هدى..ماشي...دخلت لابويه سلمت علي وكعدت يمه كتله ت موضوع الكتاب المزور شو ابويه ضل صافن عليه
..هاحجي شو ساكت
الحجي..شنو مزيف يابه بلة صار شي لاسامح الله بني ادام ممعصوم عن الغلط
..حجي بس اني واثقة بااحمد
...حتلو هدى محد يعرف بالمستقبل شيصير ميصير
..يابه بس ماكو غير هالحل
...انتي تتحملين مسؤليه هالشي
..اي بويه اتحملها
وفعلا اتصلت بااحمد وكتلة ع خبر فرح حيل وكال يومين وجاي اني وكالعاده الوالد من سمع احمد ح يجي كال حضروله الدشداشه واكوها الة
احمد.. بعد يومين نزلت من الدوام وتوجهت مباشره للنجف خبر هدى فرحني بس بنفس الوقت ضايج لان ماعدي فلوس للزواج وحاير حيل وصلت وكالعاده استقبلوني استقبال حار وهدى فرحت بجيتي خطيه طابختلي كل الاكلات الاحبها وبعد ماخلصنا غدة وكعدنا وحدنا
هدى..احمد واخيرا فرجت رهمتها شغله المحكمه
احمد..والله لو تدرين شكد فرحان
هدى..ايي انت هسه حاجي اهلك حتى نزوج واخيرا ح نام واكعد ع شوفة وجهك
احمد ..ان شاء الله حبيبي
هدى..حسيت باحمد ضايج سألته شبيك مجاوب وكلي ماكو شي...احمد محلفتك كولي شبيك
احمد..بصراحه
هدى .. اي
احمد..ماعدي فلوس للزواج فلوسي متكفي
هدى..صدك اني ماصدكت شلون رهمتها
احمد..والله مو بيدي شسوي كوليلي لو بيدي انطيج روحي والله
هدى..نزعت بتوتي وتراجيي وحطيتهن بايده..هاك احمد بيعهن والفلوس العدك جملهن واتصرف بيهن واني اصلا عدي هواي ملابس ماحتاج
احمد..صدك تحجين واني اخذ منج ماخذ طبعا
هدى..ماكو غير هالحل
احمد ..مستحيل هدى
هدى..حبيبي شبيك ميخالف راح اجي وياك اخذهن هسه ومن الله يسهلك رجعلياهن اعتبرهم دين ماشي
احمد..صفنت عليها..هيج تحبيني معقوله؟
هدى.. موو بس احبك اموت بيك
احمد..ابتسمتلها وحضنتهه وبستهه من راسهه..ربي يحفظج الي
ثاني يوم رحنا للمحكمه وعقدنا واطونا عقد الزواج طرنا بي ندى وشذى جانت ويانا فرحن ع فرحتنا وهلهن بنص المحكمه
ايام حيل حلوه جنا اثنينا فرحانين بيها فرحانين حيل
هدى..مر شهر تقريبا حضرت كلشي اشتريت نيشان من يمي وكلت لأهلي من احمد
أنت تقرأ
انتفاضة وقدر مكتوب(حبيبي بغدادي)
Romanceقصة حب حدثت اثناء الانتفاضة الشعبانية بين فتاة من محافظة النجف ورجل من محافظة بغداد فهل سيكون حبا ناجحا ام ينتهي بالفشل بين انتفاضة وقدر مكتوب...
