انت مصيري

البارت 8

خلصت كل شي وصار الوقت حتى أنزل ...صعدتلي امي وسجى جانت يمي ونزلت وياهم ...واني أنزل ع الدرج كامن يهلهلن خوات أحمد. ..طبعا بصراحه ما شفت منهن اذيه بالعكس جانن حبابات هو عنده أربع خوات كلهن متزوجات وكبار وعدهن بنات وولد بس وحده ارمله وعدها 3 ولد وأحمد مخلي ولده يعيشون يمها

امي شاورتني. ..
:لتضلين عابسه اضحكي

:تصنعت الابتسامه وكعدت مع انو بعد ما صاير شي ولا عقدت وسوو هالشي كله. ..يعني صدك بالغو

وره ربع ساعه....دخل أحمد وحازم بس الشيخ بعده ما حاضر كعد حازم وكالعادة ساكت وساكن جنه صنم ...الكل اتفاجأ بحازم الي يخطب واستغربو جاي وحده بس ابد ما أحد انتقص منه واصلا كل الموجودين أخوات أحمد وإخوانه ...وكلهم خوش ناس
اني ولا اهتميت ...

كال الكل اريد يسمعني. ..ما اريد أحد يتفاجا. ..حازم مثل ابني. .رجال كد نفسه وأخلاق عاليه ...ومن طلب مني وتين كلش فرحت ومن سئلتها وافقت بدون تفكير لأن تعرف اخلاقه زين. ...اليوم اني جاي اخطب لحازم مني. ...حازم اهله متوفين بحادث. ..وعنده خلاف ويا أقاربه لأن ظالمينه....وكدر يشتغل ويكون نفسه وشويه شويه راح يرتب وضعه أكثر. ....
وهسه اكو أحد معترض؟

:بنفسي اكوم هسه واكول اي اني اعترض انت جبرتني وكلامك هذا باطل وكذب وتلفيق من يمك واجتك حجه حتى تخلص مني ....بسسس اوووف يالقهر خليني ساكته واشوف الدنيا وين تريد توصل بيه

الكل كال. ..نتشرف بي وما عدنا اي اعتراض
....رغم هم ولا واحد يعرف شي عن حياته!!!!ولا واحد كلف نفسه وكال نسأل عليه نشوف وضعه. ..ابد يردون بس يزيحوني

كال لعد مبروك عليك حازم وراح اشوف الشيخ وين وصل
طلع أحمد
خنكتني العبره بس ما اكدر ابجي. ...كتلها سجى جيبلي ماي. ...جابتلي سجى شربت وأخذت نفس....

سئلته وحده من خوات أحمد
:شعجب يعني لا خوال لا عمام ...واحد منهم أجه وياك

جاوبها بجمووود
:ماكو ...وطكطك بركبته. .هاي الحركات كل ما اشوفه يسويها يرجع ركبته ليوره انوب يمين ويسار. ..ونضراته بارده

الكل تفاجأ بي من جاوب بهالطريقه

:اني أكول بنفسي. ...الله يعيني ع هالمريض

دخل أحمد ووياه الشيخ كعدت وهو هم كعد سئلني ماكدرت اجاوب ...اختنكت اريد أخذ نفس ما اكدر

رد كرر السؤال. ..كلت نعم وانت وكيلي بصوت متقطع وبالكوووه
رد كرر السؤال وعدت الجواب أوضح شويه
انوب سئله وجاوب بطريقته المعتاده
وخلص العقد مال الشيخ

أحمد كال بما انو الولد ع كد حاله وما عنده أحد فخلي نختصر السالفه ونلبس الحلقات هسه وبعد شهر العرس

:ضليت بس فاكه حلكي اباوع ع امي أريدها تحجي بس ما حجت

كال حازم محضر روحه ومشتري الحلقات والحاضر والغايب متفقين عليها