمر كدامي اني تخبلت ردة اصيح بلحضه لكيته واصل يمي وساد حلكي ويخنزر عليه
اني ضليت بخوفه لابيه اصيح ولا بيه اسكت المهم جان يكلي منو مد ايده عليج احجي
اشرتله عل ايده
كلي راح اوخر ايدي والله اذا صرختي ماتلومين اله نفسج
اشرتله اي ما احجي
شال ايده كتله رجلي ضربني
ليش ضربج
خفت اكله لان كتله عنك كتله هيج شغله بيني وبينه
وهيج يسوي بيج ليش ما كتلة اخوتج
لا ماريد مشاكل
مشاكل اني اعلمه
حسيت بيه معصب خفت لا ياذي سلام كتله عمر لا تاذي
شلون بعدج تحبينه بعد الي سوا بيج
ميخالف بس عوفه
جان يغظب وجهه صار احمر من الغضب وكلي والله ما اخلي عايش وطلع
اني متت من الخوف بس مصدكت بيه كلت هذا حجي
بعده طلعوني للبيت وهناك ابويه دز عل سلام وجمع اخوتي وكلي بويه احجي الي صار
طبعا سولفتلهم الي صار كله
ابويه كام يحكي عل سلام كله انته شلون تستعجل بحكمك لو اخوته كاتلينه هسه وهيه مامسويه شي
كله سلام وشمدريني الي حجته صح
كتله اني شوف اني لو تريد اخونك جا ما اجيت كتلك جان خنتك ونته ما تدري شنو الي يجبرني تفضح روحي
دنك ما حجه
طبعا ابوي رزلهم وكلهم لو صاير بقمر شي محد يخلصكم مني
وسلام كله ابوي منا من نخلص من شغلت هلحقير ما الك مره عدنه لانك مو كد الامانه
بس هسه ماريد اي واحد يدري بلي صار لمن نلكه طريقه ونلزم هلحقير هذا
طبعا اخذت اجازه من الشغل لمدة شهر بعده رجعت للدوام
اول يوم اليه بلدوام اخويه صار يوصلني الباب المصرف بعد منزلت من السياره صعدة اول درجه من درجات المصرف وجان اسمع صوت عمر
هلو قموره
شراح يخلصه ويه عمر
الف شكر الكم ولدعمكم اليه بلتعليق
