انت مصيري

البارت 3

فتاة مراهقه متحمسه للحياة ؛تحلم ككل الفتيات
في الحب والعشق وما يحمل من كلمات؛
لم تكن تعلم أن أحلامها الورديه ستفعل فيها الويلات..
وتين

كاعده ادرس بغرفتي العصر جانت الساعه تقريبا ب3 و ربع. .مندمجه وادرس واسمع فجأه رن التلفون. .فرفح كلبي اكيد هذا عمار شمرت الدفتر ع الجربايه وكمزت ركض أجيب التلفون ....
رقم غريب اكيد هو. .اخذت نفس عميق من التوتر حتى النفس بي صعوبه. .لأول مرة بعمري راح أكلم شاب بالتلفون. .بس لحظه هذا راح يكون حبيبي
يعني زوجي المستقبلي
ابتسمت ع تفكيري وفتحت خط بس ما كلت الو
مخليه التلفون على أذني وساكته. .اسمعه يكول الووو الووو. ..
:وتين هاي انتي! ليش ساكته؟

:احم الو هلو اي هاي اني وتين
:ههههه فدوه لهالصوت وراعيته.

:......

:تنهد وكال وتين حيل دتعجبيني. خجلج .برائتج...جمالج. .دا اعشقج كل يوم أكثر

:يعني اكيد تحبني

:واموت عليج هم ...احجيلي عن نفسج حبي

:ماكو شي يستحق الذكر حياتي بسيطه عن شنو احجيلك

:ابوج، امج ،عائلتج يعني

:بابا مستشهد صارله11 سنه ...وعايشه ويا امي وزوجها

:يعني أحمد مو ابوج الحقيقي

:لا مو أبويه. .بس انت وين تعرفه

:حبي اني من أول ما شفتج انعجبت بيج ومن ثاني يوم بديت أحقق وأسأل عنج وعرفت عنج كلشي وحبيتج

:سئلت منوو عني. ..وما دامك عارف كلشي ليش دتسئلني

:حياتي حتى نستمر بالحديث واسمع صوتج الحلو

:ههههه اوك

:صدقه، شهالضحكه

:صدك ضحكتي وصوتي حلو لو تجامل

:لا لا لا ما أحب اجامل. كلشي بيج حلو ..كلك على بعضك حلو يعني

:هههه شكرا

:لتحجين بالرسميات شكرا وعفوا. ..بابا اني حبيبج. .
أكول ...انتي هم حبيتي قبل

:لا انت اول شخص بحياتي

:وآخر واحد وعد ...يعني متعرفين شيصير بين الحبيبين من مواضيع

:بصراحه لا يعني اكيد بينهم مواضيع رومانسيه وكذا

:اها زين والله هم تعرفين شويه يعني سمعيني كلمه حلوه رومانسيه