انتفاضة وقدر مكتوب(حبيبي بغدادي)

البارت العاشر

عمتي..احمد هيه هاي العروسه مو

احمد..لا عمه هاي اختها الزغيره

عمتي..شنو ولك هاي حلوة ليش ماتاخذها

احمد ..شنو عمه اني منطي وعد وحاجين ع هدى مو ع اختها

عمتي..احمد منطي وعد شنو يعني متريدها لاختها هاي

احمد.. لاعمه اني رايد هدى والحلقة الجايبهة وياي متصير الة لهدى

عمتي.. براحتك وليدي

لحضات وبدو يحجون بالخطبه

ابو عزيز..والله ياحجي ابو سجاد معروف سبب زيارتنا احنا جايين نطلب ايد بنتكم هدى لابنا احمد ع سنة الله ورسولة واكيد مراح نلكى احسن منكم اناسبكم وانتو عرفتونا وبينا زاد وملح وتعرفون احمد فااحنا جايين حتى نجمع راسين بالحلال فشكلت ياابو سجاد

ابو سجاد ..واحنا مراح نلكة احسن منكم نتشرف بيكم وبتنة هيه بتكم من اليوم

-بوكتها حطو المقدم والمؤخر 50 الف جانت بوكت التسعينات كولش جبيره

هدى..واكفة بره الاستقبال وسمعت صوت الهلاهل طرت فرح

لحظات وابويه كال خل تتقرب هدى حتى يعقدلها السيد هيه جانت خطوبه وعقد سيد بنفس الوقت اقتربت من الباب وبدا السيد يحجي

السيد..يابنتي هل تقبلين الزواج من احمد ابن عبد الواحد ع مهر مقدمه 50 الف ومؤخره 50 الف فاذا قبلتي قولي قبلت وانت وكيلي

هدى.. قبلت وانت وكيلي ..كررها عليه 5 مرات واني جاوبته قبلت وانت وكيلي بكل مره...

السيد..وانا قبلت التوكيل الف مبروك

ام احمد وخواته وعمته...كلللووووووش

هدى..فرحت حيل طايره من الفرح

احمد..جنت بعالم ثاني فرحت هدى صارت هسه ع ذمتي ومحد يكدر ياخذها غيري

ابو سجاد..تعاي فوتي بويه كعدي حتى يلبسوج الذهب

احمد..الحجي صاح هدى حتى تدخل ونلبسها الذهب شفتهة دخلت فرحت عبالك اول مره اشوفهة حلوة جانت وحمدت الله الف مره لان صارت من نصيبي

هدى..دخلت خجلانه كعدت يم احمد

-بدو اهلنا يباركولنا

ام صفاء(عمه احمد)..وين الذهب يلا خل نلبسه

ام احمد..هذا تفضلي ام صفاء

ام صفاء ..هاك ابني لبس خطيبتك الحلقة

هدى..مديت ايدي ولبسني الحلقة حسيت نفسي بعالم ثاني أحلى شعور بالدنيا من تنخطب لحبيبك وتصير سوة تحت سقف واحد

احمد..لبست هدى الحلقة واني مامصدك بعدها لبستها الكلاده والنسوان لبسنها التراجي ممصدك صارت خطيبتي لما العيب جان صحت بنص الاستقباال احبها واخذتها وفاز حبنا

بدت النسوان تهوس ومنهم اليصفقك فرحانين حيل بالخطوبه

هدى..اباوع ع ابويه فرحان حيل بيه وامي كذلك واخواني واخواتي بس بنفس الوقت بداخلنا غصه ع فراق حميد جنا نتمنى لو جان هسه ويانة ونفرح بي واكيد جان فرحت بخطوبتي لحظات وقاطعني احمد

احمد..هدى

هدى..ها

احمد..وين صافنه

هدى..لا هيج

احمد..فرحانه؟

هدى..حيل

احمد..ان شاء الله اخليج أسعد وحده بالكون

هدى.. احمد انطيني وعد متخوني ولا تسوي صداقات ازوج  عليه بس لاتخوني

احمد..صدوك تحجين انتي بعد انتي الاولى والاخيره من بعدج ماكو مره تدخل حياتي

هدى..ابتسمت ..احبك

احمد..واني اموت بيج

_خلصت الخطوبه وبداخلي ماريد اروح واعوف هدى سلمنا عليهم ونريد نطلع من الفرحه طلعت حافي للباب الخارجيه ونسيت حذائي ههههههه

ابو عزيز..انتبهت ع احمد مشه حافي صحت عليه..ووين وين يابه تعال البس حذائك

ابو سجاد..وين رايح بويه بدون قندرتك ماتكلي ههههه

احمد..هههه والله مامنتبه ياحجي

ام صفاء..حقة ستوه خطب باله كوله يم خطيبته

ابو عزيز..الله يديمها بيناتهم ان شاء الله

احمد..رجعت دالبس حذائي ماعرف شلون نسيت بس مو بيدي فرحان حيل ونسيت كولشي اباوع هدى تضحك هيه وندى ابتسمتلهن

ندى..شوفي خطيه فرحان

هدى..هههه اي حتى حذائه نساه

بعد لحضات طلعو احمد واهله واني ماراحت الخطوبه عن بالي واباوع للحلقة فرحانه واخيرا حبيبي صار الي

احمدد..رجعنة لبغداد وفرحان بهدى واخيرا صارت الي اريدها اليوم قبل باجر تجي ونصير سويه مر يومين ع خطوبه اتصلت بيها وكتلها لازم نحدد موعد الزواج ووافقت هيه..هدى حبي اني رايح للمحكمه حتى نحدد موعد للزواج

هدى.. ماشي حبيبي ع راحتك

احمد..رحت للمحكمه وردت احدد موعد للزاج بس انطوني رفض وحاولت اعرف السبب ماقبلو

هدى..لاتهتم حبي بلة خل اشوف المحكمه اليمنا

رحت اني كذلك للمحكمه ونفس الشي أنطوني رفض
سالت الضابط شنو السبب ليش متوافقون ع طلب الزواج؟

الضابط..بسبب..........

--___________يتبع

توقعاتكم..
شنو السبب حتى المحكمه ترفض زواج هدى واحمد