အခန်း ( ၄ )
"နေ့သစ် မင်း တစ်ယောက်ယောက်ဆီ က ပိုက်ဆံ ချေးထားသေးလား"
စာသင်နေတုန်း ရုတ်တရက် ထမေးသော ဖိုးလပြည့်၏ မေးခွန်းကြောင့် နေ့သစ် ကြောင်တောင်တောင် ဖြစ်သွားသည်။
"မင်း ဘာတွေ ပြောနေတာလဲ ။
ငါက ဘယ်သူ့ဆီက ပိုက်ဆံချေးရမှာလဲ ""မသိဘူးလေ ။ မင်းကို သူရိန် ခဏ ခဏ လှမ်းကြည့်နေလို့"
"ဘာ! "
နေ့သစ် အလန့်တကြားနှင့် သူရိန့်ကို လှမ်းကြည့်မိသည် ။ သူ့ကို ငေးကြည့်လာသော သူရိန့် မျက်ဝန်းတွေနှင့် တည့်တည့်တိုးတော့သည် ။ တကယ်ပါပဲ ။ သူတော့ ရူးတော့မည် ထင်သည် ။ နေ့သစ် က နောက်ဆုံးတန်းမှာထိုင်ပြီး သူရိန်က အရှေ့ဘက်အတန်းမှာ ဖြစ်သည် ။ သူရိန်က ခဏ ခဏ လှည့်ကြည့်နေတာကြောင့် လူတွေ တစ်မျိုးထင်တော့မည် ။ ခုတောင် ဖိုးလပြည့်သိနေပြီ ။ မဖြစ်ဘူး ဒီကိစ္စ ရှင်းရမယ်။
****
မုန့်စားဆင်းချိန်တောင် နေ့သစ် အပြင်မထွက်ချင်တော့ပါ ။ သူရိန့်ကြောင့် သူ စိတ်ညစ်မိသည်။ အခုလည်း သူရိန်က နေ့သစ်ကို စောင့်နေသည် ။ နောက်မှ သူ့ဘာသာ သူ ထထွက်သွားသည်။
သည်တော့မှ နေ့သစ်သည် ပါလာသော ထမင်းဘူးလေးကို ဖွင့်၍ စားဖြစ်တော့သည် ။ ထိုအချိန် စားပွဲပေါ်ကို ice coffee ဘူးရောက်လာလေသည် ။ နေ့သစ် မော့ကြည့်လိုက်တော့ သူရိန်။
" မင်းက ice coffee ကြိုက်တယ်မဟုတ်လား"
သူ ဘာမှ ပြန်မပြောနိုင်ဘဲ သူရိန့်ကိုကြည့်နေမိသည်။ အတန်းထဲမှာ လူနည်းနည်းသာ ရှိလို့တော်သေးသည် ။ ဒါတောင် တိုးတိုး တိုးတိုးပြောနေကြသည်။
"ငါ မသောက်ဘူး ၊မင်း ပြန်ယူသွား "
"ငါ က မင်း သောက်စေချင်လို့ ၀ယ်လာတာ ရော့ ...."
"ငါ မသောက်ဘူးလို့ ပြောနေတယ်နော် သူရိန် "
"သောက်ပါ"
"မသောက်ဘူး"
ထို အချိန် ဖိုးလပြည့်က မုန့်၀ယ်ပြီး ပြန်လာသည်။ စပ်စပ်စုစု အကြည့်နှင့် သူတို့ကို လှမ်းကြည့်တော့ နေ့သစ် အထိတ်တလန့် ဖြစ်သွားရသည် ။
ŞİMDİ OKUDUĞUN
ကျွန်တော့် ချစ်ရသူ { Completed }
Romantizmမှားယွင်းခဲ့တာတွေ အတွက် ကံတရားကို အပြစ်တင်မိတယ် ။ အဲ့ဒီအမှားတွေထဲမှာ မင်းကို ချစ်ဖို့ဖြစ်လာပြန်တော့လည်း ကံတရားကို ကျေးဇူးတင်မိပြန်တယ်။ နေ့သစ်