قد اكون حمقاء لاني بالغت في حبي لك ، لكن حبي لك هو نابع من شعور داخلي يمنعني احب شخص غيرك يشغل تفكيري بصعوبة واحساس يموت افكر احد يلمسني غيرك شون تريدني اتقبل تعيش ويا مرة ثانية وتمارس حياتك عادي لان هي مو ذنبهة واني شنو چان ذنبي ،
تلومني على وفائي لو تبادلني وتعوضني وجع السنين واني افكر يجمعنا يوم ونحب بعض،، واخرتها تسمي هاي انانية ، حقك اني انانية بالاشياء التخصني،،،
رباب....
بلحظة استسلمت لهواجسي اريد اطفي هذا الجهاز المشتغل جواية،،
مدا اگدر،، گلبت غرفتي ادور ع شريط اي شي حتة لو مال وجع راس ضعفت ارادتي بلحظة،، نزلت جوا ماكو احد راحت عمتي تهني فاطمة برجعتها،،
فتحت الثلاجة لكيت شريط مسكن مال الم المفاصل،،
حطيت اربع حبايات باايدي گعدت عالكرسي ابچي واحاول امنع روحي،،
لا رباب ،، لاتضعفين ، لاتضيعين تعبچ،،
وارجع اگول،،
مااكدر والله مااكدرتعبانة،، وضايجة،،
مختنگة كافي رح اظل معلولة هيچ
ابلعي وخلصيني، وكانو وساوس الشيطان تطلع بصوت عالي،،
توني حطيتهم بحلگي سمعت صوت عمي ،، رباااااب،،
وگع من الكرسي المتحرك،،
لا عمو لا لاتضيعين شبابچ،
ذبيهم،،،
رباب:ركضت على عمي وهو يصيح علية ذبيهم ،، ذبيهم يابة،، لاتسوين بروحچ هيچي،،
ذبيتهم من حلگي وحاولت اساعد عمي مگدرت ماعندي قوة،، وگعت بحضنة وگعدت ابچي،،
تعبانة عمو،، تعبانة حيل ملحگت افرح ، واجتي فاطمة اخذتة،،
واذا عمو ، واذا تنهين حياتج عمودة،،
هاي الروح المنزهة الي انطاچياها ربچ بسهولة تخلصين عليها،،
عمود شخص يوگف يوم القيامة يگلچ اني معلية انتي موتي روحچ،،
كلة ولاقتل النفس،، حرام،،
مو اني گلت اريح وارتاح،،،
تريحين منو ، رائد،، عمرة مرح يرتاح،
چنت اشوفة يجي ويصعد بغرفتة ينحب لما يگول بس،
بيوم عرسة الفجر اجة صعد هنا وگعد يبچي،،
كلت لاامة تصعد شبي خاف صار شي،،
نزل گاللهة خنتهة لرباب واني واعدتهة
واستلمي حچي عمتچ عليچ،،
هههههه، عمة تحجي على احد،،
لعد شعبالج،،
متعرفيهة لعمتچ اذا احد طخ واحد من فروخهة،،،
ههههههه،
اي بوية ضحكي محد يستاهل زعلين عمودة،رائد يحبچ وطالع على ابو بالعشگ مسودن مايعرف گدامه وبعدين عمچ وين يروح تردين تعوفيني بعد ماتعلمت عليج ، بعدين انتي وفاطمة گعدتنا عالرنگات،ماعندةفلوس فاتحة
كعدي وسكتي،واستري علينا
حاضر عمو ،،
تعال خل اساعدك تصعد عالكرسي،،
شساعديني واحنا اعمى يگود ضرير
خابري رجلج يجي،
اخاااابرة؟
لا،عمو شيگول عليه طكيت من الغيرة ودا ادك علي وهو ملتهي بالهوسة يمة،،
ولچ عيارة ،توچ دسوين مصيبة،مني ومنچ،اخترع اعذار عمود يجي،
بطلي فطاريتج ترة فاطمة مو سهلة،،،
يعني انت دتخوفني لو طمني،،،،
عمو ،خل اساعدك اني لما يجون ،،،
مااگدر اخابرة،،،
يمة منچ ومن خشمچ اليابس،،،
هههه، مااگدر،، مااگدر والله،،،
يلة عمو ،ساعدني شوي،،
ولچ مشلول ،شون يساعدج،،
مااعرف هيچ يگولون،،،
بهالاثناء دخلو عمتي وزبيدة،،،،
ها، صمالله ابو رائد شوگعك،،
جنت دا اريد اشرب مي ووگعت ، خلف الله ع رباب جتي وركضتلي،،
باوعت بعيون عمي، كانو الصار ،سر بينا ،ونسينا،،
عرفت انواني كسبت اب ،عوضني غياب ابوية،منةاستمد قوتي وعزيمتي ،
ابطل ادمان ،چان اختبار كلش صعب علية،،،
بس احاول عمود روحي ،اريداستعيد عافيتي واكون عائلة ،،اريد اكون عائلة،،
كملنا العشا واني اباوع ع الساعة شوكت يجي،طبت ع چتفي زبيدة،،،
مرح يجي لاتنتظري رح يبات يم فاطمة،،
صارت عندي خيبةامل ،انقهرت حيل واشتعلت نار داخلي،،،
أنت تقرأ
رصاصة الرحمة
Romanceتحكي عن قصة حب تقف بوجهه ضروف العرف والعائلة وااطبقة الاجتماعية لتعود الصدفة وتجمع المحبين
