رصاصة الرحمة

ج2

كنت ولازلت حلما اردت الوصول اليه وحال مااستيقظت اختفى،، كنت ولازلت وجعي، وستبقى حزني الابدي،،،،،
طلعت بالسيارة ،،،،رجعت للمستشفى،،
طول الطريق واني ذكرياتي ويا رباب تحاوطني،،

هاي شنو رائد، مچنت اعرف دخن،،،
رائد:من زمان من عمري 12ادخن،،،
عفية عليك محقق انجاز ،،لازم يدخلوك الموسوعة،،،
هههه، ضوجين منها،،هاچ ذبيتهة،،
ذبيتهة هسة ورح دخن غيرها من اروح متخاف على صحتك،،
هي موتة موتة شرح يفرق،،،
شنو رح يفرق، رح تموت ومحد شايلك،
صعبة الواحد من يتمرض محد يتحملة،،،
وبعدين اكو واحد يضر صحتة باايدة ،،،
انت بعدك بعز شبابك وصدرك مال واحد شايب،،،
خ تولي ،الله عليك رائد بداعتي لاتدخن بعد،
تخافين علية رباب،،،،
هااا،
الناس اليهموني،هم الي اخاف عليهم،،،
يعني اني اهمچ،،،،
رباب: رح اتاخر عالمحاضرة من رخصتك رائد،،،،
بعدها الجكارة باايدي،،،ذبيتهة،،،
وصلت للمستشفى، ناقليهة ردهة ثانية ،
اول مصاحية ضاربة ممرضة وجارة المغذي من ايدهة والدماية بكل مكان،،،
ومصيحة ومعيطة، والمرضى خايفين منها،،،

رائد:شسويتولها،،،
نقلناها بردهة وحد،،بس شنو گلبت الدنيا ، سيدي، اخذتلهة راجدي معدل، وممرضين ثلاثة چتفوها وحجزوها بالغرفة والطبيب انطاها مهدئ،

