အခန်း ( ၉ )
ညနေကျောင်းဆင်းချိန်ရောက်ရင် နေ့သစ်၏ အိမ်မှာ သူရိန်က ယမင်းနှင့် နေ့သစ်ကို စာပြပေးသည်။ နေ့သစ်တောင် သူရိန်၏ ဂရုတစိုက် စာရှင်းပြပေးခြင်းကြောင့် အရင်လို ဘိတ်ချီးမဟုတ်တော့ ။ နေ့သစ် စာလုပ်နေတာမြင်သည့် အမေကတော့ အရမ်းကို ပျော်နေရှာသည် ။ သူရိန့်ကိုလည်း ကျေးဇူးတင်ပြီး နေ့သစ်ထက်တောင် ပိုချစ်ပြနေသေးသည် ။
သည်နေ့လည်း ကျောင်းကအပြန် နေ့သစ်၏အိမ်ကို ယမင်းနှင့် သူရိန်အတူလိုက်လာခဲ့သည်။
ယမင်းလည်း သူရိန်ရော သူနှင့်ပါ ရင်းနှီးနေပြီ။ စာတွေလုပ်ပြီး ပြန်ခါနီး... ။"သူရိန်"
"အင်း"
"မနေ့က လပတ်စာမေးပွဲ ပြီးပြီ။ သူရိန့် ကျေးဇူးကြောင့် ယမင်း ဒီတစ်ခေါက် အကုန်ဖြေနိုင်တယ်။ ကျေးဇူးတင်ပါတယ် သူရိန် "
"ရပါတယ်။ နေ့သစ်ကို စာပြပေးရင်းနဲ့ မင်းကိုပါ သင်ပေးတာ "
"အင်း"
ယမင်း သူရိန့်အဖြေကို မကျေနပ်ပေမဲ့လည်း မျက်နှာအမူအရာမပျက်အောင်ထိန်းလိုက်သည် ။
"နေ့သစ်"
"ဗျာ.....ယမင်း"
"ယမင်းတို့ သုံးယောက် ရုပ်ရှင်သွားကြည့်ကြမလား ။ စာမေးပွဲလည်း ပြီးပြီဆိုတော့လေ။ နောက်ပြီး မနက်ဖြန်က ကျောင်းပိတ်ရက်ဆိုတော့..."
"ဟင်!"
"သူရိန်ရော လိုက်မှာလား"
"နေ့သစ်ပါရင် ကျွန်တော်လိုက်မယ် "
"နေ့သစ် လိုက်ခဲ့ပါနော်။ ယမင်း ကြိုက်တဲ့မင်းသားကား ရုံတင်ထားလို့ပါ "
ယမင်းသည် သူရိန်နှင့်အတူ ရုပ်ရှင်ကြည့်နိုင်မည့် အခွင့်အရေးမို့ နေ့သစ်ကို အသနားခံပြီး ပြောနေမိသည်။
"နော်...နေ့သစ်"
"အင်း "
ဒါဆို ယမင်းလက်မှတ်ဖြတ်ထားလိုက်မယ်"
ВЫ ЧИТАЕТЕ
ကျွန်တော့် ချစ်ရသူ { Completed }
Любовные романыမှားယွင်းခဲ့တာတွေ အတွက် ကံတရားကို အပြစ်တင်မိတယ် ။ အဲ့ဒီအမှားတွေထဲမှာ မင်းကို ချစ်ဖို့ဖြစ်လာပြန်တော့လည်း ကံတရားကို ကျေးဇူးတင်မိပြန်တယ်။ နေ့သစ်