رصاصة الرحمة

ج5

هشام :هااا  رائد  شبيك  مو  على  بعضك  هاي  هيچ  اليزوج،
رائد: يمعود  يازواج  طاح  حظ  حظي،،،
هشام: ولك ،  ليش ،،
ليش  دمرتني  ودمرت  روحهة  يومية  لمن  تجي  النوبة  تنهار،،،
مو گتلك ليش ماتسمع مني،،،
انسى يمعود ،،،
اريد اقدم اجازة ،،
هااا رائد، ممسويهة قبل ،،
وهسة اريد اسويهة،،
ان شاء الله سهلة بس گلي شسوي بيهة،،،
احل بيهة مشاكلي ،
اني ممقدم اجازة زواج ،
وهسة اجة وكتها اصدك عقد الزواج، واكمل اجراات الطلاق  من فاطمة،،
هشام:والله حرام سويتة بروحك وعائلتك، واخاف ،تتندم،
المرة التغلط عليه وتتجاوز على اهلي متستاهل تتسمة مرتي،،،
تعرف بيوم فتت بيت اهلي گتلهة رباب حطي حجاب راسا سمعت،،
گتلهة فوتي سلمي على امي بوسي ايديهة ، مچذبت خبر،ونزلت سلمت على امي وباست ايدهة،،،
رائد:هااا شبيگ تباوع عليه هيچ،،،
هشام:حتة لو متسوي الشغلات الگلتهة ،
انت تحبهة،،،
اسالك سوال،
رائد:الي هو ،،،

انت ليش مسآلت رباب ، ليش تكرهك،،
رائد:اكيد لان حبست رجلهة واخوانهة،،
اكيد مو هذا السبب،،
رائد:كل مااسآلها تبچي اوممركزة تريد تحصل الجرعة،،
الله يكون بعونك ،،
اروح اقدم ،،اجازة،،
وقعلي واعوضك بعدين ،،
تعال ،  امري  لالله،،،
اخذت اجازة شهر بطلعان الروح ،،بدون تفكير،،
يمكن اريد، ابقى اطول وقت ويا  رباب،،
بس غرفتنا صارت فوضى ووسخة وهي صارت هيكل  عظمي متقبل تاكل الا بالتواسيل وينتهي الموضوع بعركة چبيرة،،
خليتهة محبوسة ،بالغرفة ومااخلص من ملامة امي وابوية الي بدا يحس اكو شي غريب ببيتة،،
صرت اهرب من البيت ،،واگعد ويا اصدقائي ،واسهر عمود انسى ، واول ماارجع الگاهة من التعب نايمة،،
صرت عاچز  مااعرف شسوي ارجعهة لااهلهة ويدمروهة، لوابقيهة يمي وهي تذبل،،،
ومابآيدي شي،،، بيوم واني راجع بالليل  لگيت امي تنتظرني وعدها حچي ويايا،،،

