صحيت على صوت ركعة الباب. ..جان باب حديد ومن ينسد يطلع صوت قوي. ..فزيت بعدني ممستوعبه اني وين. ..باوعت عليه. .طلع حازم. .بيده علاليك ...خلاهن ع الجربايه وكال
:كومي عزلي هاي الغراض. ..وسويلي غدا بسرعه
اسمع حجيه بس ما كمت بعدني كاعده وفاتحه حلكي وهو يحجي ويفتح بالعلاليك. ..من كمل كلامه. .وانتبه ماكو رد مني ...التفت عليه
:ويامن احجي
:ما اعرف اسوي أكل اني
:اي حقج ك..... والبيت مو شغل الك......
عزااا وجهي صارر احمررر احسه من الحراره. ..احترك دمي ...
:كومي بسرررعه اطبخي وغصبا عليج تتعلمين. ...انسي شغلج القديم والدلال. ..هسه شغلتج تخدميني وشغلتي تربيتج خاف ابوج الك.....وامج ما عرفو يربونج...
جان يحجي وينزع بهدومه ....غلط عليه وعلى أهلي عباله أحمد ابوي ...نزع قميصه......وانتبهت داك وشوم على جسمه. ...واحد ما جنت منتبهه عليه داكه بركبته (الوحش)على جانب الأيسر من ركبته جان مندار لكدام ويبدل ويسب. ..الوشم الثاني على ايده. ..راسم خنجر منبوت بايده والدم يجري ...ولبس فانيله نص ردن
من كمل. ...كمت اشوف شسوي قبل ما ياذيني. ..صدك وحش. ..رحم الله امرء عرف قدر نفسه
....فتحت علاكه صغيره سوده. ..بيها طماطه والثانيه بتيته والثالثه باذنجان يعني خضار وفواكه هوايه متسوك. ..اكيد مو اليه بس على كولته خدامه...حتى اطبخله منا وهيج كام يتسوك
كمت اشيل واسفط بالمطبخ والثلاجه. ..كال
:ذيج العلاكه بيها حجاب وعبايه وشمر علاكه ع فراشي كال هاي دشاديش ...روحي بدلي بالحمام. ..اشرلي برا.....
طلعت شفت الحمام والمرافق بصفه مبنيات من بلوك بالحوش. ..دخلت للحمام بي برميل ماي...وليفه وصابونه وشامبو ولوازم يعني
تذكرت غرفتي وحمامي. ..اوووف عمار حسبي الله ونعم الوكيل بيك....
فتحت العلاكه بيها 4 دشاديش طلعتهن مو على قياسي مدري منين جايبهن 2 خياط زينات شويه ضيكات وشويه بيهن قصر. ..بس ثنين جاهزات يخزن وحده عريضه حيل وعلى طولي والثانيه عريضه وطويله. ..كلت البس وحده من ذني الضيقات. ..أول مره بحياتي البس دشداشه ....
راحت إيام البرموده ...دا البس واسمع صوته صاح
:وين صرتي ...فضيها عاد سويلي زقنبوت
طلعت وأخذت العلاكه وسترته ....فتت للغرفه ...امشي حافي لأن اجيت بحذاء ما عندي نعال
خليت العلاكه وسترته بالكنتور. ..وردت اروح للمطبخ. ..كال ...
:طلعي علاكتج لتخلين غراضج ويا غراضي ...والستره اغسليها زين وشريها برا ع الحبل
كلش ضجت ...يعني حسيت اني نكسه
سويت مثل ميريد ورحت...للمطبخ. ..فتحت الثلاجة واباوع شسوي شسوي
طلعت طماطه وبتيته
كلت اكليهن
حطيتهن بكاسه وطلعت طاوه شغلت الطباخ ما اشتغل ثاني مره كبت نار شويه. ..اني عطت ...بس هدئت النار
أنت تقرأ
انت مصيري
Romance(قصة باللهجة العراقيه)فتاة يتم استدراجها من قبل أحد أولاد الحرام...فيعتدي عليها ثم يتركها وحيده لتواجه مصيرها..تابعوا للتفاصيل.
