رصاصة الرحمة

ج20والاخير

لم  يخذلني  احد  انا  التي  خذلت  نفسي  عندما  راهنت انهم اوفياء،،
       رباب،،،،،،
صباح الخير عمو مو من عوايدك تتاخر هيچ،،
لازم تاخرت بالنومة،،عمو اليوم اخذك وروح هاي الحديقة براس شارعنا كلنا محتاجلنه تغير،،
عمو،،عمووو،،
بلحظات انسان عايش وياج، تعلمتي علي ادمنتي وجودة وبلحظة يختفي،،
عمو،،لا عمو لاتروح لاتخليني منوالي غيرك،دخيلك عمو لاتگطع بية،،،
لزمت ايدة  باردةمثل الثلج،،
خابرت زبيدةماكو احد يمي،،

زبيدة لحگيلي زبيدة ،،
شبيج رباب خيرج،،
عفية، عمي متخربط مابي نفس،،
زبيدة:رائد وين،،،
عفيةمو وكت اسئلتج،تعاي وحدي بالبيت،،
لازم  اودي،،،
نقلنا للمستشفى جان مسلمهة،،
حسيت احساسي بيوم توفى ابوية على ايدي،واكثر شي قهرني مات وهو مقهور
زبيدة انهارت وزوجها حاول يخفف عنها،
بدقايق ولد عمو ابورائد  كلهم جمعو،،
ذكرت من گالي محد يذكرني ،يمكن اذا متت يذكروني،،،
زياراتهم قلت ورا مااتوفت خالتي،،ظلو يسالون من بعيد يعرفون رائد ميقصر،،
بس رائد وينة محد بلغة،،
خابرتة لازم يكون موجود،،
الله يتلطف بي مصار اربع اشهر من توفت خالتي،،
دگيت علي،،دگ وشال  صوتة مرتبك بي شي،يمكن مااتوقع اتصالي،،
مثل مااتوقعت انصدم لمن عرف بخبر وفاة ابووو،،
عبير:شبيك رائد،،
ابووووية،،،
شبي،،،
ابوية توفى عبير،،
لاااا، الله يرحمة،،
سقت سيارة بااقصى سرعتي،،،
اريد اوصل المستشفى،،،
رائد:رباااب،چانت شبعانة بچي،،
هي الوحدهة بالبيت،،،
طلعو جثة والدي دينقلوهة
رائد:يااابة،،سامحني يابة،،
سامحني زعلتك ،يابة اني الموخوش سامحني،
ي

ابة مو خوش اني فدوة العينك يابة ارجع ارضة علية ،يااابة رباة ايدك فدوة سامحني،،،
رباااب:ظلت حزينة وعيونها ذبلانة مرات تفوت غرفة ابوية وتگعد تبچي،،
مرات تحضن حسين،،وتغص باللگمة تذكر ابوية وسوالفة،
اني اعتكفت بغرفتي وگعدت اصلي واقرالة قران لاابوية،،
واتمنى يسامحني،،،
بيوم واني كاعد فاتت رباب دتاخذ هدوووم،،
شافتني ابجي،،
رباب:رائد،،كافي ،البركة بيك وبااخوتك خلو ذكراه دائما،،
عمي چان تعبان ومضايق،،
وصحتة تعبت،،
بس الله يرحمة،،
وگعدتك بالغرفة مرح سوي شي،،
لازم تطلع وتباشر بشغلك  وتساعد زبيدة تطلع من الي هي بي خطية حامل،،،
رائد:دائما بكل محنة چنت امر بيهة جانت توگف ويايا وزبيدة من اهلي كلش تحب رباب وتعزهة اكثر من خواتي نفسهم،ملگيت روحي الا مثل طفل يتيم بااحضان كفيلة،حضنت رباب،وبچيت ،
وهي شدت ايدهة وگعدت تهديني،،
يمكن حتة نست زعلهة عمود تواسيني،،
چانت قوية وحنينة ،ودائما سادة مكاني،،
مرو اسبوعين،،
بعدني بحزني،،گمت اگعد وياهم ومن اشتاق لاابوية اخذ حسين بااحضاني من تخنگني العبرة ،رباب،ويايا گامت تحچي ومن تشوفني صافن لو حزنان طبطب ع چتافي،،
بديت افرح اذا ابتسمتلي ،
