رصاصة الرحمة

ج7

هل تعلمون ماهو الوجع الحقيقي؟
الوجع الحقيقي انو تعيش مآساتك العشتهة بسنين مجموعة سطور ترويها للناس وتجد الاجابة ، كلنا مرينا بضرووف سيئة بس عادي تجاوزناها،،
ومشت حياتنا،
يمكن ضعت بعالمكم العادي وانسي ومشي بس عالمي يختلف ماكو شي اسمة عادي ولا يمضى كل يوم كوابيس تحاوطني ذكرى الخيانة سچاچين تلچمني كل مااذكر، كراهية ممفهومة، واكثر شي اذكرة انو العذبوني بالمصح كانو مستمتعين وهم يسمعون صرخاتي ، مو مشكلة الانسان يكون فقير مادة المشكلة يكون فقير انسانية،
رباب،،،،،،،

رائد: رباب،،حبيبتي شجابچ هنا،،،
رباب: رائد،،مدا اگدر اقاوم مو بيدي والله رائد ،،تعبانة حيل ومختنگة،ساعدني، ساعدني بداعة الي چان بينا ، اضربني طلقة وخلصني من هالعذاب، روحي دتحترگ، تحترگ محد ديسمعني،،
مختنگة حيل ،،،مختنگة وخايفة، خايفة بيوم اتحول وحش، وااذي احد،
خليني بمستشفى واخلص،،مابية والله مابية فدوة رائد ، فدوة اروحلك بداعة كل غالي عندك موتني وخلصني ماعاد بية نفس واتحمل،،،دخيلك فدوة،دخيلك،،
رائد: حضنت رباب، وگعدنا اثنينا بالحمام نبچي على سنوات راحت منا شنو ذنبنا وشنو صوچنا، احچي عن روحي ، لو احچي عن رباب الي گانو چانت عايشة بغيبوبة وكل الحواليهة تعاونو على نهايتهاوجيت اني كملتها وسويت اسوا منهم، اريد اجبر كرامتي الكسروهة ، لو حب حياتي الي سرقو مني ، بسلطة الاهل ، ومنصبهم وتحكمهم، البشر بس يعلى يدوس الاقل منه ينسى بيوم چان صغير وكبر وهذا هو نظام الحياة ، اليكبر يتكبر، ويقسى وينسى ،
حضنت رباب وحطيت راسهة بحضني وبچينا دموع مال عشر سنين فاتت ،
ام رائد:شبيكم يمة عزا شبيهة رباب،،،
رائد: مابينا يومة ،، عفية طلعي وسدي الباب وراچ،،،
ام رائد: اعاونك ، يومة ،
لا يوووم، اني هاي مرتي ،ومحد يداريهة غيري،
بس يووومة،،،
رائد: يمة فدوة اروحلچ طلعي گتلج ، اني اهتم بالعندي،،
ام رائد:شبعنا ضيم يلة طلعنا رائد من الهو بي ،راح شمر روحة بالنار ومابردت نارة ولاطفت ، يوم عن يوم يبين اقسى واقوى ، بس اني آم واعرف ابني ،اعرفة چان يحترك يوم عن يوم مافرح بشي بحياتة لابزواج ولا بخلفةمشفت وجهة ضحك، اعرف رباب هي ضحكتة وهي فرحتة، جان ماعندة امل بالحياة وهي رسمت السعادة بوجهةمن يوم عرفهةوهو كلة امل ومتفائل وساعة الي صار ،خرب كل شي بحياة ابني ،وحياتنا،
ودمر حياة رباب اني لو اعرف هيچ ، چان كتلة ع رباب من زمان بس خفت لايغدرو مرة ثانية ، 6اشهر ايست گلت راح ميرجع، مصدگت طلع من الحبس،
وگلت ينسى بس ماشفتة نسة بحياتة شوكت مضاگت علي دنيا فات بغرفتةوقفل عليه وگعد يبچي،
ويذكر،
حب امس، مو سهل واحد ينسى بس الوفي وعرف طعمة،
الحب مو كلمة تنگال بگعدة وسوالف الحب عهد بالدم مرسوم والگلب سلطان على اصحابه،
طلعت وسديت الباب على ابني وحبيبتة،النفس والضحكة مالتة ودمعة بعيني، رفعت راسي رب السمآء،
فدوة ربي باوع لذولة الاثنين وتلطف بيهم،، ياااارب، يارب،،