صراع الليوث
البارت الثاني والعشرون
#طائر بلا تغريد #
نعم شنو كلت
كلت اريدج
مفهمت اني يعني شنو تريدني
يعني اريد انام وياج
قمر 😡😡😡😡
شني هلحجي انته متستحي
الاول لا ما استحي انتي عجبتيني واني اريدج
بابا روح روح شني هلحقاره هاي اني مره متزوجه وحته لو ممتزوجه
اذا متعرفل العيب الحرام هم متعرفه
حرام عليج انتي شايله كل هلجمال وتمنعينه منه يعني واحد كاعد بمحل حلويات ويمنعونه ياكل منه هذا مو حرام
شلون تشبيه هذا
ههههههههههه معجبج وذا متزوجه بعد احسن خبره 😘
الثاني يلله عمر تاخرنه
شويه بس امتع نضري
واخذلي تصبيره
قمر ما احس غير ساحبني من وره الميز وجان يبوسني
قمر حته مرمشت من الصدمه
بعد ما ابتعد عني كعدة عل كرسي واني كلبي يدك وعيوني مغوشات هاي شنو الي صار معقوله باسني هذا الحقير كدام الناس انتبهت عل نفسي لكيت الناس. كله صافنه عليه والولد ماكو
راسن اخذت جنطتي وطلعت
وصلت للبيت تلكتني مرت عمي
ها عيني اليوم جايه من وكت
ها لا مو تعبت شويه
ها لا سلامتج
صعدة الغرفتي ذبيت عباتي وحجابي ودخلت للحمام سبحت وطلعت وكفت كبال الميز تواليت ضليت اباوع النفسي تذكرت بوست الحقير ظليت افرك بشفايفي حيل لحد منجرحت احاول انسه مجاي انسه شلون يربي
بعده سمعت عمتي تصيح
قمر انزلي مادامج هنا ساعديني بلغده
اوووووف يربي رجعت للعذاب عمتي جانت حيل تاذيني وتسمعني كلام جارح
لان هيه تكره امي فمارادتني لابنهه
بس سلام زوجي جان حيل يحبني وتزوجني غصبن عن امه
نزلت وياهه سوينه غده بعده صعدة نمت كل ما اغمض عيوني اتذكر ذاك الحقير والي سوا وياي
للضهر رجع سلام
ها حبي الله يساعدك
هله والله شعندج اليوم سمعت راجعه من وكت
اي والله شويه مالي خلك اخذة اجازه وطلعت
تغدينه ونمنه للصبح كعدة سويت ريوك وبدلت وطلعت واني ادعي اليوم ما اشوفه
اني اصعد كيه من يم شارعنه لحد شويه عن المصرف انزل اتمشه شويه لحد المصرف
نزلت ضليت امشي ما احس غير سياره مظلله طابكه عليه
اني كمت امشي سريع
طلع راسه من الشباج هله بريم الفله شلونج كلب تذكريني لو نسيتي بوستي ههههههههههه
كمت امشي سريع وكلبي يدك اريد بس اوصل للمصرف
بعد موصلت
السلام عليكم
وعليكم السلام ست قمر المدير رايدج
رايدني الي
بلي هو كلي بس تجي ست قمر خلي تدخلي
اوكي رايحه
خرب هذا شعنده بسلا عرف بشغلة هذا التافه
وصلت الباب المكتب دكيته
المدير تفضل
قمر مرحبه استاذ حضرتك داز عليه
اي نعم تفضلي ست قمر
دخلت
تفضلي استريحي
شكرا استاذ
ست قمر انتي صارلج كم سنه تشتغلين بلمصرف مشفنه عليج شي مو زين واني احبج الله شاهد حاسبج حسبت بنتي سورى
الله يسلمك استاذ
اريدج هسه تسولفيلي الي صار البارحه
دنكت من الخجل والله استاذ ماعرف شنو اكلك اني عمري كوله مماره بهيج موقف
بنيتي صح صعبه عليج بس اذا ترديني اساعدج لازم تسولفيلي
ياريت والله لان اني كولش خايفه
اوكي لعد سولفيلي
طبعا سولفتله كولشي
المدير لا اله الا الله هذوله شني من ناس احنه وين عايشين
والله استاذ اني عمري مشايفته لهاذا عمر
زين ومسولفتي الزوجج
لا طبعا انته متعرف زوجي رجل شرقي واذا سمع احتمال يطلكني
شنو يطلكج فوك اذيتج
اي والله استاذ اني اعرفه اهم شي عنده حجي الناس
الله يخلصج من هل مشكله هسه بنتي روحي للمكتب مالتج واذا رجعو بعد اني اتصرف وياهم
رجعت للمكتب واني كول ميدخل واحد للمصرف افز عبالي هو
بس الحمد لله بعد مرجع
وره كم يوم الصبح طلعت دا امشي بطريق المصرف وجان اشوف نفس السياره طابكه باب المصرف
من دخلت ظليت اباوع وين هذا بسلا منتضرني بس ماكو سلمت وكعدة بدين اشتغل ناس تطب وناس تطلع لحد مخلص الشغل طلعت بس السياره ماكو معقوله غير ناس وشو مشفنه
المهم مر كم يوم عل هاي الشغله بديت ارتاح لان نسيت او حاولت انسه
بعد فتره طلعنه ا ني وزوجي نتمشه بلعشار اجرنه بلم وصعدنه بيه
وحنه بنص شط العرب جان اشوف مجموعه من الشباب راكبين مركب صغير تقريبا تاخذ عشر اشخاص يدكون ويركصون والشرب كدامهم وياهم بنات منضر مقزز كول واحد حاظنله وحده
ويبوس بيهه
طبعا سلام كلش تضايق من هلمنضر فراسن رجعنه بس قبل لنرجع لمحت عمر واكف بنص المركب لازم الدفه فاتح القميص وطاير بلهو جان وسيم بشكل وجانت اكو وحده يمه بس هو ولا معبرهه ما ادري ليش ضليت اباوع عليه هو راسن شافني جان يجر البنيه وباسهه وهو يباوعلي ويحظن بيهه بشكل مغري
كانما يكولي هيج راح تسوي بيج
نضراته حسيتهن عرني من لبسي صدكني حسيت برجفه بجسمي مثل رجفت واحد محموم
اباوعله بده ي تفنن بالحركات وهيه مستسلمه بين اديه هاي شنو احنه وين