مرات اجرهة واني گاعد واحضنهة،،اريد ارتاح،،اي لان راحتي هي اني لو مكانت موجودة يمكن مااعرف شنو كان مصيري،،
شوي،، شوي ،حسيت علاقتنا استقرت،،
وبدينا نرجع سوا،،،،
نسيتالقنبلة الي زرعتها باايدي ونسيت شوكت تنفجر،،
بيوم واني كاعد ويا رباب وحسين،،،
دگ تلفوني،،اول مشفت رقم عبير،،،
انصدمت ونسيت المصيبة الي سويتهة،،،
رباب:رائد،،تلفونك ديدگ،،
هااااا،،،
شبيك تلفونك صارلة ساعة يدگ متشيلة،،
هاي من الشغل،،،بعدين اخابرهم،،
درد خاف محتاجيك،،صار هواي تارك شغلك،،،رائد،،يلا ارجع انشط من اول،،
والله لو تعرفين يارباب الي سويتة عمرچ مسامحيني،،،
رديت ع تلفوني،،،
الوووو،،
الو ،،گلنا فاتحة وعذرناك ،وردت اعزي عمار مقبل گال مااريد سويلة مشاكل،،
رائد:غير لو جاية اكسر رجلچ،،،
عبير:على كيفك عيني،واحدكم يسوي المكسورة،،وبعدين يختل،،
بعدين لاتنسى اني مرتك،،،
رائد:شتريدين عبير هسة،اني گتلج من البداية زواجنا موقت،،وكل واحد يروح لحالة،،،
لا دخلك رائد عفية مالي مكان اروحلة،
والفلوس اطيتنياها خلصت،ومحتاجة مصرف،،
وبعدين خليني احتياط وكت مامرتك طنگرت عبير موجودة،،،
شوفي عبير ماصدگت اموري ترجع تمام ويا مرتي ،،
مااريد مشاكل،رح انطيج كم فلس ودبري امورج ودير بالچ تفتحين حلگج ورا الشمس اوديچ،،،
رباب:هااا، رائد خيرك،،ليش صوتك طالع،،
من شفت رباب انقلب وجهي الوان،،،
رائد:مثل ماوصيتكم ،اذا شغلة شغلةفلوس اطيكم ونسد هالموضوع وانتهينا بلا مشاكل،،
عبير:انيالها لمرتك هيچ تخاف  منهة،،،
رائد:خلص مثل مااتفقنا مع السلامة،،،
رباب:خير شكو،،،
رائد:الشغل بي شوي مشاكل ويحتاجلة موافقات،،ولان مموجود نايم الشغل،،
مو گتلك يارائد ،شغلك لاتهملة،،
يلا ارجع ،،،
رائد:تسلمين حبيبتي،ربي مايحرمني من طلتچ بوجهي ،،
رباب:تسلملي حبي،،،اليوم ترجع من وكت،
تدللين اجي،واذا متريديني اطلع مااطلع،،
رباب:لا روح،،روح ،،شغلك لاتنسى ،،
رائد:رباب ،اني احبج هواي،،وروح امي وابوية احبچ،سامحيني اذا زعلتج او غلطت بحقج،،
والله كل حچاية او تصرف ندمان عليهم بگد شعر راسي،،
رباب:خلص صدگتك ،انيهم اسفة،زودتها شوي،،سامحني،،،
تعاي بااحضاني،،،اريد اشبع بيچ،،،
رباب:الله وياك،،،
حسين ،،بيباي ،،بابا،،،
باي،،،
رائد:ظليت اكل بروحي اكل ،،عالغباء السويتة،،
توبة ياربي مااعيدهة والله،،
وصلت لشقة،
لگيت عبير محضرة روحهة وتتموع ،،
رائد:عبير،انتهينا،،هي غلطة،وانتهت وانتي اخذتي حقچ،،
عبير:رائد،،فدوة العينك رائد،،لاتعوفني اني حبيتك،،والله ،،عوفني هيج شوكت متريد تعال،،استر علية احسن مااسيب بالشوارع واني مااريد منك شي،،
واذا تريدني اني موجودة،،
ظلت تبوس وتحضن ،،
وللاسف،،استسلمت لرغباتي مرة ثانية،وحدة مثل عبير ميگدر اي رجال يرفضها،،،
نسيتهة اسبوعين،،
وظليت ملتهي بشغلي،،رباب التهت بيت خالها الجايين،وهوسة الاربعين مال ابوية،،
