انت مصيري

البارت 1

نزول بعض قطرات المطر ..يعلن وصول الشتاء وها هي وتين تنهض مبكرا مثل كل يوم لكي تذهب الي جامعتها

لنبدأ
رن المنبه الساعه 6:00 الصبح
وكالعادة كعدت من النوم بنشاط لأن البارحه نمت من وكت وشبعت نوم.
طفيت المنبه ورحت للحمام غسلت وجهي ورحت ابدل. .لبست بنطلون ازرك فاتح وبدي ابيض وستره بيج وحذاء رياضي بيجي وجنطه زركه. ..خليت ماسكارا وحمره ومورد ما أحب أبالغ بالمكياج
عموما خلصت كلشي طلعت حتى اتريك ما أحب أكل الصبح بس محتاجه طاقه ولازم أكل. .المهم دكلي هورن الخط وطلعت ...سلمت وكعدت ليوره لأن كدام يكعدون شباب. .احنا خطنه بي 4 شباب وخمس بنات. .البنات يكعدن ورا والشباب كدام. ..المهم كعدت يم صديقتي سجى وضلينا نسولف لحد ما وصلنا ونزلنا للكليه...
أحب الكليه واني جدا مجتهده بدراستي
من اني صغيره كنت احلم اصير محاميه ودخلت فرع الأدبي وطلعت معدل 90 وانقبلت بأحسن كلية للقانون ..عموما جان عدنا محاضره الساعه 9 وهسه الساعه ب8 يعني عندي وكت. سجى عدها محاضره لذالك راحت أني رحت لسنتر الجامعه واشتريت بيبسي احبه ولفه همبركر وكعدت أكل. .بهالاثناء اجا شاب ..كال
السلام عليكم
رفعت راسي اباوعله
:عليكم السلام
:ممكن احجي وياج شويه
:تفضل احجي بس بسرعه عندي محاضره بعد ربع ساعة
:ماشي ما راح اتاخر وبدون لف ودوران اني معجب بيج من أول ما داومتي وشفتج وبالرغم اني سمعت عنج أنواع الكلام ..انو انتي بنت تاجر وشايفه نفسج ومغروره ومتكبره بس اني ما اكدر أضم مشاعري ولازم اعترفلج وبقت يمج تقبلين أو ترفضين .

ضليت صافنه على كلامه لأن أول مره بحياتي شخص يصارحني وهو شكله جريء وبالفعل هنا الكل يكولون عني مغروره ومتكبره لأن مو اجتماعيه وزميلاتي 3 بالكليه فقط وما احجي ويا شباب بالرغم من حريتي الي انطتنياها ماما

ابتسمت بخجل. .وهو اعتبرها موافقه مني على بدء علاقه. .كمت بدون ما اردله جواب
رحت لمحاضرتي وطول المحاضره اني أفكر بكلامه

كنت مراهقه وما مجربه شعور الحب وعندي هذا الفضول القوي الي يخليني أقبل انو أكون حبيبته وبدون تفكير
صحيح كنت شاطره بالدراسه ...بس جدا مغفله وساذجه بأمور الحياة. ..أسمع من زميلاتي دائما كلمة (فاهيه )بالمزاح لأن نظرتي لأمور الحياة سطحيه ولا اباليه وعايشه حياتي ومكتفيه ..ماعندي فضول اكتشف الدنيا شبيها
عمري 19 سنه بس وبزر دلال لأن الوحيده لأمي
أبويه استشهد من لما كنت صغيره لذلك ما أتذكره هوايه
امي تزوجت واحد تاجر والله منطيه امي أيضا من عائله غنيه وهي كلش حلوه وعمرها 35 من تزوجت هذا الشخص واني كان عمري 10 سنين امي شرطت انو اني أعيش وياها يلا تقبل تتزوجه. ..وهو كلش يحبها ما اعرف السبب بالضبط لكن أعتقد بسبب جمالها
قبل بس على مضض (بالكوه)
والدليل معاملته ويايه جدا جافه من جنت صغيره ما اهتم ومكتفيه بأمي بس من كبرت وصار عمري 16 فعلا احتاجيت آب وحنان الأب
زوج امي احسه يكرهني ويتحاشاني دائما واحسه يريد بس يخلص مني
آخر موقف صارلي وياه. .لمن سمعته بالصدفه واني جنت راجعه من الدوام ردت افوت للاستقبال وقبل ما افتح الباب سمعته
سهير (اسم امي)
:سهير البنيه مو صغيره خليها تتزوج وخوش قسمه جايتها ...
:رجاءا سد الموضوع بنتي صغيره ومستحيل ازوجها هسه خليها تكمل دراستها وهي تختار الشخص اليعجبها مو أنت الي تختاره

