البارت الرابع
صراع الليوث
فيصل استمرت الايام واني مقسم وقتي بين شغل بلشركه وبين العشيره وبيوم كعدة الصبح كلش ضايج بدلت وطلعت حته متريكت رحت للاصطبل
السلام عليكم ابو جاسم
وعليكم السلام شيخ شلونك اليوم من الصبح
اي والله مشتاق للاصيل
وهوه هم مشتاقلك
هههههههههههه يلله جا افتحلي الباي خلي اخذه شويه نتمشه
طبيت للاصيل لكيته واكف من شافني كام يصهل عرفته يحاجيني طلعته من بيته وبديت امسد عل شعره وهو يصهل
هههههههههههه ها يلاصيل مشتاقلي اني اكثر والله بس شسوي من صرت شيخ واني ماعندي وكت الك بس نشالله بعد ما اتاخر عليك
هسه يلله نتمشه اني وياك
شديت السرج وركبت ومشيت
طلعنه من المزرعه لفيت شماغي عل وجهي وشبكت ركبت الاصيل وكتله يلله يلاصيل اليوم انته تقودني اريدك تاخذني المكان انته تختاره اني راح اغمض عيوني ونته امش
صدك كضيت الجام الاصيل ونمت عل ضهره
ضل يركض الفرس ما ادري شكد بقه يمشي بس حسيته بتعد عن الديره شويه وكف وضل يصهل ردت اطعد سمعت صوت بنيه تضحك بس مو صوت عبالك سمفونيه ضليت اسمع ضحك وسوالف جان ثنين بنات
اريد اسمع شيحجن بس صهيل الفرس مخلاني اسمع شلت راسي شفت ثنين بنات يمشين باتجاهي اني هنا جسمي تبنج كلت خلي اشوف شيسون اذا شافني فعلا متحركت بس اسمع حجيهن وحده حجيهه مو من عدنه
زينب
ها ولج شبيج
اكولج هاذا فرس
هههههههههههه لا غزال
عابتلج صدوك فرس ياي يخبل خلي نروح يمه
وين تردين فرس الوادم لتروح تزكطج
شنو يعني تزكطني
يعني ترفسج
شنو ترفسني
لا اله الا الله ولج خايبه يعني تضربج برجليههى
ها عزه بس والله حلوه اكولج هيه بنيه لو ولد
هههههههههههه والله ما مولدته اني
زين تعاي خلي نتقرب يمهه ونشوفهه
يلله بس موش تدنين يمه هواي
قربنه عل فرس
يا وج زينب هاذا واحد رجال عل فرس
واحد لو ثنين هههههههههههه
عابتلج والله شبيج
شو يا ولج صدك هاذا واحد رجال خل
اكلج هاذا ليش نايم هيج
والله يمكن مطرود من بيتهم
صدوك شمدرج
الغسل كون شمدريني اني
غير انتي تكولين
اكلج امشينه خلي نرجع
لا عفيه دخلي نشوفه للولد خاف متاذي
لا ولج خاف ميت ونبتلي بيه
بس نشوفه اذا ميت نشرد
ها يلله تعاي
وصلن يمي واني كو ساكت من الضحك هاذا لو شخص مريض يموت وهنه بعدهن يفكرن يشوفنه لو لا هههههههههههه
اكلج زينب هاذا بعده عدل
اي والله يتنفس
خلي نزله عل ارض
تعاي وياي
تدنن يمي وسمعهن يسولفن
زينب وج. طيبه هاذا جنه ثور شينزله النه
فيصل لا يا هايشه
لا مو كولش تكيل تعاي اني منا اشيله ونتي مناك
يلله
نزلني بس شني اني مت اريد اصيطر من الضحك كوه لازم الضحكه
زينب شو سحليه وياي ولج عوبه منا
اي شبيج مو جاي اسحل شنو شايفتني جون سينا
يا وشفايتلي اشوف جون سينا غير اخرب عليه
يو عابت شلون ذوق
خايبه طيري غير يخبل
اي يخبل ههههه
شو هاي شمرتني بلكاع وكامت تحجي
اكلج طيبو لهنا وكافي كلشي ولا جون سمعتي
فيصل خرب ابو جون كسرة عضامي هههه
ديلله عاد ميخالف بعد ما احجي علكبد هههه
زينب شو وخري ال لفاف عن وجهه خلي دنشوفه
يا لفاف
هاذا الي لاف وجه بيه
خيه هاذا شماغ شمااااغ
اي هو الشماغ
يلاه تعاي
شالن الشماغ وجان اسمع هاي الحليوه تحجي
ولج خرب شوفي البون بون
شني ولج بون بون
هاذا الولد جنه بون بون