ظلت عبير ،،دگلي ،،وارفضها ،،اسكتهة بالفلوس،،،
وصارت موضوع خارج السيطرة،،
رباب بدت علامات الحمل تبين عليهة،،
ومرحلة الوحام،مااعرف ليش بزحام حياتنا ننسى الامور المهمة،،،
ورجعت طلعاتنا وطباتنا،،
زينب:اگلج صدك اني نسيت ،ولچ شتنتظرين حتة تگولين رجلج حامل،،
ميصير هيج لازم يعرف،،،
رباب:لحد هسة ممصدكةحامل،ومااحس بااي حركةللطفل،،
بعدج بالاول،،،
بعد مدخلتي بالرابع،،
شنو رايج روح العصر للطبيبة،،
اكو فد وحدة شاطرة من چنت حامل بزيد اراجع يمهة ،
رباب:يلة خابرينة،،،
زينب:هاي خابرت،،باچر تفتح الصبح بالعيادة نمشي زلمنا ،وروح اني وياج،،
نطمن ،وتكوليلة رجلج عاد،،،
اي حاضر،،
غير تجي فرصة عاد لو الگرايب لو حسوني تاليتها نام،،وهو يحچي،،
ههههه،الله يساعد رائد،،خطية تحملچ هواي،،،
اي سودة عليةكلش انقهرت عليه،،
يلة ،انسي الراح وركزي بالجاي،،،
ان شاءالله،،،
يلا رائد خ روووح،،
طول الطريق اسمع صوت تلفونة يدگ،،
وهو مخلي صامت،،
ردت اسالة مگدرت،،
كلت مو وكت شك كافي لهنا،خ نتصافى اني ويا،،،
نمت بحضنة وقررت ابدي صفحة جديدة الصبح چان متعصب وضايج،،معرفت شبي،،
ودعني بلا ميتريك،،
انتبهت مفتاح شقتنا ويا المفاتيح استغربت،،،
هم خزيت الشيطان وكملت عادي،،وديت حسين بيت جدة وزينب خلت جهالهة يم اهلهة ،
طلعنا چان يدگ علية رقم غريب،،،
زينب:هااا، منو،،،
مااعرف رقم غريب،،،
ردي،،،يمكن احد،،
الووو،،
الووو،هلو عيني شونچ،،
رباب:تفضلي منو انتي،،،
عبير:اني وحدة تعرف زوجج عز المعرفة وبيناتنا عشرة،،،
ضجت،من طريقة كلامها،،،
وهسة شنومطلوب مني،،،
عبير:صدگ غبية،،ولچ رجلج شوكت مضاج اجة نام بحضني وانتي نايمة بالشمس،،
انتي وحدة كذابة،،،
حبيبتي ،ماكو داعي تعالي شقتكم القديمة وشوفي بعينچ،،،
زينب:شبيج شو اصفريتي،،منو
رباب:رائد،، زينب ديخوني،،،
زينب:شدتحچين،،،اكيد احد يريد يخرب،،،
زينب تگلي تعاي للشقة ،،وشوفي بعينچ،،
عندچ مفتاح مال شقة احتياط،،
زينب:رباب كل عقلچ،،ذولة جذابين،،،
رباب:مااظل عالتكهنات،،اني لازم اتاكد،،،
زينب:ربااااب،لاتخربين علاقتج برائد،،
عوفيني زينب،،عوفيني،،
رباااااب،،
العفو وصلني لهذا العنوان،،،
تدللين خيتي،،صعدي،،،
اول موصلت للعمارة وطول الطريق اچذب روحي،،واگول ياربي يطلع كذب،،،
هنا بلا زحمة عليك،،
نزلت وصارت سيارة رائد بوجهي واگفة جوا  العمارة،،
ردت ارجع خلص تاكدت،،
بس لا ،خلص اشوف بعيني ومااغلط غلطتي القديمة،الشقة طابق ثالث،،
عما وصلت انهد حيلي،،،
وگفت باب الشقة واني ميتة من التعب ومعدتي كامت تاذيني،،،
طلعت المفتاح حطيته باب الشقة واحس گلبي كانة گزاز والالم بداخلي اتخيلة بدا يتفطر،،،وصلت وسمعت اصوات رجعني 10سنين،،
كانو اليوم صار،،بس الالم كان اكبر من ان يتخيلة اي  انسان،،
