انت مصيري

البارت 11

مر أسبوع على وجودي هنا ...اسبوع واني ما ادري بأمي شنو أخبارها...اسبوع عايشه حياة مو حياتي ابدا ..والشي الوحيد الي مصبرني هو مرور الأيام على أمل يصير شهرين واطلع وارجع لأمي. .اوووف يا أمي شكد مشتاقتلج مشتاقه لحياتي قبل عمار مشتاقه لدلالي مشتاقه لجامعتي ولاحلامي وطموحاتي الي نسيتها من يوم الحادثه..
يا رب صبرني ومرر الوقت بسرعه.

طكت روحي واختنكت من هذا الكبر الي اني بي ونفس الروتين
حازم شخصيته غامضه وابد ما احتك بي وهو ابد مو بحالي ولا عبالك موجوده وبس من يريد شي يصيحني. .خلصت الوقت بس نوم وتلفزيون...
شبعت خوف ورعب بهذا البيت من يروح حازم ..أشكال الأفكار تجي براسي...أحاول أقضي على خوفي بالنوم  ...بس حتى الشي الي ما صار بالواقع من الأفكار فصار باحلامي واكعد مرعوبه لحد ما تعودت ..

حازم الظاهر متغير شغله وما اعرف شنو يشتغل..يطلع بال6 الصبح ويرجع ب4 العصر ينام ساعتين ويكعد ب6 العصر اسويله أكل .إذا عجبه يأكل اذا ما عجبه يرزلني ويسم بدني بكلمات مقززه ومهينه ويطلع فد ساعه ويرجع تلفزيون وتليفون وجاي ..تصير ب12 ينام وهذا جان روتينه

بالنسبه الي ك بنيه محتاجه هوااايه شغلات وحاسه نفسي بسجن للحوش ميقبل اطلع. ..استحي اوصيه لأن شغلات خاصه ..يعني لوازم اي بنيه وشوية ملابس داخلية وكريمات مرطب ..تنظيف شغلات هيج شي يعني. ..

قررت اليوم من يجي احجي وياه

صارت الساعه ب4:05  سمعت الباب انفتحت جنت كاعده على جربايته اباوع ع التلفزيون...من سمعت الباب انفتحت كمت ع السريع كعدت جوا الجربايه
فتح باب الغرفه ودخل..باوعلي وفات لا سلام ولا كلام

:حظريلي ملابس راح اطب اسبح

:اي هسه
كمت طلعتله بدي نص ردن ابيض وبجامه سوده

هو نزع ساعته وطلع محفظته والموبايل ع الميز مال التلفزيون. ..

انطيته ملابسه وطلع للحمام
رحت وراه

:احم ..جوعان

:.....

:اسويلك أكل هسه لو من تكعد

:ما اريد هسه ...سوي لبعد شوي بس أكل بي خير ينوكل مو لعبان نفس مثل كل مره

بكلبي كلت لو ضال ساكت احسن

اجتني فكره ليش ما اطلع ع الانترنيت طبخات وأتعلم ...بس منين أجيب موبايل ...اطلب تليفونه. ..بس خاف ما يقبل

طلع من الحمام. .دخل للغرفه...كمت اريد احاجي بس أخاف...

خرب يومج تينه شكو خايفه منه هسه اني قابل جلب ويعض ...ضحكت على تفكيري ..ونزيت على صوته

:خير شكو تضحكين
ينشف بشعره ويحجي

كتله
:اكلك انت مو تريد اكله زينه...واني ما اعرف...فليش ما تنطيني موبايلك اتعلم شكم طبخه ع الانترنت