هههههههههههه عابت ولج يعني شني
يعني جوكليت
هههههههههههه اي صدك جنه جكليت
بس اني مدري وين شايفته
منو البون بون
اي
زينب يا ولج هاذا شيخ فيصل
طيبه شيخ
اي ولج شيخ العشاير الاربعه
هاذا البون بون شيخ
اي والله بس همزين ما سمعني من كلت عليه ثور ههههه
فيصل لا سمعتج يلهايشه
بس هاذا صغير بعده
اي مو ابو سلمه الشيخه وهو صغير
اكلج طيبه اكعدي يمه واني راح اصيح للولد يجون يشوفونه
اي يلله روحي
راحت زينب وضلت بس ام البون بون ههههههههههه واني كو كاتم ضحكتي
سحلني نيمني عل حشيش وضلت يمي طيبه هيج جان اسمهه
وره شويه اجت كعدة يمي ضلت تسولف
صدقه لله شكد حلو شيخ فيصل ههههههههههه ماجنت ادري اكو هيج شيوخ حلوين
عبالي كول الشيوخ جكمين
بس مسالت هاي العوبه متزوج لا شو خلي اشوف ايده لا مبيهه حلقه يمكن ممتزوج
الله شكد حلو اتزوجه وصير مرت الشيخ فيصل
شيخه طيبه هههههههههههه حلو
ويصير عندي اطفال بس ها من هسه اكولك ما اسوي اكثر من ثنين ولد وبنيه
فيصل ههه خرب هاي تزوجتني وصار عدنه اطفال خلي اشوف وتالي شراح يصير بعلاقتنه
اي فصولي بس ثنين لان اخاف عل جسمي اي قابل شبع همه ثنين كافي
واسميهم الولد يزن اي والبنيه جنا
اوي بس خاف هاذا ميحب هيج اسماء عادي بكيفه هو يسميهم بس مو يسميهم جاسم وجاسميه لا عيني اخرب تره
فيصل اسمعه تحجي واني بداخلي متت ضحك بعد ما اتحمل كمت اكح من الضحك
طيبه عل كيفك شيخ
فيصل هاي اني وين
ها انته هنا
ادري يعني وين بلجنه
ها ياجنه شبيك شيخ انته نضروب عل راسك
لا بس انتي متاكده مو حوريه من الجنه لان احنه ماعدنه هيج كيك
هههههههههههه شكرا
يمه فدوه للتخجل
كلت بكلبي هسه تزوجتي وخلفتي ههههههههههه
بعدنه نسولف اجت الهايشه ههههههههههه اقصد بت خالتهه وياهه واحد اني سويت روحي تعبان
ها طيبه شلونج
هلو زينه
يلله زينب اخذي طيبه وروحو للبيت
اي يللهة
زينب اكلك صدك هو هاذا مو شيخ فيصل
اااااايي ولي منا
طيبه اوي هاي شبيك متتحاجه
زينب يمكن ماكل باجه
هههههههههههه
ولن منا لا اسويجن باجه هسه
دنك الولد عليه وطلع بطل مي غسل وجهي وضل يصحي بيهه
اني سويت نفسي توني صحيت
ضل يحاجيني
شيخ فيصل
شيخ فيصل اكعد يخوي شعندك
ها انته منو
الحمد لله عل سلامتك يخوي
الله يسلمك بس شكو اني وين
ها انته هنا بكاع الغوالي
حيل شجابني لهنا
يمكن مغمه عليك وجابك الفرس لهنا
ها اي صح لان اني اذكر بس جنت صاعد عل فرسي وبعد ما ادري شي
يلله يخوي تكدر تكوم لو اني اكومك
لا خويه ماعندي شي بس شويه هبوط يجوز عندي صار
اي صح هاك اشرب ماي ورتاح حته ترجع لهلك
اي والله رحمت الله عل والديك ماقصرت وياي بس سؤال
تفضل شيخ
انته لكيتني لو احد غيرك
ها
شفته تردد شويه وجاوبني
اي اني لكيتك
عرفته كاره احد يدري بلي سونه خواته كلت علراحته
الف شكر يخوي
الشكر لله مو اليه
يلله خويه اني اترخص
تحب اجي وياك
لا يخوي بس باجر انتضرك بلمضيف حته نضيفك
لا شيخنه هاذا واجبي ماكو داعي التشكر
لا لا مايصير لازم تحضر
عل امرك يشيخ
يلله في امان الله
رجعت وديت الاصيل للاصطبل ورجعت للبيت وفرحه بكلبي جنت امشي وضحك
ههههه لاكاني ابوي
ها بويه وين جنت من الصبح مو عوايدك
والله بويه اخذة الاصيل نمشي بلبستان من زمان ماتمشينه