ام رائد: راااائد،،،
هااا، يمة بعدچ گاعدة ، ليش تانيني ، اني اتاخر،،،
والبنية الحابسهة فوگ هاي شنو مصيرهة،،
يوووم رجعنا،،،
رجعنا،،ولك يمة حرام عليك البنية،، لو حيوان هم يهدونة يتنفس،،،
يمة هاي  مدمنة ،،تعرفين شنو مدمنة،، اذا توازت تطلع بالشارع ،دور احد ينطيهة جرعة،،
وليش زوجتها،لعد ماخليتهة برگبة اخوانهةالله يجازيهم،،،
لا ، مترجع،،،
ولك انت مين جايب هالقساوة  ، هاي ترباتي ،،،
رائد:يمة الله يخليچ مناقص،،،
باچر اختك زبيدة جاية،،،
صدددك،والله شعجب،،
متعاركة ويا رجلهة،،،
مو هي هاي نتائج عملتك بينت بااخواتك،،،
رائد: وچ يمة الناس تبوگ تنهب تكتل والله ناعم عليهة ، اني ازوجت المرة الاريدة ، الله يغضب علية،،،
رب العالمين يگول ولاتذروهن كالمعلقات ،،،
حرام عليك ،
يعني يمةبضميرج ، هاي اذا بستها تموت باايدي،،
وديهة مستشفى يعرفون بحالتها،،
لا يمة ، هو منو وصلها لهالحالة غير ذولة الاطباء ميخافون الله،،
واخوانها،،،،
لعد شنو الحل،،
نامي حجية نامي،،
والصباح رباح،،،
صحيح الي سويتة چنت رايد اطلع رباب من الظلمة ،كرهت المكان الي جبتهة منا ، بس رجعتهةلنفس الگبر بمكان مختلف، اني حتة ماجربت اتقربلها،،
يمكن كشةروحي منها ،،،
لان اكورجال قبلي لمسها، او وضعها،
مافكرت ، تغسل من جبتها لليوم ومااقبل احد يوصلها،،
اني صدك حيوان دخلت للغرفة ، الريحة طالعة منها ،
والچراچف متوصخة،،
شلتهم ،،
نزعتهة ملابسهة، وهي فاقدة من التعب،
اول محست دا المسهة دفعتني دفعة خفيفة باايدهة،،،
ونفسها بالگوة طالع،
واني ابدللهة واشوف جسمها الي هزل من المرض والتعب ،،
لزمتني من  قميصي،،
رائد،،رائد،،
هااا رباب ، شبيچ،،
شوكت يخلص  ثارك مني ، اني تعبت،،
وروح ابوية تعبت ،
رائد: رباب،، ماكو لاحبوب ولامخدرات ،
گومي خل اغسلج،،،
مااريد،،
رباب،،هسة تتمرضين ،،اذا بقيتي هيچ،،،
اني اعرف شتريد مني،،،
اصلا استغربت ليش لحد هاللحظة ، مااستغليت فرصة وتقربت،،،
بس نسيت اني مجرد اداة انتقام، تنتقم من اهلي بيهة،،
زين تعرفين اهلج العايلين،،،
وانت معايل، متركتني نص الدرب
انتي شدتحچين،،،
انسى ،ليش احچي بالماضي وهو انتهى ،
اني گايمة انام اكيد المنظر شفته معجبك،،
تصبح على خير اطلع وعوفني،،،
مو بكيفج تعالي ، جريتهة، من ايدهة،،
وظليت اتمعن بملامحها،،
كل شي اختفى بيها بس حبها ،،بقى داخلي،،،
سحبتها قوي دا ارضي رجولتي الي انهانت على ايد اخوتهة واهلهة ، ومبينةمراضية،
بس ماعدهة قوة تدفع،،،
واخيرا اقتربتلهة،،،
ورچعت ليورا ،،
لا مستحيل شنو الي اشوفه ،،
هذا شنوو،،،
رباب،،بصعوبة چانت تحچي،هذا وعدي القطعتة على روحي،،قطعتة الك، وماخلفت وعدي،،،
رباب،،،انتي،،،
اي ، رائد ، هذا الدم ،،هو وعدي الك ،الوعد الي صنته اني وخنتة انت ،،
رباب ،،شون وفائز،،،
فائز،،نفذ امر ابو مثل متفاجات انت ببياضي، هو شافني غرگانة بدمي،،،
واني احاول احافظ على عهد انذليت بسببة،،
رائد: بس مچنت اعرف،،،
اختچ گالت،،،
گالت ،،،
بس اني جيت لشقتنا جيت ووفيت بعهدي الك نسيت اهلي وسمعتي وجيتك،،
ولگيتك ، دا تخوني بالمكان الحبيتك بي وتمنيت يكون مكانة،،،
تعرف شصار بية من رجعت ، تعرف شسوو بية ، وابوية مات من حسرتة علية،،،
ذقت انواع العذاب ، ومتنازلت عن وعدي،،وانت،،
رباب،، اني،،
انت كون الك حياةوزوجت وصار عندك ولد واني بمصحات سوريا يزرقوني جبر ادوية الهلوسة ، لحد مخلوني جثة،،
حبيبتي اسمعيني،،
گتلك ماعدت حبيبي،، ولااريد اشوفك،،
رباب ،، خل اشرحلچ،،،
رباب،،اني رح انام،،،
رباب، رباب، حبيبتي،،بس اسمعي مني،،،
ساعات اللحظات الحزينة هي التفرحنة ،
رباب ضحية، بسبب حبها الي دمرت حياتها،،
واني چنت اظن،،،
نزلت توضيت وصليت ، ركعتين شكر ،
گعدت امي وگتلهة،،
رائد: يووم ،، ولچ يوم تعاي،،،
خيرك يمة،،رباب صاربيهة شي،،،
يوم رباب صارت مرتي،،
يوم محد جايسهةقبلي،،