صراع الليوث
البارت التاسع عشر
طائر بلا تغريد
رافد بعد زواج فيصل البيت تغير صار بيه حس طيبه ملت البيت بلضحك وجانت حيل متعلقه بلحجي وبعمتي عمتي حبتهه رجعنه اني ولولد لكعدتنه الليليه والسهر تحت الشجره بس فيصل يوميه يكعد ويانه بس يجي مسج يكوم علسريع ههههههههههه جنه ناصبين عليه
فيصل طيبه ملت البيت بالفرح وجانت كول يوم تسويلي عرس جديد اكعد ويه الولد لحد متجهز نفسهه دزلي مسج اروح الكاهه مسويه شي جديد ههه مدري منين تطلع الافكار
دك مبايلي يلله يولد اترخص
ها خويه طلع اسمك ههه
اي والله جفوني شركم ههههههههههه
رافد يمعود اكعد ويانه شويه
لا عيني اعذروني اجه ماي اقوه من مايكم هههه
اي يعمي فووت بفالك ههههههههههه
طبعا كول يوم تقريبا هيج يمر عليه من ادخل للشقه الكه الشموع والعطر والطبله مليانه والكاهه لابسه شي جديد ههههههههههه مثلا يوم سوت عشه هندي ولبست لبس هندي واغنيه هنديه ههههههههههه
ومره صارت يابانيه ولبست ياباني حته الاكل بيومهه ياباني
تكلي حته يوميه تتزوج مره شكل
رافد
كلش عجبني الزواج قررت اروح اخطب سحر
وبيوم رجعت من الشركه لان من تخرجت شتغلت ويه فيصل
باب البيت لاكيت ابن خالي جمال
السلام عليكم
وعليكم السلام شلونك شيخنه
ههههههههههه شو شيخنه شكو
لا والله بس غير انته شيخنه بعد ههههههههههه
اكلك رافد عود اني جاي اعزمك باجر عل مشيت سحر
شنو شكلت
مشيت سحر باجر اني خبرت شيخ فاضل وكال بل انشاء الله
هسه مدام لاكيتك فمو تكول ما ادري
اي اي الله كريم
يلله خيي اني اترخص
الله وياك
الله وياك
راح جمال واني دخلت اركض للبيت صارت طيبه بوجهي
طيبه ابوي وين
شكو رافد شنو صار
ماكو شي طيبه احجي ابوي وين
بغرفته
ركضت للغرفه
طيبه من شفت رافد فاقد ويدور عل عمي الشيخ ركضت عل فيصل
فيصل فيصل
ها حبيبي شكو شبيج
الحد رافد مدرب شبيه
شبيه متعور
لا بس اجه من بره ويدور عل عمي بس حالته حاله
لا بربج وهذه هو وين
بغرفة عمي
زين اني رايح
فيصل طلعت رحت عل ابوي دكيت الباب ودخلت لكيت رافد مكابل ابوي ومخلي ايده عل راسه وعيونه حمر
ها رافد يمعود شكو
الشيخ فاضل تعال بويه فيصل طب وسد الباب
شكو بويه خوفتوني
رافد فيصل راحت من اديه
مني ولك احجي
سحر راحت
وين راحت
راح تتزوج باجر مشيتهه
لا بربك شو محد يدري
اي بويه محد يدري صارت بسرعه
بويه تره هيه مشيه بعده ماصايره صدك خلي نروح نخطبهه وهاي هيه
رافد بس خاف هيه ماتقبل
خرب يومك رافد صارلك سنين تحبه وماتدري بيهه نحبك لو لا
واني شمدريني بيهه راح تتزوج وبعدين هيه غير بعده تدرس شكو متزوجه
بويه البنيه سترهه زواجهه يعني حته لو تدرس هم تزوج وحسن اله
جا هسه شلون شسوي
فيصل لتخاف خليني افكر واني احله
اي والله بعد كلبي تره اتخبل
انجب شنهي تتخبل عل مره شنهي الخلقه ما خلق غيره
لا بويه ماخلق مثل سحر
فيصل دكافي هسه واني احله انشاء الله
طلعت منهم رحت عل طيبه
ها فيصل شكو
ماكو شي
لعد رافد شبيه
هاذا يحب بت خالي
لا صدوك منيه
سحر
ها هاذي البنيه الي اجت بلزواج مالتنه بس كولش حلوه
اي هيه
وهسه شنو صار
انخطبت
لا خطيه زين ليش متروحون تخطبوهه ونتو اقرب اله
اي صح بس رافد يكول اخاف هيه رايدته وخاف يضلمهه
