بيوم من الايام زادت حالته سوء بحيث الليل كله هو منايم
وبعد ماعجزت من الاطباء صعدت فوك السطح وتوجهت لموسى ابن جعفر كتله اني نخيتك واطيتني جعفر
لااتكسر كلبي وتخلي يروح من ايدي كاعده وابجي فوك السطح وجعفر جان بيد ابوه
فارشه سجادتي وادعي وابجي ..سمعت صوت بناتي يصيحن ماما ماما
سويت الدرج بايتين كلت اكيد صاير بجعفر شي
نزلت داشوف شنوو جان لكيت جعفر وجهه احمر كد البجي
اخذته من ابوه كمت اهدأ بي رضعته هود ع ايديه ونام
بيومها اجتي جيرانة ودلتني ع سيد بمنطقتنا كلتلي بوكتهة ابنج هذا الحب ال بجسمه مو طبيعي
هذا اكيد حسد ونضره عليه ..وفعلا ماكلت لا جنت مثل الغريق اليتعلق بكشاية حتى يعيش
رحت للسيد وحجيتلة السالفة اول مشافة كلي عين وحسد قرا عليه ايات قرآنية وانطاني مي سبحته بي
والحمد لله وليدي صار احسن رجعتلة الروح كام يلعب وينام ويرضع براحه
احنا بعد السقوط احمد ترك العسكريه وصار يكعد بالبيت واحنا عايشين ع هالكبايات الجنت ابيعهن
وع الحصة التومينية....
مرت الايام وزاد مصرفنا بالبيت جنت كل مااكول لاحمد اشتغل يكولي ماكو شغل
هدى . .احمد الى متى تضل هيج كاعد
احمد ..يعني شتريدين اسوي ماكو شغل
هدى..انت كاعد بالبييت وتريد الشغل يجي ليمك روح دور
احمد..بابا ماكووو افتهمي
هدى.. جنت وين ماروح يسالون ع احمد ومن يعرفون هو ميشتغل جانو يسمعوني كلام ع ابو هذا الشغل كونه ليش رجلج كاعد بارد
بفتره من الفتراة جانت الكهرباء الوطنيه موزينه حيل لو تجي دقايق باليوم لو متجي
وحتى مولادات اهليه مجان اكو بمنطقتنا...قررت اشتري بانزين وابيع بلكي الله تنفتح عليه
وفعلا كمت اشتري بانزين من عالم يمنا اربح بالدبه ام الخمسه 500 دينار..
بوكتها كمت ابيع بالبيت الناس تعرفني إبيع بانزين يجون يدكون الباب وابيعلهم مرات بناتي يطلعن يبعن...تعدلت حالتنا شويه وحتى كمت اجمع منهن
بس ماطولت بالبانزين لان الناس كامت تحاربني بشغلي .. وحتى مولدات اهليه انفتحت يمنا
جنا نصعد فوك السطح من دون الجوارين حتى نتعشى والجو صيف جان وحاره
جنت اخلص صينيه العشة واصعدها بالسطح نتعشى وجنا نسمع صوت المولده الاهليه تشتغل
احنا من دون الجيران ماجنا ساحبين خط لان ماجان عدنا فلوس ندفع الاشتراك
أنت تقرأ
انتفاضة وقدر مكتوب(حبيبي بغدادي)
Romanceقصة حب حدثت اثناء الانتفاضة الشعبانية بين فتاة من محافظة النجف ورجل من محافظة بغداد فهل سيكون حبا ناجحا ام ينتهي بالفشل بين انتفاضة وقدر مكتوب...