يلله بويه اليوم ماتروح للشركه
لا شلون هسه راح اسبح وبدل وطلع
طبيت للبيت صعدة الشقتي سبحت وبدلت لبست بنطرون وقميص ورباط بدون ستره وساعه ذهبيه ومحبس
وخذت جنطه بيهه اوراق وطلعت لاكتني عمتي صفيه لازمه المبخره وتبخر البيت
هله يعمه تعال اللهم صل على محمد وال محمد تعاي ابخرك لا تنحسد
لا يعمه عليمن انحسد
يا ولك شلون ماتنحسد هم شاب وشيخ وخريج وتخبل بس العيون تخبل
ههههههخ تذكرة طيبه من تكول بن بونه ضحكت
اجيت يمهه بخرتني وترخصت منهه وطلعت
نرجع البطلتنه
اني طيبه من بغداد بابا اسمه ياسر من بغداد تخرج من كولية هندسة بترول تعين بلبصره ضل بلبصره اكثر من خمس سنوات تعرف عل ابو ماما يعني جدو فعجبته اخلاقهم فصفطولي مره وعد اهل الجنوب اذامقبل بلمره تكون عيبه بحق العروسه المهم فتزوج ماما
ماما شكره كولش حلوه يكول ابويه من تزوجت مجنت شايف كريمه الي هيه ماما جنت خايف لتطلع مو حلوه بعدين يكول بليلة العرس تفاجات بيهه شلون حلوه تخبل
المهم كانت ماما تحب بابا بجنون وبابا هم
بعد منولدة اني انتقل دوام بابا البغداد فضلينه عايشين بغداد طبعا بعد مصار عد ماما حمل حسب ميكولون الاطباء عدهه بيضه وحيده
طبعا جنت كولش مدلله عد اهلي
هاي السنه كملت سادس علمي وحلمي اكون مثل بابا بلعطله طلبت من بابا اروح البيت خالو لان نفسيتي تعبانه بعد موصلت البيت خالو ثاني يوم طلعنه الصبح نتمشه اني وبنت خالو زنوبه شفنه حصان يخبل ردة اتقرب يمه اشوفه لكينه عليهه ولد يخبل شني جماله صدك صاك ههههه المفاجاءه طلع شيخ خطيه جان تعبان نزلنا وراحت زنوبه صاحت لبن خالو حته يساعده واني ضليت يمه اسولف ويا لحد ماج ابن خالو وحنه رجعنه بس شنو كلبي تعلك بيه
فيصل بعد مارحت للشركه للضهر رجعت للبيت تغديت ونمت للعصر طلعت للديوان وشوف الناس كوله تتحمدلي بلسلامه اني نسيت السالفه
السلام عليكم
وعليكم السلام شيخ الحمد لله عل سلامه
الله يسلمكم بس خير شصار
شيخ فاضل ليش بويه مارحت للطبيب من شوكت هاي الحاله تصير بيك
ياحاله بويه
ينغمه عليك والله خلف الله عل ابن الغوالي لكاك
هنا اني دك عندي جرص يبو مافكرة بهاي الشغله ههه
ها اي بويه صار عندي هبوط بلضغط يعني ماكو شي يخوف
لا بويه الضغط يخوف مادام صار عندكيعني راح يتكرر لازم تراجع طبيب
ماحبيت اداهر ابوي كتله تامر بويه
ضلينه لليل بلمضيف بده رجعنه للبيت تعشيت وطلعت للشجره جان رائد طالع للبر اجه لكاني كاعد كعد وياي وبعدين اجه رافد وثامر
ثامرها ابو الشباب شعندك اليوم صدك متخربط
رائد لا بلله صدك فيصل شعندك
رافد اي صدك كالو مغمه عليك ولاكيك ابن الغوالي صدك
فيصل جريت حسره
ااااهههههههه
رافد انا خوك ولك ثامر فيصل موخالي
رائد اي والله اكص ايدي اذا مو وره هاي الحسره بنيه
رافد اي والله صدك
ثامر احجي اخيك شكو
فيصل ولكم شحجي
هوة علكاع وهاي الكاع طيبه
ليالي العشك تمر عل يحب طيبه
تره يخوان كلبي عشك طيبه
بهواهه دخت وحته اغمى عليه
الله الله
رائد لك ابو الصوص صدك عاشك
رافد منين هاي طيبه
ثامر خيك احجيلنه
فيصل هسه اسولفلكم كلشي
بده فيصل يسولف واني تعبت اريد اروح انام هههه تصبحون عل خير حبايب بس ها ما احتاج اوصيكم
فد تصويت وتعليق من ايدكم الطيبه الكريمه