تقربت لباب الغرفة واني اگول داخلي،،وعيوني مليانة دموع ياربي يطلع كذب،،يارب اكون بكابوس وهسة اصحة،،
لزمت يدة الباب وفتحتة وشفت كسرة گلبي بعيني هالمرة مومتوهمة ،لا ماغلطانة،،هذا رائد،،اي هذا تعب السنين،،
هذا الي كضيت عمري كلة انتظرة ،ديخوني ،،اي ديخوني،،
ظليت متبسمرة ،،،باوعت بوجهة مااعرف شااگلة جمدت،،بمكاني رجلي مشالتني،،،
رااائد،،
رباااااب،،،
محسيت روحي واني گلبي ينزف دم،،،وحسيت الدرج خطوتين،،،اركض وهو يركض ورايا ويصيح،،
ربااااب،،رباااب،،
انتظري ،،رباب افهمچ،،،
تعبت گعدت احس خلص اانفس ضاق علية،،
گعدت عالدرچ وايدي ع گلبي ،،الم،،اي الم،،
گلبي انكسر،،،
اجة رائد گعد لزم چتفي،،
رباب حبيبتي ،،اسمعيني،،
وخرت ايدة ،،وصحت صيحةيمكن صحيت شكو واحد بالعمارة،،
كااااااافي،،، كااااافي ولك كافي،،
كملت ركضتي بالنزلة،،ماحسيت ،الدنيا شون فرت بية ووگعت،،،
صحيت مغذي باايدي نايمة بطواري،،وين اني،،
الدكتورة:زوجتك متعرضة لاارهاق شديد،،وعدهة نزيف  كدرنا نتلاحگلة،طبعا الحمل ضعيف لازم ترتاح وماتتحرك الا للضرورة،،،
رااائد:مرتي حامل،،،
شنو ماتعرف،،زوجتك مكملة3اشهر وفايتة بالرابع،،،
شنووووو،،بس،،،
حمدالله ع سلامتها،تاخذ هذا العلاج بوكتة وتبتعد عن التوتر،،،،
حاضر دكتورة،،،
تگدر تطلع،،
تطلعهة ع مسووليتك،،
مثل موصيتك،،،
مااشي،،،
رائد:رباب،،،رباب ،،حبيبتي،،مبروك،،ليش مكتيلي،،
ليش،،،
مااحسيت روحي شون انهاريت والدموع موقابلة تتوقف،،
خرسيت وضاعت كل الكلمات بلساني،،،
داخلي كلة ممزق من الالم،،يارب ميشوفة لااحد،،،
ضاع تعبي،،ضاع كل شي ضحيتة ،،،
رجعنا للبيت،ومحچت ولاكلمة،،
رائد:رباب،،انتي لازم تفهمين،، اني اضطريت من صديتيني ،والله غلطةساعة عصبية سويتها ،،هاي مرتي،،
وخلص طلكتها ورح نرجع سوا،،راح اعوضچ عن كل غلط سويتة بيج،،
رباب،،فدوة بس باوعي  بوجهي وگوليلي اي،،،
مچنت اشوف بعيونهة بس دموع،،والم،،،
ورجعنا للمربع الاول متحچي ويايا،،
ساكتة طول الوقت،،مصدومةاعرفها،،
عفت كل شي واتفؤغت بلكي سامحني،،
بس مااتغير شي،،
دخلت زينب وزبيدة واسطة خير  ،بس بدون فائدة،،متحچي قافلة لحد ماتهورت وطكت اخر مراحل صبري،،،
رائد:يعني فهميني الى متى،،الى متي ظلين ساكتة ،احچي كولي،،
لاظلين ،ساكتة بعد مااتحمل،،، احچي يلة،،
رباب:طلگني رائد،،طلگني وبس،،
رباب،،رباب اسمعي مني،،والله انتي خليتيني اتوازى كل شوي زعلانة ومبوزة،،
كافي من وراج خليت امي تموت من قهرهة،،
وابويةلما مشاكلج چان عايش بنصنا،،،
كاااافي،،شتريدين اسويلج بعد،عائلتي كلهة قاطعتهة،،
رباب:عالاساس اني البقالي اهل،
انت خسرتني كل شي،،خسرتني،روحي خسرتني كرامتي،،ندمتني عالساعة شفتك بيهة،،
انت خنتني بكل لحظة عايشهة وياي،،
اني الخسرت كل شي،،،
انت ماشاء الله عليك،،ماتوگف حياتك،،