منو هذا الحيوان ضربها،،،
سيدي ،،،مشفت شسوت،،،
وتسوي ،،اضربلك ابرتين مخدرات وشوف اذا مصير مثلها واسوآ،،
وينها هي ،،،
سيدي وحدة اقاربها اجتي،،
بس مخليناهة تفوت،،،
بعدها موجودة،،،
اي سيدي بالاستراحة ،،،
جيبها،،،
حاضر سيدي،،،
فتت للغرفة،مشدودة ايديهة بالسرير،،
ايديهة زرگة اثار الچكات،،،
شعرها رايح،
تعبانة حيل، وتون،،اثار دموع على عيونها،،،
رباب، رباب،،سمعيني هياتني رائد،بعدچ تذكريني ،تذكرين حبي الچ،
تذكرين ،،،
سيدي،،، هاي اقارب المريضة،
مسحت دمعتي ورسمت الوجه الي يعرفو عني دائما،،،
وينها،،،،
آزهاااار،،،
رائد،،،هاي انت،،،
تعالي گعدي فهميني شنو وصل اختچ هالمواصيل ،وين زوجهة،،،
زوجهة اعتقلو ويا وليد وليث،،،
ياليث، اخوج الصغير،،،
ياصغير ،،رائد الصغير يكبر، صار عمره 18سنة،
يوووو، الايام هيچ تركض،،،
معرفتة،،،
گليلي رباب شدلاهة درب الادمان،،،
سالفة طويلة،،
رائد رباب تعذبت وتبهذلت،،متعرف شصار بيهة،،،
رباب: اخ،،،اخ،،،عوفوني ،عوفوني ، خربيكم،،ولد،،،،،
الله ياخذكم هدوني،،،كتلت ابوكم اني،،
ازهار: رباب ،،حبيبتي، هياتني حبيبتي، شيوجعچ،،،
وتساليني شيوجعچ، ازهار نار،نار تاكل بجسمي،
راسي رح يطگ،
فدوة طلعيني،،مدااتحمل،،مدااااتحمل ياناس ،،راسي رح ينفجر، تعبانة ،رح امووووت،،،
ااااازهااااار ساااعديني دخيلچ ،دخيلچ فدوة مااگدر،،
رائد:عوفيها ،،ازهارصيحي الولد خل يجي الدكتور،
ازهار: رباب هياتة رائد، رائد يمچ،،
تحول صياحها لبچي ،،صوت البحة بصوتها،،،
حركة راسها مو رايدة تشوفني،،
رباب:ازهار،،خلي يطلع،،،
رائد: لازم اخذ اقوالچ،،،،
رباب،
گليلة يطلع ازهار،،،خل يطلع،،
اشرتلهة طلعي،،،
ازهار،،بس،،،
طلعي،،،
رباب: ازهار ،،وين رايحة، لاتعوفيني،،
لاتعوفيني ازهار،،،
ظلت تصيح ،،
خليت ايدي على حلگها،،
اش، سكتي،،،
رح افتحچ،
باعي شسويتي بروحچ،،،
اول مفتحتهة ،هجمت علية،،،
وضربتني، وركضت،،تريد تنهزم،،،
ربااااب،
لزمتهة چتفتهة ،بس عدهة قوة رجالين،
گوة لزمتها ورجعتها اجة الطبيب والممرضات، رجعو شدوهة،وانطوهة مهدئ،بس مياخذ جسمهة مخدر،،
طلع من راسي دم، مچنت اعرف ضربتهة بهالقوة، بس ضربة مخبل،
والمدمن اسوآ من المخبل،،،
شافوني الولد،،،
هاي شسوت بيك الخبلة،
تعال سيدي ،، نداوي الضربة،،
ازهار: رائد،،،رائد،،
چنت لازم راسي وصاحت علية ازهار اختها لرباب،،،
رائد، اشرتلي،،
ياولد روحي خليكم واگفين هنا، الذبانة متفوتوها، للغرفة خ نشوف القصة شون،،
تخلص،،،
هاا،
چانت تحچي ويايا وصوت رباب طالع لبرة كآنو اتهسترت اكثر من شافتني،،،
انت واحد حقير،،،
اني اكرهك ،، اكرهك،، اكرهكم كلكم،
الله ينتقم منكم،،
كلاب، حقراء،،،،،
ازهار: رائد فدوة لاتعوف رباب،
لاتعوفهة لو موتتهة صير على ايديهم،،
رائد، صح رح ياخذوهة لمستشفى يحجزوها والله تموت،،
لاتعوفهة رائد،، دخيلك، دخيلك لاتتخلى عنها لاتخليهم ياخذوهة،،،
رائد: لعد وين تروح تريدين ارجعها للقبر الچنتو خاليهة بي،،
ازهار،،رائد لاتخذلهة،،
كل البيهة انت السبب،،،
اجة شرطي،،
امشي لچ،،امشي شون تحچين ويا سيادة الضابط هيچ،،امشي صوچة يكبر راس امثالكم،،،
دفعهة،،واني اسمعلهة،،
رائد الي صار بااختي بسببك،خطيتها برگبتك انت، برگبتك انت،،،
مسحت دموعها وانسحبت،،
يعني شنو بسببي،،
هو منو الي تبهذل،،
منو تآذة من هذا الحب، غيري اني،،
اني الاكلت ع جلدي 6اشهر حبس،
ابوية انشل، وتبهذلو اهلي،
هذا الحب چان لعنة،، ولمن بديت استقر وارجع لحياتي ،ظهرت من جديد،،
مصدگت افرح اهلي بخطوبتي وزواجي،،،
شطلعج بدربي انتي، شطلعج،
شنو الي من ورايا،،،
رباب،،ليش تكرهني،،
مو اني الي خنت الوعد هي خانتة،
رجعت للمركز، ساعة ب4فجر،
استدعيت ليث،
رباب: ليوثي، ليوثي، يلة تعال حبيبي خ نرجع،
رائد: اليوم رباب جايبة اخوها الصغير،،
شرطي حتة گعده ،مگعدت وياها مثل الاوادم،،
رباب شبيچ مستعجلة عالرجعة،
جانت زينب تحجي،
ارجع احسن غلط مني جيت اليوم،،
رائد:بهذلج ليث مووو،،،
لا، هو شعليه خطية،،
چانت تشعلل شرار،،،
يلة ليث، اممممشي،،،،
رائد:دعوفي للطفل خ نتعرف علي،،،
رباب: عندك ، ناس اهم تتعرف عليهم هدى ولمياء ينتظروك،،
يلة ليث،،امشي،،،
مشت ولحد هاي اللحظة اذكر تعابير وجهة وعصبيتها،
رائد:هاي شبيهة صاحبتچ، زينب،
مابيهة شي،
يمكن غارت شوية،،
تغار عليمن ومن منو،،
محمد،صاحبك مطفي،
فهمة انت،،
شبيك انت، ولك تغار عليك يالفهيم،
طول يومك ويا لمياء وهدى،،
وهي شرشرت عصبية،،
صدگ والله،
ضحكت واول مرة احس الضحكةطالعة من گلبي ،،
وبيومهة منمت للصبح اريد انتظر اشوفها،،
فرحاااان ممصدگ،
كل مااحط عيوني بعيونهة، تهرب ،تهرب وكل ظني متريد تفشلني وهي حاسة مشاعري ،اتجاهة، ثاري تهرب من حبهة بية مصدگت طلعت الشمس، واول واحد فتحت الكلية اني،،،
رباب،،،رباب،،
هاي وينچ يمعودة،،، حتة محاضرات مدخلتي شنو قصتچ،،
شنو، شنو قصتي ، دايخة وراسي يوجعني، مگدرت احضر،
وليش مگتيلي چان محضرت وياچ،
لا ليش متحضرعندك الي يسليك،
منو قصدچ؟
بس لا هدى ولمياء،،،
اي، شايفتك هالايام هاوي صحبتهم، گلت الزم ركن ، خاف ازاحمك،،
تغاااارين،
عشتو ، على منو اغار وهي هاي تسوى اغار منهة وحدة چنهة سعفة والثانية،،
اني احبچ،،،،
شنووووو،،،
اني احبچ رباب،،،احبچ من اول دقيقة شفتچ بيهة،،،
بس خفت ،،،
خفت من اهلي،،،،
لااا، خفت لااگلچ وتكسرين گلبي،
وشمدريك مااكسرةهسة،،،
ماتگدرين،،،،
شنووو،،،
ليڜ،،،،
عندي بديل،،،
هلو عيني هلو،
تعال،حسك عينك تباوع عليهم،،
واذا مرو من يمك متسلم فهمت،،،
يمة ،بديناهة بااستبداد،،،
اي استبداد،، ان الملكي ميصير لغيري،،،
ملكچ،صرت يعني،،
تحببببيني،،،
اشرتلي براسهة، اي،،،
وابتسمت،،،
صدقة لمحمد،،،ربي يخليچ الي ،،،احببببچ،،،
قاطعني،،ملازم عادل،،،
سيدي، اجيبلك المتهم ليث،،،
جيبة،جيبة،خ نشوف تاليتها،،،،
هذا ،،،سيدي،،،
رائد: هذا شمسوين بي،،
سيدي ،لمن عرفو الجماعة المعتقلين من النظام السابق،،واستلموهم،،
خرب ضميركم ،شمسوين،، بي،، حچيت ويا بهمس،،وطلع،،،