رجعنا بعد مارادت تصير عركه بين امي واحمد
وصلنا لبيتنا حموتي شافن ايات ولزمنها يبوسن بيهة
لان جانت حلوة حيل وتنحب
الام..يا هاي برشه برشه
هدى..اي عمه ههههه
ضحى..يا فدوة شكد حلوة
اجا الحجي ابو عزيز بعد نص ساعه من دخولنا البيت
الحجي هو طبعه ميحب البنات يحب بس الولد مره عزيز جابت 3 ولد يموت عليهم بعدهة جابت بنيه ولا
يدنة الها حزت بكلبي شنو رده فعله اذا شاف ايات
الاب..ها وين جنتي شجابت
الام..هاي هاي جابت بنيه
الاب..شنو؟؟؟؟؟
هدى..كاعده اني واحمد والبنات وايو بيناتنا اناغيها دخل الحجي
الاب..ها هدى الحمدلله ع سلامه
هدى..الله يسلمك حجي
الاب..تتربى بعزكم يابة
هدى..ضليت فاتحه حلكي معقولة هذا عمي مو ميحب البنات
الاب..خما سميتوها ترة اني ناوي اسميها دغورة
هدى..شنوو؟
احمد..لايابة سميناها وخلص
الاب..شنو شسميتوها
احمد..ايات
الاب..يلا ع خير
هدى..الكل ضل صافن ع تصرفات عمي اجا وباركلنة بالرغم هو ميحب البنات
بداخلي كلت عسى وان يكون تغير وصار احسن
ايات جانت مثل الجنه بالنسبة الي جنة اني وابوها دوم نفتر وثنينة فرحانين بيها وياهو اليجي يشوفهة
يلزمها ويبوس بيها كد ماحلوة وبيضة ومدبدبه ابوها خطية من جان ينزل من الدوام يكعد يطرزلها حضاين وحتى ملابس يلزمهن ويطرزلهياه ههههه
ابو بيت مو بيده
صار عمر بنتي سنه تقريبا جنت كاعدة جوة ارضعهة
خلصت بعدها كعدت الاعبها اجا عمي
الاب..شنو هاي هدى شبيها ايدها هيج مطبكه
هدى..ايات جانت من كد مامدبدبه ايدها مطبكه ههههه ..عمي لا مابيها شي بس هاي لان مدبدبه
الاب..ها عبالي بيها شي
هدى ..وره شويه طلع الحجي واجتي اخت احمد الجبيره
ام حسين..شيريد ابويه منج
هدى..ميريد شي سالني ع اياات وكلي ليش ايدها هيج مطبكه كتله من السمن
ام حسين..عزة العزاج هدى
هدى ..ليش شكو
ام حسين..هسه تنحسد بنتج
هدى..لا شسالفة مو لهدرجه
أنت تقرأ
انتفاضة وقدر مكتوب(حبيبي بغدادي)
Storie d'amoreقصة حب حدثت اثناء الانتفاضة الشعبانية بين فتاة من محافظة النجف ورجل من محافظة بغداد فهل سيكون حبا ناجحا ام ينتهي بالفشل بين انتفاضة وقدر مكتوب...