كلها سنتين ثلاثة،،وزوجت وصار عندك طفل،،وفي باقي على حبي،لك حتةةاني عبالي خنتني ما خلفت وعدي،،
وهسة شنو ،،شنو انت رح ظل طول عمرك تغلط وتلزگ اخطاءك بية،،
خلص طلگني مااريدك ،،مااريدك بعد اكرهك،،واكره روحي اكثر،،،،
مااگدر اكمل وياك ،طلگني اعتقني منك ،،
رح اموت كافي،،كافي لهنا،،شوكت تنزل الرحمة ع روحي واخلص،،
رباب،،رباب،،
دفعتني ودارت ظهرهة الي،،
اني خابرت ليث ،كلها اسبوع ويجي ياخذني،،
ياريت طلكني بهدوء،،وخلص رائد،،احنا وصلنا للنهاية،،،
رائد:انتي عبالج ،ديرين وجهچ الي،،وتقررين،،
شوفي رباب،،مااطلگج ،وهذا اخوچ الزعطوط ،،انسي،،،ترة والله اخوچ انومة بصف وليد،،
اني الي الي ميصير لغيري،،
گتلچ غلطة وخلص نسيتهة،،وخليني نبدا صفحة جديدة،،رباب،،،،واوعدچ،،
كافي،،عيب عليك،عيب توعد بشي مو گادر طبقة ع روحك،،
ربااااب،،،
شايف لو تبقى بس انت مااخليك تشوف شعرة من راسي،،،اعرف مو هامك ،،
لان انت راسا رح تلگة بديل،،
عمر ذيل الچلب ماينعدل،،،
احمدي ربچ انتي حامل ،،،جان ورجيتچ شااسوي،،،
شرح سوي،،تكتلني،،ياريت،،
او يمكن اني الي اريحك للتالي،،
ربااااب،،
اهدي ،،واعقلي ،حرام عليج اذا اذيتي روحچ رح تاذين روحين انتي وابنچ،،
وحسين،،نسيتي حسين،،منو الة رباب،
اني ماادافع عن نفسي،،
بس طمعان بسماحچ،،سامحيني رباب،،
نزلت راسهة،،
سمعتهة خابرت ليث گالتلة لاتجي ،،زين مو قصدي اهددهة،بس مااريد تروح من ايدي ،وكل شي مسموح بالحب والحرب،،
ورا كم يوم گمت على حيلي،،
دورت ع مستمسكاتي ماكو كلهن شايلهم
بدلت ،خابروني بيت جد حسين،،نسيتة حبيبي،صار كم يوم احسن يبعد عن جو الهوسة ،
الو،،
الووو،ماما،وينچ،،شو نسيتيني
هاا،حبيبي،،شنو انساك اني شعندي،،غيرك،،
صدك ماما چنتي بالمستشفى بيج شي،،
لا مابيةشوية تعبانة،،وهسة ابدل وجاايتك حبيبي،،
رائد:تعرفين  حسين جگد متعلق بيچ،،ويحبچ،،اذا مو لخاطري لخاطرة ابقي،،،
رباب:اني رايحة اجيب حسين،،
مو الدكتورة مانعتچ من الحركة،،
خلص روح جيبة،،
خيووولون، اني اوصلهم،،،
زين الزمن خلاك تتكبر عالعالم  هم،،
كلش زين،،
رباب،،بطلي بساميرچ،،
العفو سيادة الضابط،،نسينا احنا مساجين،،واليعصي النظام ينضرب طلقة،،،
خلص رباب،دايم شايفتة سجن اعتبري موبد،،يعني ماكو افراج،،اني قدرچ وانتي قدري،،
انسي وخل حياتنا تمشي،،،
هئ،تحلم انسى رائد،،عمري ماانسى طعنتني بظهري عمري ماانسى خنتني تحلم،،،
خلص ،احلم لعد بلكت يتحقق ويصير حقيقة،،
خلص روحي جيبي حسين ولاتنسين،،انتي مرتي وهذا بيتچ مو سجينة بي،،
طلع رائد وذبني يم بيت جد حسين،،
استقبلوني،،
هااايمة حمدالله ع سلامتج زبيدة گالت مضاعفات حمل،،ومستشفى ربي يگومچ بالسلامة،،
تعرفين يومة  جنت شايلة ورا وفاة فاطمة  علي من جور مرة الاب،،بس انتي ربيتي وتعبتي عليه اكثر من ابنچ،
هذا شيربي،،وخوالة كلمن بحالة،،
