انتفاضة وقدر مكتوب(حبيبي بغدادي)

البارت الثالث عشر

.انت شلون خطبت منهم

...ليش؟؟

...ذولي ناس اخوهم مطلوب للعداله واخذوه وزلمهم عدهم سوابق وضد الحكم

...شنوووو شدتحجي انت

...اقسملك بالله وبجهالي هالحجي صح

احمد..احمد طلعت بلاوعي من البداله والف سؤال وسؤال براسي واثق من هدى واهلها ناس طيبين ماعدهم مثل هالسوالف بس الاريد اعرفه ليش هيج يتهموهم رجعت للوكاله يم الحجي سلمت وكعدت اشوف الناس تروح وتجي وتشتري من الحجي ويسلمون عليه ويحترموه كولش بس مع هذا بقت براسي سالفة صاحب البداله

الحجي..بويه احمد بشنو صافن

احمد..ها لا حجي هيج داباوع ع سوك هواي ناس يعرفوك هنا

الحجي..ايي ياابني جا اني من زمان هنا والكل هنا يعرفني

احمد..ابتسمتله

الحجي.بويه رايح اشتري لحم من هذا المحل واجيك حتى نعزل ونروح

احمد..اني اروح حجي

الحجي..لابويه متندل هسه اجي مااتاخر

احمد..بقيت واكف بالمحل لحضات واجه رجال جبير عرفت اسمه حسن

..سلام عليكم

..وعليكم السلام تفضل حجي

..بويه جاي ع حجي جا وينه ماشوفة

..والله حجي هسه يجي راح بشغله امرني

..لا يبويه ماريد شي بس مريت من هنا وردت اسلم عليه كله حجي حسن جاك وراد يشوفك ومالكاك

..يوصل حجي بس لو تنتضره 5 دقايق هو يجي ميطول

..جا اذا هيج انتضره

..جبت كرسي وحطيته كدامه..تفضل حجي استريح

..يحفظك وليدي انه ماشايفك منين انت وشتكرب للحجي

..اني نسيبهم حجي

..هااا سمعت بنت الحجي انخطبت لواحد من بغداد انت هو مو

..اي حجي اني

..والله والنعم منك يازين ماختاريت بيت الحجي معروفين بالولايه خوش ناس وينحلف براسهم

..الله يخليك حجي والنعم من اصلك

..ايي يابويه خطيه ابنهم راح بالانتفاضه الشعبانيه ولسه ميعرفون عنه شي الله يرجعه الهم بالسلامه

..امين يارب

لحضات واجا الحجي ابو هدى

ها حجي اجا عمي ابو سجاد

...يالله

ابو سجاد..ياهلا ومرحبا بحجي حسن شونك ااخبارك اهلك شلونهم

حسن..والله بخير انت شلونك حجي مشتاقلك والله مريت من هنا وكلت لازم اسلم ع حجي

..يازين ماسويت يلا تفضل ويايه نتغدة