انتفاضة وقدر مكتوب(حبيبي بغدادي)

البارت الخامس

احمد..رحت اجيب مي واجيت اباوع ع هدى كاعدة جنها ملاك ابتسمت ورحت كعدت يمها

هدى..شبيك تباوع

احمد..تزوجيني هدى

هدى..ها

أحمد .تزوجيني؟

هدى..أحمد انت تعرف الوضع مااكدر هسه

أحمد..ادري والله ادري علمود اخوج زعلانه عليه و ع غيابه بس اني مدااتحمل اريدج يمي

هدى..اسفة أحمد ماكدر هسه

أحمد..متأكده

هدى..اي

أحمد..ماشي مراح اضغط عليج براحتج..

هدى..شكرا

احمد.. يلا كومي خل نفتر شويه

هدى..فرحت حيل من احمد عرض عليه الزواج هالشي معنااه يحبني وممفكر بنيه سيئة تجاهي كمنا افترينا اني وياه تعبنه كعدنة سوية يم الاشجار ابتعدنا عن الناس وضجتهم

احمد..اريد ابوسج تخليني ابوسج

هدى..احمدد

أحمد ..مشتاقتلج بس بوسه

هدى..لا

احمد..زين انتي بوسيني

هدى ..هههه

أحمد..قربت خدي الها ..يلا بوسيني

هدى..امممح

أحمد.. شنو هاي البوسه جنها بوسه حجي عبدالله خالج

هدى..هههه لعد شلون ابوسك بلة

أحمد..تعاي اممممواه

هدى..باسني بوسه خفيفة بدون صووت خجلت بس شعور حلو ان شاء الله تنحل مشاكلنا ونكدر نزوج

أحمد..احبج

هدى..احمد صار العصر رايحه لبيت عمتي ابات

أحمد.. طيب يلا كومي اوصلج

وصلني احمد لبيت عمتي بالسيديه بتت يمهم وثاني يوم رجعت للنجف كضيناها اتصالات بيناتنا ورسائل

أحمد..بيوم دامشي بشارع بيتنا لاكتني وحده من البنات الجانن بحياتي مادرتلها بال

شذى..احمد شو ماكو مداشوفك

أحمد..اعتذر مشاغل عندي مع السلامه

شذى  ..بقيت واكفة مثل الصنم معقولة هذا احمد رجعت للبيت ضايجه ومقهوره كولش

مر ع هالحجي شهرين تقريبا

أحمد..كاعد بالاستقبال اجتي اختي

سهى..احمد احمد

احمد..ها سهى

سهى ..هاي الرساله اجتك هسه

احمد..اطيني

سهى..بقيت واكفة اريد اعرف من منو

احمد.. الرساله واخذتها شكو بعد