هدى..فتحت الكنتور وكتله اختل هنا
ختلته بالكنتور وجان نص الكنتور ملابس معلكه فوك والنص الثاني جوة ملابس احمد
كمت اجيب بقج ملابس واحطهن بحيث مامبين احد خاتل بي
احمد..يلا طالع افتح الباب لايشكون بشي
هدى..اي جنت ميته خوف ع بناتي خفت لايصير شي خفت لايقتلونا بدون حس كاعده وارتل ايات قرآنية
لو انذبح ميلكون بيه قطرة دم
احمد..كمت فتحت الباب وجان طلعت ام فاضل جيرانا
ام فاضل..ها خاله شنو نايمين صارلي ساعه ادك بالباب
هدى..سمعت صوت جيرانا مي بارد ونزل ع كلبي متت خوف
احمد..لاخاله تفضلي تفضلي
ام فاضل ..لايمه زاد فضلك بس اريد ام ايات احجي وياها وينها
هدى..ها خاله ام فاضل تفضلي ليش واكفة
ام فاضل..لايمه ماافوت بس جيت دكلج باجر حنه ازهار ونريدج تحضرين
هدى..ان شاء الله خاله والف مبروك سلمينا ع زهوره
ام فاضل..يوصل يلا يمه ازعجتكم بهالليل تصبحون ع خير
هدى..وانت بخير
احمد..اكو واحد يدك الباب هيج بنصاص الليالي
هدى..شسويلهة قابل اطردها
دخلنا جوة وطلعنا حسن من الكنتور بس متنا ضحك بوقتها ولااتخيل الموقف شلون جان مرعب بس الحمدلله عدت ع خير
مرت الايام وحسن جان رايد يروح لاهله ولزمو هناك الحزب وبوقتها سجنو لكن طلع بكفاله ابوه لان جان يشتغل بالجيش برتبه عاليه
اني ضليت اراجع حتى يصير عندي حمل رابع ردت يصير ولد عندي حتى اخلص من الشمات وفعلا حملت
بس حملت بدون مادري بنفسي شلت كونيه تمن وصار عندي اسقاط بالشهر الثاني
حملت مره ثانيه وجنت فرحانه بي كلش هالحمل
جان عليه شهر ونص بوقتها
مره من المرات لاحضت اكو مره تتردد ع احمد بالفرع الثاني الي وره بيتنا
حاولت الكفها اكثر من مره مكدرت لاحضت احمد بالفتره الاخيره يتردد ع خالته
خالته ام عمار جانت قريبه ع بيتنا بالفرع بالثاني
فبيوم من الايام كاعدين ع الريوك البنات تعاركن وطلع صوتهن
احمد..اهووو هاي مو عيشه اجي من الدوام ارتاح شويه الكاه هنا القال والقيل والصياح
هدى..ع كيفك شنو السالفه احمد هنه جهال يتعاركن ويسكتن
احمد..شيسكتن صار يومين هنا بس الهوسه اكوم اروح يم خالتي احسن
هدى..تجي ع غدة؟؟
أنت تقرأ
انتفاضة وقدر مكتوب(حبيبي بغدادي)
Lãng mạnقصة حب حدثت اثناء الانتفاضة الشعبانية بين فتاة من محافظة النجف ورجل من محافظة بغداد فهل سيكون حبا ناجحا ام ينتهي بالفشل بين انتفاضة وقدر مكتوب...
