صراع الليوث
البارت الثامن والثلاثين #والاخير#
#طائر بلا تغريد#
رائد
مرة الايام بين الامتحانات وبين المظيف وقربت ايام الشيخه تخلص
قررنه نسوي حفله للعرس مالتي بقاعه حته نفرح
فعلا حجزنه بقاعه وعزمنه بس الاهل يعني اهل طيبه وسحر وساره حته نكون براحتنه
طيبه بيوم العرس لبست ثوب ذهبي طويل وسويت تسريحه بصيطه ومكياج اجنبي خفيف
طلعت اخبل
سحر لبست ثوب سمائي لونه بيه عرظ شويه لان بطني بدة تكبر
ساره لبست ثوب سواريه اسود مجسم كلش حلو
كعدنه ثلاثتنه يم العروسه وره شويه وصل العريس واخوته جانو لابسين بدلات توكسيدو اسود يخبل
رائد كعد يم عروسته والباقين وكفو كلمن يم مرته
بعده نزلنه كولنه يم عمي الشيخ وعماتي واخذنه صوره جماعيه
وبده الردح ههههههههههه
ركصنه ركص يخبل
حته نسينه العيب والمستحه الفرحه مرات تنسيك كولشي
بعد مخلصت الحفله رحنه للبيت كولمن صعد الشقته وكلمن كمل العرس ويه زوجته ههههههههههه
ثاني يوم لكينه عمي مسويلنه مفاجأة
حاجزلنه كولنه الاربيل
سافرنه اسبوع جان احله اسبوع بحياتي
بعده رجعنه احنه وخلينه العرسان بقو اسبوع بعد
بعده رجع رائد وابرار
صارت ولادة سحر جابت بنيه تخبل
سمومه فاطمه
فيصل ولك هاي بتك لحسين مو تحجي وتكول
رافد والله اني ما اجبر بنيه اذا ما تريد ابنك شلون بلله
فيصل خايب طير ولك وين تلكه مثل حسين وماتريده
رافد والله هاي بعد بكيفه اني ماعليه بيهه
ههههههههههه
فيصل اكيد حسين ينهه عليهه ويكسر راسهه ههههههههههه
ثامر هاي احنه نهينه النهوه تريد انته ارجعهه
فيصل لا بس حسين ينهه عل فطومه وبعدين نلغيهه ههههههههههه
شيخ فاضل بويه الله يسعدكم ويحفظكم يارب
باجر انشاء الله نهايت سنين الاختبار
ولازم نختار الشيخ شتكولون انتو
فيصل بويه الي تختاره انته احنه موافقين عليه
رافد بويه ماكو فرق بيناتنه منو يصير عل روسنه نفتخر بيه
ثامر بويه بعد اذنك اني مالي بلشيخه لان شغلي بعيد عنهه ولا راح ارهم بيناتهن
رائد بويه اني اشوف فيصل هو ابكثر واحد بينه احق للشيخه
شيخ فاضل اني قررة من زمان بس ردة اشوفكم شنو تكولون
بكيفك بويه انته فصل وحنه نلبس
