صراع الليوث
البارت الثاني عشر
يلله حبي كوم روح البيتكم رتاح وربك يحله
طيبه والله اموت اذا عفتيني
خايب وين اعوفك والله ما اعوفك بس انته نفسيتك تعبانه كم يوم ترتاح
خاف اتملين وتعوفيني
يا جا شلون امل من ابو جهالي ها ههههه
الله يخلي ام جهالي
طيبه اسبوع ما شفت فيصل ردة اموت لا اكل لا نوم بس المي يدخل معدتي وراهه اجا فيصل بس مو فيصل حبيبي حسيته منهار مكسور كلي لازم نترك بعض وكفت ثانيه ويه روحي مو اكثر حسيت اكو طريقين كدامي لو انهي. واتخله كولشي واعوفه واضل بقهر وحزن طول عمري
لو اضل ويا وتحمله واساعده عل تحمل الحزن وهنا حسيت شكد المرأءه العراقيه عضيمه تذكرة ماما وبابا
بابا كان كول فتره يجي للبيت عصبي بشكل تتلكا ماما يدخلون للغرفه جنت اسمع بابا شلون يصيح ويغلط ويكسر ويحجي كول انواع الكلام الجارح وبلمقابل ماما جانت تستمع اله بكول هدوء مجانت تطلع اي صوت وبعده تروح للمطبخ توكف عل سنك وتبجي لحد مترتاح كانما دتفرغ الي سحبته من بابا وبعده تروح تسوي عصير وتاخذه البابا وراهه اسمع الضحك والسوالف
جنت حيل اضوج من تصرف بابا بس بلحضه وحده فهمته بابا جان من يتعرض الضغوطات جان يجي يفرغه يم ماما بحيث ماما صايره مثل الاسفنجه نسحب غضب بابا وتروح تفرغه بعيد عنه
من شفت فيص بذيج الحاله والياس الي واصله قررت اصير مثل ماما
ماما جانت دايمن تكولي ماما طيبه اريدج تشدين حزامج للدنيه
وجنت دائمن اضحك عل كلامهه واكوله
ماما اني ما البس حزام هههههههه
تضحك ماما وتكولي باجر تفهمين كلامي
فعلا هسه فهمت معنات كلام ماما وقررت اشد حزامي واوكف ويه حب حياتي لان هيج حب مستحيل يجي غيره فققرة اشد حيلي وارجع حب فيصل
رجعت للبيت دخلت الغرفتي وره شويه اجت ماما
دكت الباب
تفضل
حبيبتي ممكن اكعد وياج
طبعا ماما تعالي
طيبه تدرين بيه شكد احبج وفاهمتج موصح
اي ماما واني هم اموت عليج
زين لعد احجيلي شكو صارلج من اجينه لسه مو عل بعضج
طيبه هنا اني بعد متحملت حضنت ماما بديت ابجي
اش اش اش حبيبتي ليش هلبجي هاذا
بعد ما ارتاحيت بديت اسولف الماما كولشي وجانت تستمع الي ومهوره بكلامي ما ادري احسه فرحانه بيه وبموقفي ما ادري ممتوقعه مني هيج شي
هسه فهمت شنو ماذيج بس ياماما اسالج سؤال
تفضلي
اولا حسابج بعدين علي مسويته هنا وعلاقتج بهل فيصل لانه غلط من البدايه واني جنت شاكه عندج شي بس مكدرة اجي لان ابوج جان مشغول وما اكدر اعوفه واجي اسفه ماما
ثانيا
انتي متاكده من فيصل هاذا
يعني من اي ناحيه
يعني متاكده هو يحبج
طبعا متاكده
زين شنو الي يضمنلج انهو هاذا ملعوب منه هو واخو حته يبتعد عنج
طبعا اني نصدمت ابد مفكرة بهيج شي
ها لا ماما مستحيل ايسوي هيج شي
ليش ياماما بهل زمن الشباب كولشي يطلع منهم
يجوز مل منج فقرر يسوي هل تمثيليه هاي حته يبتعد عنج
سكتت للحضات مو اكثر وجاوبت
مستحيل فيصل يسوي هيج
زين اذا انتي متاكده منه لتخافين اذا جان حبه حقيقي وقوي صدكيني راح تتجاوزون هلمحنه هاي وترجعون احسن من قبل بس هلمره اني ما اقبل بلقائات هاي لازم يجي يتقدم راسآ
حاضر ماما
تمام هسه اريد اعرف هو شنو يشتغل وين بيتهم
بديت اسولفلهه عن فيصل شغله سكنه حياته كولشي
بعدين حسيت براحه وتعب خليت راسي بحضن ماما ونمت
للعصر كعدة نفسيتي مرتاحه بشكل طلعت لكيت الك كاعد بلحديقه يشربون جاي كعدة وياهم سولفنه وضحكنه
