هدى..احمد اكيد من ضمنهم المفقودين بالانتفاضه الشعبانيه
احمد..اي اكيد
هدى..باجر اروح اسال بلكي الكى اثر حميد احسن ماابقى هيج معلعله لااعرف بي ميت عايش
احمد..لا باجر اني اروح استلم راتبي واسال
هدى..ثاني الصبح احمد راح واني بقيت انتضر احمد ع نار
وره شويه احمد دك الباب ركضت دافتحها كتله ..ها احمد بشرني
احمد.. ماكو اسمه هدى ملكيت شي
هدى..يمه لعد وين راح
احمد..دزوني ع غير دائره بلكي الكاه
هدى..شوكت تروح
احمد. . اروح يوم الخميس لان هسه معزله كالو
هدى..جنت متامله بااحمد يجيبلي اخبار ع حمييد بس ماكو للاسف انقهرت حيل بوكتها
ورة اسبوع راح احمد للدائره جنا مزاعلين بوقتها من ورة جعفر وبواجيه
راح سال بالدائرة واجا فات للغرفة مجنت اعرف انو هو رايح للدائره
حتى يسال عن حميد ايات جانت يمه واكفه اطاها ورقة كللها بس ذني الاسماء اللكيتهم شوفي امج تعرفهم
احمد..رحت للدائره ومالكيت غير كم اسم بس ملكيت اسم حميد بينهم طلعت ورقة الاسماء من جيبي
وانطيتها لايات كتلهة وديهة لامج يجوز تعرف واحد منهم
هدى .. ايات جابتلي الورقة شفت الاسماء مالكيت اعرفة
انوب زاد القهر جان عندي امل الكا لحميد حتى لو ميت ع اقل ندفنه وازوره وابجي عليه بس للاسف مالكيت اي اثر عنه
مرت الايام ورحت اشوف حميد يم بيت اهلي وكتها
كالولي جايتهم اوراق بأسماء المعدومين وهو من ضمنهم
هم بوكتها دكيت ولطمت بس بعد شيفيد راح ومااشوفة بعد
رجعت للبيت وياريتني مرجعت لكيت احمد بايع القطعه الي بالشعب
....ليش احمد ليش تبيعا
..هدى فلوس ماعدنا اريد افتح مشروع شغل بفلوسها
..احمد والله الدسوي غلط صدكني الله يخليك لاتبيعها
..بعتها وخلص تريديني اتفشل مثل قبل من بعتها لصلاح تريدين هسه هم اتفشل
هدى..متت قهر بوكتها باع قطعه مساحتها 200 متر بمليون ونص شكد لحيت عليه ماقبل يغير رأية
بوكتها عفته وكمت مااحجي وياه عسى وان يرجع الفوس لصاحبها ويرجع القطعه بس عبس
احمد..من شفت هدى هيج زعلانه ودايره وجهة اصريت اكثر ع بيعه القطعه
لازم اشتغل واخلص من حجي الناس ع ابو مرته تشتغل وتوكل برجلها ورجلها كاعد
أنت تقرأ
انتفاضة وقدر مكتوب(حبيبي بغدادي)
Romanceقصة حب حدثت اثناء الانتفاضة الشعبانية بين فتاة من محافظة النجف ورجل من محافظة بغداد فهل سيكون حبا ناجحا ام ينتهي بالفشل بين انتفاضة وقدر مكتوب...
