صراع الليوث
البارت الثالث والثلاثين
#طائر بلا تغريد#
ساره جنت كلش خايفه من هلخطوه الي خطيتهه بس من سولفت الوالدتي شجعتني وكالت الناس الي يوكفون ويه الغريب اكيد ناس تخاف الله وعده اخلاق وهيج ناس لازم ابد منخسرهم
شويه كلامهه طمني
وبعد ماشفت عمت ثامر وزوجات اخوته شلون لبس ونزاكه والدلال باين عليهن حسيت براحه
اليوم المشيه والملجه
خابرت عل بيت جدو وخبرتهم اول شي مقبلو بلزواج اعترضو بس بعد مكتلهم علي اريد اسوي وافقوا
لان همه ناس فقره صح عدهم خير من الله
بس مابيهم حيل مشاكل ويه مثل بشار
المهم طلعت للسوك اني وامي اشتريت فستان كريمي وبيه حزام اصفر طويل
ومن فوك سبعه واصله لحد فتحت صدري
ومابيه ردان
جان كولش حلو واجه عل جسمي فيت
ويا حذاء كريمي وجنطه
رحت للصالون حفيت وسويت شعري دانتيل رصاصي
لان شعري قصير
وسويت مكياج لبناني طلعت فد شي
بعده رجعت للبيت تقريب السته بليل
اول موصلت خابرني ثامر
الو
الو هلو ثامر
شلونج
الحمد لله
رجعتو للبيت
بلي رجعنه
تمام اني جايين بلطريق
هله بيكم
ساره جان تعامل ثامر وياي كلش رسمي يعني ما احسه يحبني لا احسه اتزوجني بس علمود ايطلعلي حقي بس امي كالت وره الزواج راح يحبج
ثامر جنت كلش فرحان وخاصه من اخذنه مشيه ورحنه بعد مقبلو حيل فرحت بس جنت خايف لتكون مجبوره علزواج مني لاكن اني قررت بعد الخطوبه اكسر الحاجز الي بيناتنه
طيبه رحنه اني وعمتي وسخر للسوك اشترينه ملابس للملجه وشترينه حلقه ومحبس ومداليه هديه بلنيشان الساره وشترينه شوية شغلات الهه
بعده رحنه للصالون حفينه وتمكيجنه مكياج بصيط لان الولد مقبلو ننزع النبي لان بيت غريب
ولبسته احجبه
ورحنه البيت ساره
دخلنه لكينه ساره جاهزه شنو طالعه تخبل
سلمنه عليهم وكعدنه مكان اكو هوايه ناس
المهم اشوف ساره ابد ممرتاحه وخايفه رحت عليه كعدة يمهه
هلو ساره شلونج
هلو طيبه الحمد لله
شنو هلجمال تخبلين هنياله الثامر حقه عيني من كتل روحه عليج
ساره صدك
شني صدك
صدك يعني ثامر رايدني
هذا شلون حجي طبعا رايدج
انتي تعرفين بوظعنه مو
اي اعرف احنه بيت الشيخ فاضل محد يضم علكول يعني اذا اكو شغله لازم نتناقش بيهه وكلمن ينطي رأيه
صدك
اي والله اصلا ثامر قبل ليعرف بشغلتج كل للولد عنج
شنو كلهم
كلهم بلمقلب الي سويتي بيه اول يوم دخل للقناة
ههههههههههه صدك والله
اي والله وحته الولد كلوله هاي البنيه مبينه كلش طيبه وحبابه
وهو ضل يمدح بيج
فعرفنه هو هاويج
فمن اجه وكال عل سالفتج
عمي الشيخ فاضل كله توكل عل الله وخطبهه لان انته رايده
كله ثامر اي رايدهه
كله خلاص اخطبهه
ساره طبعا طيبه متعرفين كلامج شكد ريحني لان جنت تتصور هو راد بس يخطبني علمود يساعدني
لا حبيبه لا والله ثامر اصلا ويموت عليج لان ولدنه ميتزوج الا اذا جان يحب
زين ونتي شيخ فيصل جان يحبج
يو يو سالفه شكبره بعدين اسولفلج
وهاي سحر هم جان يموت عليهه رافد
صدك والله
اي والله شعبالج اصلا شكد هدولهم نسوان بس همه ماقبلو
شنو هدولهم نسوان
يعني صفطولهم نسوان
يعني شنو صفطولهن
خرب ساره مبينه راح تعبيني وياج هههههولج يعني انطوهم نسوان هديه حته يتزوجوهم
عزه والمره شلون يهدونههو
اهنا عند الشيوخ اذا شيخ حب شيخ يهديله مره حته يتقاربون اكثر
ها عزه بس لا ثامر يقبل
لا لتخافين همه ميحبون هلشغله ورافضيهه تماما
همزين طمنتيني
ههههههههههه يلله لتخافين راح يجون اظحكب بوجه ثامر حته يتشجع ويسولف وياج
ساره كلش ارتاحيت من سولفت ويه طيبه احسه حست بيه واجت طمنتني
ثامر دخلنه بلبراني واجه السيد عقد النه بعده دخلت للصاله
اول مدخلت شفتهه تضحك بوجهي كلش ارتاحيت حسيتهه فرحانه اني هم فرحت
بستهه من كصتهه وكعدة يمه شويه جابو الذهب لبستهيا
كتلهه شني هاي ولا عرفتج
ساره ليش
والله طالعه جمال
شكرا هذا من ذوقك
لا والله صدك طالعه كلش حلوه اصلا لو ما لابسه بدلت وكاعده عبالي مو انتي تدرين الجبن والحجاب مضيعات جمالج