ورجلج للزعلين شايل الحنية والانسانية،،
يعني لما انتي چان ضاع حسين،يومة مااوصيچ اني مرة چبيرة ،ومااعرف ربچ شوكت ياخذ امانتة،،
امانة الله حسين عندچ لاتهملي اذا اجة طفل من صلبچ لاتنسين هذا يتيم والج اجر،،
خالة شتحچين حسين ابني،،
والله شاهد هو روحي من الدنيا،،،
حسين:مااااما،،اجة ركض بحضني،،
ولك على كيفك يمة،،اخوك،،
ماما انتي حامل،،
يووو على دوخة الراس،،
اويلي من هسة صاعدة الغيرة،،،
رباب:كللهة لبيبي،،هذا اخوية احبة،،،
يلة ماما حضر غراضك روووح،،
تگومين بالسلامة يمة،والله ينطيج ع كد نيتچ الطيبة،،،
طول الطريق واني بالي افاتح  بيبية حسين ،عمود يبقى يمهم بس شون اني اگدر على بعادة ،،مااگدر،،
رجعنا للبيت واريد اقنع روحي خلص لازم استمر وامشي حياتي،،وهاي غلطتي، بس عزت علية روحي وذكرت تعبي وعهدي ذيج السنين بس شون،،،
خلص اصلح اموري ويا رائد،،،
نومت حسين وصعدت نمت بغرفتي،،اول مااجةرائد تفاجئ وطار من الفرحة اجة حضني وظل يتاسف،،،
محچيت ولا كلمةبس خليتةيفرغ بية كل شحناتةالسلبية،،
بلكي مثلة اصير،،،كمل،،وبوسني من رگبتي،،واعتذر الاف المرات،،
وراها بااسبوع چان عندةسفرة لااربيل،،
اقترحت اروح للموصل اشوف بيت خالي  وليث،صار هواي مشايفتهم،ومن يكمل شغل يمر ياخذنا،،
حلاوة للصلح وافقت بس ظل الفار يلعب داخلي،،
لذابقيت مستمسكاتها،يمي،،،
رباب:شون امشي بلا جنسية،،
شسوين بيهة انتي بنية،،
المهم راحت بدون ماتلح واخذت حسين وياها،،
وراهة باربع ايام الموصل سقطت بيد داعش،،
رائد:عائلتي جوة شون تريدني اعوفهم،،
عمار:ولك رائد اگعد، واسكت ذولة ايدهم والذبح واذا عرفو شيعي،يعلگوك بالباب،،
بلكي هم يجوك،،
هواي من اهل الموصل نزحو لااربيل،
واني اظل انتظر ولك مرتي حامل وابني وياهة،،
انت شون تعوفهم وحدهم يروحون وتعرف الاوضاع مو تمام،،،
وراها بااسبوعين بعد مايااست خابرت هشام،،كوة چانت الشبكة تلگط،وبلغني رباب، رادت توصلك رسالة،،طلعت تركيا ولحد هاي اللحظة بالي عمود الاوضاع بس رباب طلعت من الموصل بنفس اليوم الي وصلنا بي يعني چانت مخططة لكل شي،،حتة مصالحتها الي چان تخدير اعصاب،،
ظليت مثل المخبل ادور عليهة وعلى ابني بين اللاجئين،،بس للاسف هسة بعد 3سنوات مرت مگدرت اوصللهم،،
حتة الانتربول ،مگدر يوصللهم،،
استاذ ،انت بس حدد مكانهم واحنا نجيبلك ياهم،وكآنو اني اذا اندليتهم مرح اجيبهم،،
مخليت احد موصيتة عليهم،،
حتة وصلت مرة اخوها واخوانها محديعرف عنهم شي،،المعلومة الوحيدة عرفتها،لاجئين شايفيهم باليونان بس ليث مغير اسمةعمر ورباب مغيرة اسمها سهام،،وحتة حسين مغيرة اسمة قيصر طبعا اذا هم نفسهم،وچانت حامل وصاير عدهة نزيف بالطريق،،
