انت مصيري

البارت 5

:بس عمار ميصير شتكول علينا الناس وحدنا نفوت للبيت
:لج بابا دتعاي سحبني من معصمي وفتح الباب

واني أحاول اقنعه بأن هالشي ميصير دخل للبيت وسد الباب مال الحديقه
البيت صغير والحديقة كلش صغيره.
انقبض كلبي حسيت بشعور مو حلو حسيت بغلطي بالجيه لهنا ويا شخص غريب حتى لو كان حبيبي بس بعدني ما اعرف عنه شي
المهم
فتح باب البيت وهو لازمني من ايدي قوي فتنا جوا تنهد وعاف ايدي وقفل الباب وباوعلي بنضرة تخوف تقربلي وهو مبتسم ويكول شطالعه اليوم شنو هالجمال ويتغزل بيه ومستمر يتقدم خطوات واني اتراجع ليوره وارجف من الخوف

:ع ع عمارر عفيه الله يخليك خليني اروح ...ل ليش ليش جبتني لهنا هاا ليش حباب لتسويلي شي

ضحك ولزمني من كتفي ودفعني ع قنفه الي جانت قريبه علينا

عطت من حركته المفاجأة
:عمار شبيك فدوه ليش هيج دتسوي دتخوفني نزلت دموعي كمت ابجي ....بلكي يشوف دموعي ويحس ع نفسه ويتركني

بس سوه العكس تهجم عليه يبوس بوجهي بكل همجيه لعبت نفسي منه ضليت اعيط واصرخ بكل صوتي بلكي يسمعني أحد ويجي ينقذني من هذا الوحش. ..صرت اضرب بي أحاول ابعده عني اعض بي اخرمشه باضافري. ..جربت كل الطرق ما فاد

مزق ملابسي عليه وضربني لحد ما تعبت وايست وصار الي يريده واغمى عليه ....

كعدت لكيته ماكو باوعت ع نفسي تذكرت الي صار وياي وشسوه بيه الي سميته حبيبي والي ع أساس يحبني
تمنيت هالشي كابوس وتجي هسه أمي وتكعدني منه واروح لدوامي وماكو شي

كرهت نفسي واسودت الدنيا بعيني. ..ما اعرف شسوي وين اروح اذا اطلع هسه بهاي الحاله ملابسي مشككه ووجهي صاير خريطه من خراب المكياج والدموع ...وكفت على طولي وحسيت بالم فضيع ضليت اشهك وابجي على حالي. ....يا رب ارحمني

دورت ع جنطتي اشوف بيش الساعه هسه اكيد متاخره وأمي ضل بالها
لكيت جنطتي مشموره ع صفحه فتحتها طلعت تليفوني لكيت 40 مكالمه من امي ومن سجى وكم وحده من صديقاتي ...كعدت بالكاع انهاريت من البجي شكول لأمي هسه...
طلعت رقم سجى دست اتصال وانفتح الباب

انداريت واني بالكاع ع جهة الباب شفته عمار جايب علاكه سوده
سديت التلفون
ضليت اباوعله بكل حقد بودي هسه بيدي سلاح والله اقتله الحقير

اجا شمر عليه العلاكه وكال

:هاج هاي جبه وحجاب البسيهن واطلعي منا

ضليت ساكته ما عندي قدرة على الكلام
طلع كامره صغيره رفعها بيده وكال باوعي هاي كامره بيها كلشي صار  اكدر اسوي منها صور وشوية فوتشوب وراح ابين بيهن أن الي صار بارادتج
إذاااا إذاااا فكيتي حلكج وحجيتي لواحد الي صار
فهمتي يا شاطره عود روحي اشتكي لو اتجرئي تسوين شي راح تصير فضيحتج ع كل لسان واكدر أحرف السالفه واسوي كلشي ضدج. ....انصحج تسدين حلكج وتكملين الباقي من حياتج بستر