صراع الليوث
البرت العاشر
ها يلله خيي اترخص
الله وياك
طلعت منه رحت يم فيصل
هلو شيخ
هله والله بعمران
ههههههههههه ياعمران
والله من اشوفك اشوف عمران
لا يمعود مو كلش تره
نجب لك والله نسخه منه
تعال اكعد
اي شكو ماكو
ماكو شي بس ردة اسالك منو البنيه الي شافت الحادث مالي
ها وشتريد منهه
لا هيج بس فضول
هاي بنيه خوالهه الغوالي جانت مسيره عدهم وراحت هسه
ها
فيصل بعدنه نسولف دك المبايل
رائد دك مبايل فيصل باوعت مكتوب ام جنا
هله والله ام جنا
ههههههههههه اي يوم الالك
لا حبيبي خليني استمتع بستايلي الجديد
ههههههههههه استمتع بعيد عني واشرله اطلع
ههههههههههه تطردني واني اخوك
خايب اطلع خليني اسولف
ههههههههههه سولف خويه الشيخ
هلو كلب
هلو فلصوليه
ولج جم مره كتلج هيب لتكليلي هيج
واني كتلك بس بيناتنه منو يسمع
ميخالف خرب ولج دمرتي الشيخه ههههههههه
يلله ميخالف اريد ابشرك
خير كولي
طلع الانتساب مالتي
لا بربج اي بشري
ههههههههههه اكيد هندسه بترول
يا الله احسنتي حبي الف مبروك بهل مناسبه لازم نحتفل
فصولي مو اليوم لان بابا وماما راح يجون لهنا كم يوم حته اروح وياهم
صدك شوكت
هسه بابه جاي بلطريق تدري اني صارلي شهر يوميه اطلع حجه حته ما اروح بس بعد بابا ميرضه ابقه اكثر
يلله ميخالف ماضل شي بس تجين لهنا راح نجي نخطبج
انشاء الله
يلله حب اروح احضر نفسي
يلله راح اشتاقلج
ههه اني هم باي
باي
فيصل سديته من طيبه رحت عل ابويه
شلونك بويه
هله بشيخ فيصل
هههه لا يابه خلصت من الشيخ باجر راح اسلمهه الرافد وخلص
حته لو تبقه شيخ
الله يسلمك بويه
بويه عندي شغيله وياك
كول بويه
والله بويه اريد اخطب
يا الله يوم المنى وليدي بس كول منين
بويه هيه خوالهه منا من بيت الغوالي
والنعم منهم خوش ناس جا ابوهه منين
ابوهه مهندس بترول عايش بغداد
اها جاخوش يعني انته مضبط شغلك ههههههههه
ههههههههههه لا والله بويه بس ويه البنيه اي بس اههه لسه
جا خوش خلي نتوكل نحجي ويه خاله ونشوف
اي اني هم اكول هيج
ابوهه راح يجي لهنا حته نحجي ويا هم
هاي هيه وانا بوك انحلت انشالله
انشاء الله
رافد من طلعت من فيصل رحت البستان الغوالي مريت عل بيتهم جان عندي صديقي من بيت الغوالي
جنت امشي بلبستان وجان يطلع بوجهي فرات
السلام عليكم
وعليكم السلام
تفضل خيي رايد شي
هله فرات شلونك
الحمد لله بس ولا زغرن بيك اعرفك اني
ههههههههههه حقك ماتعرفني اني نفسي مرات اتيه روحي ههههههههه
ليش لازم مغير شي
اي والله غيرت كلشي
شلون يعني
ولك اني رائد ابن شيخ فاضل
لا بربك شلون صاير ههه كاو صاير حادث وياك بس ماعبالي هيج تتغير
اي والله بعد وهي تفلش سوولي وجه جديد
والله احسلك هاي خوش شغله كل الي ما يعجبه وجهه يغيره
ههههههههههه اي ولك بكيفك شتريد يسوونك
ههههههههههه تعال طب شويه ليش ضال بلبستان
لا يخوي خلينه هنا شويه احسن هو حلو
اي والله صدك حلو الجو هنا
بقيت يم فرات للعصر ردت طيبه تطلع ماكو بعدين ترخصت ورجعت
ثاني يوم جان يوم انتقال الشيخه لخوي رافد طبعا هم سووهه عزيمه والشيوخ حضرت اني بس خلصو تسليم الشيخه باركت الرافد وطلعت رحت البستان الغوالي وهناك شفت طيبه
