رصاصة الرحمة

ج16

وبيني وبين الفراق مسافة رسمت لك بين حروف الحب قلبا كبيرا كتبت فيه احبك للابد،، وبين ثنايا روحي انتي الوحيده، عندما تغيب هذه اللحظات البسيطة اشعر كان روحا انتزعت من جسدي كيف تريدين ان ترحلي عني ضحتك الجميلة  هي فطوري الصباحي ، وحبك وطن ، انتي وطني يا رباب مستحيل احس بطعم الحياة اذا مو انتي جنبي ، انتي طعم الحياة الحقيقي انتي الي لونتي حياتي انتي علمتيني اخذ عهد ع روحي مااحب غيرچ لذا شما تمر سنين لاتصدگين حبچ من گلبي ينتهي انتي الاولى والاخيرة، انتي سعادتي  انتي فرحة عمري، يوم الي مااشوفچ اشوفة سنة ، البسمة من شفافج عمر،،، عمر تهدينيا وانتي حاضنتني ماودي افارگج، ياحبيبة گلبي والعمر،،،،،،
رائد،،،،
رباب :عيد الگلتة باقر،، گول ماسمعت لا، مابي شي مو ، مابي شي،، فدوة گلي مابي شي،،،
باقر: رباب مو وكتچ والله مو وكتچ اني مااعرف ولد صديقي خابرني وگال اخوك طكت علي وعلى ويا عبوة،، والمفروض ينقلوهم من سامراء لهنا،،
ننتظر ونشووف،،
رباب!:يابرودك انت ، ننتظر شنو،،
انتظر يجيبوليا جثة،، اني لازم اروح،،،
البس عباتي واروح،،
باقر:بلا خبال رباب لاتفضحينة،، وين تروحين ،،
مااعرف ، اشوفلي صرفة الة الگى،،
تعالي گعدي واستهدي برحمانچ واول ميوصل بغداد يخابرونة ونروح،،،
بهالاثناء خالتي تخربطت من دكها ولطمها،،
رباب:خاااالة،،،
باقر:يمة شبيج يمة ،، اصحي يمة،،،، راسا طلبنا اسعاف ونقلناها للمستشفى،،
باقر:وين رايحة،،
وياكم غير،،
رباب وابوية وحسين نسيتيهم،،
دخيلج ابقي ولاتگوليلة لاابوية،، مابينة حيل،،،
ظليت گاعدة ع اعصابي،،،
وابچي بسري حسين يفتر گدامي ،،
عمي گعد صاحني،،،
ام رائد،،ام رااائد وينچ،،
رباب:مسحت دموعي ورحت علي،،
هااا عمو محتاج شي ،،
وين خالتچ،،،
عمو مرة باقر متخربطة واجة اخذ خالتي ورلح،،،
هم بس وكت المحتاجينة يجون ومرة باقر ماعدهة اهل يجون وياها،،
عمو هم ميصير يروح وماكو احد من اهلة،،،
انتي مشغليج محامي عالكل،،،
لاعمو يامحامي مو سالتني ،،
دا اجاوبك،،
وانتي شبيچ وجهج ميتفسر،،
خاف باچية ياولي،،
منو ضوجج باقر لو امة،،،
لا ،عمو محد مزعلني ،،بس شوي تعيانة،،
خاف هذا رائد مضوجج گولي دا اعرف اني شون يمشي عدل وياچ،،،

عمو والله ماجاي يمي ولامزعلني ليش گوة ذب عليه،،
لا، لا،،الموضوع بي انة شكو خاف مشتاگة لااهلج مو البارحة يمهم خاف غثوچ،،،
لا ، يابة ماكو شي اني صايرة بس اسمع احد ينعي ابچي،،،
بعد لحد يفتح يمچ ،،
بوية ،كلة ولازعلين انتي،،،
عندي اربع بنات بس هنة بچفة وانتي بچفة وانتي بچفة ثانية،،،انتي بنت اصول والف رحمة ع ديس الرضعچ،
تسلم عمو،،،جوعان اسويلك غدة،
ليش خالتج مطولة،،
والله مااعرف عمو بعد ،ترجع بالسلامة،،
عمو ساعديني،
صعب تمثل انت قوي وداخلك منهار بس اكو شي داخلي يگولي اطمني ماكو شي،،
هسة يجي مابي شي،،،،للمغرب اندگت الباب،،،جانت زبيدةعينها وارمة ،من شافتني ارتاحت،،
هلو رباب،،،،كذب هذاالخبر الي سمعتة صح،،
بس شفتج ارتاحيت،،،
اول محضنتهة انهاريت من البچي،،
عزا العزاني ،،ولچ رباب واني اچذب بروحي،،
صاحني عمي،،
رباب،، منو بالباب،،،
هاي زبيدة عمو،،
زبيدة عمي ميدري لا برائد ولا بخالتي متخربطة .كوة ضاغطة ع اعصابي،،
لحظة ،،لحظة،،امي شبيهة،،
ارتفع ضغطها ،،هسة خابرني باقر،،
گال معلكيلهة مغذي بس تخلص ترجع للبيت،،
ابو رائد:رباب،،زبيدة متفوتون جوا،،،
رباب،،حاضر  عمو جايين،،
فدوة زبيدة اني گلبي رح يطگ وهو يسالني كل شوية،،
اريد اصعد شوية مااگدر بعد ،،،
ابو رائد: هلا يابة زبيدة،،تعالي يلا،
ونسي رباب ،صار منالظهر اريد اعرف شبيهة،،
متقبل ،بلكت انتو بنوات وتحچيلچ،،
رباب:مو گتلك عمو مابية شي،،
والله تعبانة شوي،،
الله يساعدچ عمو دنتعبچ،،
لا عمو لاتزعلني تعبك راحة ،،
راح اصعد شوي ارتاح ،،
روحي يابة روحي،،،
رباب:اول مصعدت الدموع نزلت وحدهة ظليت ادعي ياربي مابي شي يارب سالم مسلم،،يجيني،،
ظليت الوب ،مااگدر ارتاح،،
اخر شي ذكرت هشام ابن خالي عندة معارف هواية،،بلكي يجيبلي خبر،،،
الو،،،
الوووو، ها ،،كوكة شونچ،،،
موزينة كلش هشام،،،
ليش خيرچ،،
راااائد،،،
شبي،،،،
انهاريت من البچي،،،
الو،،،الووو،
ولچ شبي،،،
صديق اخو گايلة طاگة عليهم عبوة ع طريق سامراء،،
وماكو خبر عنهم،،،
دخيلك هشام ساعدني،،
اكيد من معارفك سامعين شي ،،
دسكتي،،يلة بدون بچي  هدي روحچ،،
هسة اشوف منو اخابرلج،،،