رصاصة الرحمة

ج15

اسوء عذابات الروح لمن تريد تتذكر شي وتخونك ذاكرتك، لمن تريد تلگى ذكرى قديمة ،
وتعرف انو هاي الذكرى تحدد مصيرك،،،
ظليت اباوع على سيناء ، واريد بس اذكر شكلها وين شايفته ياربي،،
ياربي ذكرني،،
ثاني يوم الفاتحة اخوان فاطمة سوالهم عركة شكبرهة يريدون ياخذون حسين ، وتهمو رائد هو السبب بموتت فاطمة ، واشتكو عليه ،
طبعا لان رائد ضابط انقفلت القضيةبدون ماتنفتح واصلا الاسباب طبيعية،
ماكان من رائد واخوتة الا يحبسون واحد من اخوة فاطمة لان ضرب باقر اخو رائد،
وسووهة شغلة چبيرة، طبعا من حرگة گلبهم ع بنتهم، بعدهة صغيرة، واسوا شي بالموضوع انو كل هاي الهوسةگدام حسين،
شلتة وصعدتة فوگ، لمن شفت الحچي والهوسة،،
حوراء :مرتك مو عاجبهة تگعد ويانا،
مو من مستواها،،
زبيدة:شنو لازمةهالحچي،،،
حوراء :هي مو حابتنة،ومتكبرة ع شنو ،خلف الله ع رائد نفگها ،المدمنة،
رائد: حوراء، حوراء ،كفي الشر ولاتخليني ابتلي بيچ،،عوفي مرتي بحالها وحسچ عينچ،تحچين هالحچاية مرة ثانية،،،
خلصت الهوسة مال فاتحة ،
صعدت لغرفتي،،لگيت رباب منيمة حسين يمهة وحاضنتة،،احس روحي تعبانة،،
انجطلت بصفهة ومديت ايدي حضنتها
اول محست عليةباوعت علية ورجعت غاصت بحضني ومدت ايدي تحضن حسين،،
حسيت جزء من تعبي راح، صح بعدهة زعلانة ،بس كانت بالمواقف الصعبة واگفة وياي برغم تقلباتها وغيرتها ،چانت واگفة ويافاطمة ،وچانت ام لحسين ،وهو حس بيهة حنان الام الفقدهة ومن يومها ميبات الا بحضنها ،
بس هذا الحاجز مدا يرفع بينا،
ولا حبهة الي ولاضحكتها الي اختفت،مشتاقلهة،مشتاق لرباب القديمة،احسها صارت جدية ،وحزينة ،
بس اشوفها ويا ابوية ضحكها ويا امي ويا حسين ،
الا اني، على گد سوال جواب،
رباب: هااا ،عمو شبيك اليوم تگحكح من الصبح،،
ابو رائد:والله ياعمو تعبان ضربني الهوا وشكلي فلاونزا،،
رائد: صباح الخير يابة،،
ابو رائد:صباح النور،،،
شبيك يابة مريض،،
لا، مبية شي ،هسة سالوفتين من مرتك واصير زين،
كآنو ديضربني بسمار على الخسرتة،،،
رباب:عالاساس دوا مال الگحة اني،هههههه،
رائد:باوعت بعيونهةجكد صارلي مشايفهة تضحك من كل گلبهة،،
رائد:رباب تعاي رايدچ،،،
رباب:دقيقة هسة ،بس انطي لعمي الدوا،،
رباب:هاك عمي هذا الدوا مال ضغط هم،،
اوكي،،خل اقيس الضغط ،،
ابو رائد:عمي روحي شوفي زلمتچ شيريدصحيح هو مو خوش ادمي،بس گلبة طيب،،
حاضر عمو،،
رائد: رببببباااااب،،
من رخصتك عمو قبل لاطير طيورة لرائد،،،
رباب،، نعم ليش صيح،،،
رائد:
ساعة لما تجين،،،
شبيك رائد مو گتلك دا اكمل العمو الدوا واجي ،المهم شتريد انت،،،
رائد:اني طالع سامراء،،
رباب:شنو،،،شعندك والضرووف مو تمام،،
رائد:خايفة علية،،تقربت عليهة،،
خايفة على حسين يتيتم ورا ابوو،،وخطية عمي وخالتي،،
ومرة رائد مو خطية،،،
رباب،،شكو علية ،المبلل ميخاف من المطر،،
يعني اذا متت مرح تنقهرين علية،،،
يعني شنو لازمة هالسيرة رائد ،،
گولي رح تموتين من القهر، اذا متت،
رااائد، اكره هذا الموضوع ومااحب تلح بي،،
وبعدين اريد اگلك شي قبل لاتروح،،
خير ،،،
اخوية ليث مسويلةاحتفال ع تخرجة،،واريد اروح ،
وشون تروحين،،
ليث ،رح يجي ياخذني،،
زين،،
روحي،،
وحسين،،
شبي حسين؟
تعرف جكد متعلق بية،
يعني شسوي اني ،،
رباب:رح اخذة وياية،،
وين تاخذي ،بيت وليد،،،
لااا،،
هذا بيت ابوية ورايحة ع ليث وازهار،،
وشكو دتاخذين حسين بقي يم امي،،
هو متعلم علية وبعدين خالتي كافي عليهةعمي،،
هي اروح الصبح اودي لبيبيتة تشوفة،واااخذة،،،
لحظة،،لحظة،،شنو بيبيتة،،
بكيفج تتصرفين،،
رااائد،،
متاخذينة،رباب،،
رااائد ، اسمعني،،بيبيتةخابرت خالتي تتوسل وتبچي تريد تشوف حسين،
هي مالهة ذنب وروحهة لايبة ع شوفة ابن بنتهة،،
رائد:تعرفين ،شسوة ابنهة بالفاتحة فضحني،،
ميخالف رائد ،كلبهم محروگ على بنتهم،وحسين خطية،هم لازم يعرف اهل امة، بعدين تحسب حساب باقر وهو ميحچي وياك، وخال حسين خطية من حرگة گلبة ع اختة هيچ اصرف لاضيع مستقبلة،رائد،خطية،
يعني انتي بديتيهةبااهلج وزيارتهم،
ورحتي ع زيارةحسين بيت جدة وانتهيتي طلع اخو فاطمة،،
دا ابدل ملابسي وجتي گعدت يمي،،
رااائد،يامة جرت على فاطمة ،خليهة ترتاح بگبرهة المسكينة،،
درت وجهي مليان عصبية بس اول مشفت وجهه،نسيت كل شي،،
خلص ،اخذي حسين ورجعي باايدج رباب حسج عينچ تبقي يمهم والله اگلبهة عليج،
وتروحين لااهلج وترجعين بنفس اليوم ،
ولاتدخلين بغير مواضيع مال زلم،،فهمتي،،
مدا ادخل ،،بس اريد تذكر حميتك ،هاي لاتظلم احد،،
اويلي ،عالظلم احچي عن روحچ جگد ظالمتني،،
ااااني ظالمتك شمسوية،،
اني مسامح بس،،،
بس شنو،،،،
رائد:صالحيني،عمود ارتاح واذا متت مشيلين مني،،،
راااائد،،،