من سمعت هذا الكلام تجمعت الدموع بعيوني وركضت لغرفتي ذبيت روحي ع اجربايه وضليت ابجي
شنو الغلط الي سويته اني حتى يريد يخلص مني ..ليش يكرهني
زين وين اروح هسه اني اذا هو ما يريدني ومثكله عليه
لا أعرف عمامي ولا يعرفوني ولا بعمرهم سئلو عليه بودي اموت نفسي واخلص ليش يا ربي كتبتلي أعيش هالحياة البائسه...حسيت نفسي منبوذه
صعب جدا شعوري بعمري ما مختلطه باقاربي تصدكون! وين اكو مثلي
عندي خال واحد وعايش بامريكا مرااات يتصل ويسأل عليه
عمامي امي تكول مشاكل وياهم لذلك ميسئلون
زين اني شنو ذنبي
عايشه ابيت واحد مو طايقني ويريد يزوجني لواحد ما اعرفه ولا يعرفني

بعد ما شبعت بجي نمت بمكاني من التعب
كعدت العصر باوعت ع الساعه ب4:00 العصر
كمت من فراشي فتت للحمام سبحت وطلعت نشفت شعري واني بس أفكر بكلام الولد الي حتى ما اعرف اسمه
وكلام رجل امي
قررت باجر اذا اجه يريد يحجي وياي انطي مجال يمكن احبه ويحبني ونتزوج ويخلصني من حياة الذل ويا رجل امي ...
كملت تنشيف شعري ...كان شعري اسود ناعم وطويل حد الخصر وكثافته متوسطه ضفرته ونزلت جوا كنت جوعانه
شفت امي كاعده بالمطبخ تشرب جاي وحدها رحت عليها بستها وما بينتلها اني سمعت شي
هلا يروحي ما شفتج من رجعتي من الكليه. .. بعدين صعدت فوك ارتب غرفتج وشفتج نايمه بملابسج
:شبيج ماما شو شكلج تعبان؟

:أي ماما اليوم مو كلش زينه بالامتحان

:ليش يعمري بيج شي

:لا ماكو شي ليضل بالج أعدلها درجتي

:اي حبيبتي واثقه انج تنجحين انتي شاطره
خلي اكوم اصبلج غدا

:لا ماما ما اشتهي اكعدي كملي جايج

: هو شنو ما تشتهين دشوفني نفسج صايره جلد على عظم من وره هم الدراسه هاي عود بعدج مرحله أولى ..يمكن بالتخرج اشوفج مومياء

:هههههه يمه شسالفه ترى وزني 60 وطولي 164
يعني متوازن جسمي لا ضعيفه ولا شي

:ميخالف تغدي

: أمري لله يلا كايمه اني أحضر غداي ارجعي اكعدي انتي

:اي سولفيلي عن يومج

:سولفت لامي كالعاده عن تفاصيل يومي بس ما كلتلها عن الاعتراف

أحمد( زوج سهير )
سهير كلش متعلقه ب وتين بنتها ...واني بصراحه هالبنيه مو حاب وجودها ابيتي عندي ولدي 2 أمهم ميته من قبل ما أتزوج سهير ...عايشين ويا اختي عمرهم واحد 20 سنه طالب كليه اداره واقتصاد
والثاني 18 سنه طالب اعداديه
حاب اجيبهم يعيشون ابيتي هنا ويم زوجتي حاب اسوي عائله
بس وجود وتين مخرب عليه هالشي من 9 سنين
كل ما افتح الموضوع ويا سهير تكول ولدك شباب ومراهقين واخاف على بنتي يعني سبب رفضها الوحيد هو بتها وتين واني أحب زوجتي ولخاطرها قابل وساكت على وجود وتين ابيتي
صديقي تاجر أيضا فتح موضوع عن طيش الشباب وابنه مهمل بالشغل ويوميه مسويله مكسوره. ..كتله زوجه وخلي بركبته مره وأطفال وهسه تشوف المسؤوليه شلون تسوي رجال
عاد هو اقتنع بكلامي...وأول ما رجعت للبيت فتحت موضوع عن زواج وتين وحرفت السالفه ع أساس أنو طلبوا ايدها. ..كلت حتى توافق واذا وافقت اتصل على صديقي واكله لكيتلك المره وتعال أخذها
بس سهير رفضت رفض قاطع .بس راح ابقى أحاول لحد ما اسوي الي أبالي. ..