انت مصيري

البارت 12

أحس رجليه بادن ما اكدر احركهن من الخوف. ..لان منظره يوحي للشر. ..مبين غاضب .
الأطفال دخلو الغراض للحوش وراحو
فتت اني...بالكوه أجر بروحي باتجاه الغرفه

تقدم باتجاهي بهدوء تاام ..هذا ما يسمى هدوء ما قبل العاصفة. ..ونطق وبنفس الهدوء لكن مع تركيز على الحروف

:ويين جنتييي

:.....
سكتت بس وربي جسمي كله يرجف..مع أن ما ضاربني طول المده الي عشتها ويا بس اليوم أحس الشياطين تلعب براسه والنار تطلع من عيونه

فجأه انضربت راشدي أحس روحي اختضيت خض وانداريت ويا دورة ايده على وجهي. ..

حسيت بدوخه. ..أول وأقوى راشدي بحياتي. ..تلمست وجهي. ..اباوع هذا دم من خشمي وحلكي صار بي شك وخدي وصفحة وجهي كلها متبنج أثر الضربه

لزم شعري من ورا الحجاب وبدون كلام جرني للغرفه

:اااخ شبييييك لك وخرر ايدك دتاذيني
بجيت وتاذيت حيل. .أحس شعري يتكطع بايده

شمرني ع الكاع وسط الغرفه
كال

:راح أسأل وانتي جاوبي. ..كان ينزع بحزامه ويسولف. ..اذا  ما عجبني جوابج تتعاقبين بدل الجلده جلدتين..
وهسه ...أول جلده

:لا عليك الله لا لا تضربني بالحزام والله يوجع ح حازم فدوه والله والله ما ما اعيدها ببعد

بإيد يدخن والثانيه لازم حزامه ...ما استمع لتوسلاتي ولا رفله جفن ..وضربني اول جلده وجانت على ظهري

:اااخ اااي لا لا لا تضرب كافي فدوه

:السؤاااال الأول ...ويين كنتي

:بال بالسوك جنت والله  رحت اتسوك والله اضطريت اسفه اسفه والله

ابجي واشهك كدامه واتوسل بي في سبيل يكف عن ضربي بالحزام بس لا حياة لمن تنادي

:جؤ جؤ جؤ ما عجبني جوابج ابدا مو مقنع. ..لان اني كتلج البارحه ما تطلعين ابدا ..صح لووو لا ؟

يحجي ويدور حواليني وأني ادير بجسمي ويا دورته واترقب الحزام شوكت ينزل على جسمي

:ااااااه ...كافي كااااافي

:بعدنه بالبدايه مو كافي. ..لعد شعبالج من تكسرين كلمتي اكافئج مثلا. ..لو اصير كو.....مثل ابوج. ..حتى تجيبيهم لبيتي انوب ..

جلده رابعه

وصرخه ألم مع كل جلده ضرب  على كل مكان بجسمي بس ما حسيت بيهن كلهن لأن اغمى عليه

■■■■■■■■■■■■■■■■

حازم

صارلها أكثر من أسبوع هنا. ..ما بدر منها شي غلط وكانت مطيعه وتسمع كلمتي ...وقدرت كونها كانت مدلله وما تعرف شي وحاولت اخليها تتعلم يمي. ..من أول ما شفتها ابيتهم ما عجبتني. .منطينها حريه زياده عن اللزوم. ..اني من كربلاء ومن عائله محافظه. ..خواتي ملبسهن اعبي من عمر 18 سنه وتزوجن والله وفقهن....هسه هاي هم طفله اعتبرها اصلا مستغرب شلون بدر منها موضوع الفضيحة السوتها ...خلال المده العرفتها بيها حسيتها كلش بريئه وكل ما اصفن أكول ما معقوله هيج وحده تجيب عار لأهلها. ....تصرفاتها مال اطفال حتى كلامها وحركاتها عبالك بنيه عمرها 10 سنوات. ..