وكلها تكهنات،،اني نشرت هواي عمود اذااحد يعرف يوصلني الهم او يوصللهم اخباري ،واني گاعد ادور عليهم،،،رباب طولها 163بيضة عدهة شامة واضحة جوا شفتهة ،سافرة شعرها اسود طويل اذا بقت نفسهة ،وحسين اكو ضربة بگصتة من جان صغير،،اسمر وشعره بيه ردة،، اتمنى بس تعرف اني ندمان ع كل دقيقة تعبتها اوخنتها ،اني خسرت گلب وفي حبني،،اني اعرف بقرارت نفسي انو رباب اخذت حسين لان متگدر تعوفة وهو مشى وياها،،لان مشاف حضن دافي غير حضنها،،،
رباب من سافرت اخذت   كل شي  وياها اخذت سكينتي وسعادتي ضيعت دفو بيتي وحبهة الي عمري مااحب وحدة مثل ماحبيتهة،ماانكر اني غلطت هواي بحقها ،بس عمريوحياتي ماحبيت ولا رح احب اغيرها ورح اظل ادور عليها لحد مانلتقي،،او رب العالمين ياخذ امانتةوينهي عذابي،،،ممنون منكم وكلمن قرا قصتنا،،اني تاذيت من النظام السابق،
وتاذيت من اخوة رباب بشكل شخصي وظل الم جرمهم باقي بذاكرتي،وللاسف قلبتة جحيم على حياة كلمن كان عايش ويايا،،صفيت كل شي،،واشتريت شقة بضواحي اسطنبول باانتظار خبر يوصلني منهم،،،
ومن ضمن الغراض البومات الصور ،چان داخلهة ضرف،،يمكن اخر رسالة كتبتها رباب الي،،،
رااائد،،وانت تگلب بذكرياتنا القديمة اكيد لگيت الظرف وگاعد تقرا،،ويمكن اني بنقطة بعيدة عنك،،
رااائد،،،حاولت،،حاولت هذا الحب يكبر ويسد عين الشمس،،،
بس النتيجة دخلني بظلمات عمري ماعشتهة ،
انت كسرتني رائد،كسرتني وماكو اي شي يجبر خاطري بعد،،تعرف رائد اني ماندمانة على شي گد ماندمت ع وفائي وياك يمكن لو خاينتك چان محسيت الالم جگد موجع ،بس اني تعبت ومليت،،،اي مليت رائد واني اضحي طول للوقت،،فاض الصبر مني،،انت لاعبالك اني ضايچة،،لا مو ضايچة ميتة قهر،،
اني چنت انتظر هاي الرصاصة من اول يوم دخلت بيتك،عرفت رح تجرحني وتاذيني واني اسامح واغفر،،دومك خاليني بااخر القائمة،،،
بس خلص اني طلعت تقاعد من حياتك خلصت كل الفرص كل الحب وانتهينا اي انتهينا،،،
حسين،،وماادراك ماحسين،،
حسين ابني رائد مااگدر بليا والله چنت
رايدة ابقي يم بيت جدة بس خفت علي لايضيعواني منطية وعد لفاطمة،،
لاتدور علينا واني وعد عليا اذا الله نجانا اني مرح اخلي حسين ينساك ويمكن يوم يجيك شاب  ويگلك هياتني،،
واذا سالني رح اذكرك بالخير،،بس اذا سالني عنا مرح اكدر اكذب،،،
رح تسالني شوكت وشون قررت وخططت ،رح اگلك منك تعلمت يارائد،،تعلمت اغدر  بلا مااشعر بالذنب ،
الوداااع،،،،،
النهاية،،،
تحياتي نازك الملائكة،،
🌺🌺🌺🌺
القصة نقلتها الي زينب صديقة رباب،رائدميآاس وبعدة يدور ع زوجتة وابنه المفروض هسةعمرة 10او11واذا ولدت رباب ابنهم يكون عمرة ب3سنوات،،
يمكن لو عرفت القصة من البداية والغرض منها اوصل رسالة رائد او اساعدة چان مانشرت،،
حبيت وفاء رباب،رغم كل المرت بي ماغير معدنها،،بس كثر الصدمات تخلينا نتغير ونصبح النسخة الي هم رايديهة النا،،،
ملتقانا بقصة جديدة شكرا لحسن المتابعةولاتنسون تدعمون القصة بتصويتكم
تحياتي،،،