رصاصة الرحمة

ج9

الى ذلك الشخص البعيد القريب اشتقت اليك وانت قريب مني فكيف يكون البعد اذا غبت عني،
رائد،،،،،
رائد:اخخخ، جسمي كلة متكسر، مابية اگوم،
اوه، شوكت گعدتي انتي
رباب:اصلا منمت،،
ليش مگعدتيني؟
لاخطية انت وراك شغل، اني شكو علية بالبيت،،
مااريد اضيع دقيقة بدونچ
مرح ضيعها، يلة گوم لاتتاخر ع دوامك،،
هيج ثقيل عليچ وتريد تزحلگيني،،
صح مااحب هاي الشغلة واخاف منها بس مااريد تهمل شغلك سيادة الضابط،،
اويلي يابة شگد حلوة بحلگچ،،
ترة بعدني زعلانة منك
هاي شون زعلانة والليل كلة سهرانة وتتمعنين بملامحي ممصدكة روحچ
هلو، منو الممصدك شايف كرشك شكبرة صاير،،
غير انت ضحكت علية واني عقلي مو تمام،،،
حشا ماكو احد بعقلج انتي،، انتي ست العاقلين،،
لاعبالك تضحك علية يلة گوم،،
خليج لاتگومين ابقي،،
راااائد،، كوم يلة،
رح انزل اسويلك ريوگ بين ماتگوم تبدل وتغسل،،،
الله شنو هالرضا من الصبح،،،
يومية هيج حبيبي يلة،،
ايام السعادة يحس الانسان بطاقة غريبة تخلي ابن ال15

يارب ديم هالنعمة،،،
رباب:صباح الخير خالة،،
صباح النور يمة،،
خالة رح احضر الريوگ،،
اروح اصبح على عمو واجي،،
الله يخليج يمة ويسعدكم انتي ورائد ويخليكم لبعض،،
امين خالة ، ادعيلنا،،
رغم صحتي تحسنت وگمت ع حيلي،
بس الرجفة بعدها والنحول ومااگدر انام بسبب الصداع احاول ابين طبيعية واركز بغير شي،،
بس يبقى بعد مراحل المرض، ولازم احاول اتجاوزها،،
رباب:صباح الخير عمو،،،
هلا يابة شونچ،،
البارحة منمت،
ليش عمو؟
من ورا هذا البلة، اني وين عايش والدنيا وين،عايش بغير عالم
حاسة بيك عمو،نفس المعاناة،
عشتها فاصلة عن العالم ،
بس عمو ليش متحاول تطلع وتغير جو
وين اطلع ورجليناتي مكسرة،
من رحت لااربيل شفت هواي عالكرسي جايين يغيرون جو ،او تطلع تگعد بالباب العصر،واحد من الولد يجي يفرك بالمنطقة،،
لاتخليني احچي على ذولة،،
لاتحچي عمو الله يصلحهم،،،
اروح اجيبلك الريوگ،،
اي بوية الله يحفظج،،
هااا، خالة تاخرت عليچ،،،
لا ،خالة خلف الله عليچ مونسة عمچ،
چان مالي گعدة،من صياحة،،
وطول الوقت عصبي،،،
خل احضر الريوگ لرائد،،،
اي يمة ،عفية عليج،
سودة علية مچان الة نفس ياكل بيتة يجي يتريگ يمي،
حاضر خالة،،
رائد:هاااا، شگاعدات تقشبن انتن،،،
ام رائد:هلا يمة صباح الخير، دنحجي بيك،،
مو گتلكم ،،تحچون بية،،،
رباب:خالة تگول جگد نحس بالاكل مياكل شي،،،
يمكن يتريگ بالدوام،،،
هااا يمة ،اطلع بلا ريوگ،،
ام رائد:تتشاقى وياك يمة هسة تگول احضر رائد ريوك،،
شيخلصهة وياج رباب،،
ترة مشتغلچ ع نياتي مشفتي رائد الضابط،،
رباب:مااريد اشوفة ،اني احب النسخةالعندي،،،
كلش زين،
جيبي الريوگ،،،
ماشي،،،
رباب:اودي الريوگ لعمي،،
ام رائد:اني اودي لرجلي الريوگ وانتي گعدي يم رجلچ،البارحة الليل كلة يبحبش بالتلفون ،مادري شيسوي،،
ههههه،
رائد:دير بالج علي حجية،،،
ام رائد:انزول عليك،،
هسة بقينا وحدنا،،،
تعالي شون تريدين اطلع بدون ريوگ،،
اني اعلمج،،
لا راىد، لا خرب لاتگرص هسة يجون خواتك،،
صباح الخير،،،
حوراء ،،،
رباب:صباح الخير ،هلوووو،،،
حووراء مو،،،
اي حبيبة اني حوراء ام احمد،،
اهلا بيچ،،،
لعد امي وين،،
عدهة موضوع تتناقش بي ويا ابوية ، ماانصحچ تقاطعيهم،،،
ههههه، خرب رائد عيب تحرجني گدام خواتك،،
شوف هاي ، ام التحرجني،
لچ اني محمل وشايل شتگولين،،
ديلة حباب خف ايدك ماظل وكت،،،
روح دوامك،