انت مصيري

البارت 7

باليوم الثالث بعد الحادثه ...اجت آمي لغرفتي كعدتني. ..استغربت لأن صارلها من يوم الحادثه ما شفتها لا هي ولا أحمد لا اني طلعت من غرفتي ولا هم اجوني بقيت بالغرفه مالي عين اطلع منها وبس سجى ما عافتني كل يوم تجيني بعد الدوام تبقى يمي فد ساعه ساعتين وتروح تجيبلي أكل وتجبرني أكل. ..هواي ساعدتني سجى وخففت من همي. ..امي ابد حتى أكل ما تجيبلي كلت يجوز تدري بسجى تصعدلي يوميه...اني قررت اترك الجامعه إلى شعار آخر. ..

اليوم الصبح الساعه 11 اجتني امي كعدتني بس هالمره برود. .عرفت عدها شي. ..كالت وتين اكعدي احجي وياج. ..ضليت اباوع عليها شويه وأفكر شراح تسوي اكيد أحمد كاللها شي وجايه تكلي عليه

كمت من فراشي رحت للحمام غسلت وجهي ونشفته وكعدت يم امي ع الجربايه بدت تحجي

:بعدج مصره ما تكولين منو

:سكتت دنكت راسي. ...بعدين حجيت ماما انتي هوايه فاجاتيني. .يعني المفروض توكفين وياي انتي امي اني ينتج الوحيده هيج تفضحيني كدام أحمد

:فضحتج! !!..ليش هو منو أحمد ولج هذا بمثابة ابوج هو الي رباج ولج ولده لخاطري ولخاطرج عايفهم يم أخته. ..شكد خسر عليج وما خلاج بعازة شي من اجينا ولهسه ما فكرتي بكل هذا ..ما.....

:ماما كافي لخاطر الله كافي. ..خليت اديه على راسي ضليت ابجي. ..ماما ما دتفهميني انتي
:من شوكت ما افهمج وتين لج اني لو ما افهمج ما جان عرفت شصايرلج من نضرة عيونج ولو ما افهمج  جان صدكت بيج من كلتي ما اعرفه. ...كل هالفتره الفاتت جنتي مو طبيعيه وتضحكين للهوا. ..عرفت اكو أحد سالب عقلج وكلبج. ..بس للاسف واثقه بيج زياده واعتقدتج راح تجين تحجيلي ووثقت بيج لدرجه ما توقعتج بيوم تسودين وجهي وتروحين وياه. ...وتين لعلمج ترى مخليه مراقب عليج بالكليه. ..صحيح أثق بيج بس جنت خايفه عليج من تشيكتي وطلعتي للدوام بذاك اليوم الأسود ...اتصل عليه الي جان يراقبج وكلي طلعتي ويا شاب بسيارته. ..بس ما لحكج. ..
.لان كلت يجوز يريد يوصلج للبيت. ..اااخ صوجي كله صوجي

:ضليت مصدومة من كلام امي خفت لا عرفت عمار وانفضح ...بس ما سئلتها ضليت ساكته وابلعم

دخل أحمد فجأه كال ها ما حجتلج منو هو مو،؟اي اعرفها تستر عليه بس إلا اربيها من جديد

خلتكوم حجيت ويا الولد واتفقت ويا الولد وحط عليه شروط. ..بس شسوي قبلت من الخزي والعار

وكفت على حيلي

:عمو يا ولد شدتحجي أنت

:اش ولا كلمه والج عين تحجين ولج سودتي وجوهنا الله يسود وجهج شكول للناس لو عرفت بسالفتج مو راح ينزل راسي مو اني الي راح انفضح ع أبو تربيتك وبمثابة بنتك!!!

:كمت ما اشوف واضح من كد الدموع ...كتله عموو يا ناااس كلي يا ناس فهمني انت مالك علاقه بيه انت مو أبويه ...