#ثار الدم
#ليوثي المياحي
_4_
اديه صارت فوك اديه.. لزمتني رعشه.. اديه جانت دافيه.. هدءت الرعشه اللي بجسمي.. الشال وكع من راسي وطلع راسي ...بلال يحجي ويه روحه يكول جنت متشوق بس اشوف وجهه..سنين واني احلم بهاي اللحظه.. هيه متعرفني ولاعمرهه شافتني.. اتاني الوكت حتى اخذها واحضنهه واحطهه جوة جناحي.. اتاني يمته اشوف وجهه من قريب.. اديهه الزغار يرجفن بين اديه.. اصابعهازغار جنهه اقلام.. ريحه الحنه والعطر ماليه البيت...شالت النقاب للاخير ونزعته... شعرهه سرح ..وريحتهه ..ما اطيبهه..كذلتهه نازله على كصتهه مخليه زينه فوك الكذله ..ترن كلما حركت راسهه ... كالي بصوت كله حنيه او وقار ارفعي راسج انتي بنت شيوخ.. لا تدنكين راسج الا للخلقج..
اجت العين بالعين اووووووف من عيونهه سبحان من خلق وصور..ما شاء الله على جمال زينتي...شعر اكحل بيه خصلات شكر...وعيون عسليه.. ورموش تذبح.. وخشم..معدل.. والحلك احمر يهبل.والخدود تضوي تكول جمار..والخصر ماشاء الله عليه تكول شطب رمان... هنيالك بلال بحليلتك زينه...
اني شفته يباوع بوجهي عبالك غاص بتفاصيله... وزينتي جانت زايدة حلاوتي اكثر... واني اباوع بوجهه شفت لمعه عيونه ..
اللي دوختني ...وشكد استفزني من كالي... لا ادنجين راسج لاحد بس للي خلقج..وهوة كسرني وفضحني من خطفني ...العيون جانت تحجي كلشي..انت كلت بنت شيوخ وما انحني لاحد واولهم انته.. فضحتني وفضحت اهلي وعشيرتي...بس اريد اعرف شبيه اني من دون خلق الله وبنات العشاير..
عيونه كالت اووف شكد اتعذب من اشوف المج اني سببه..بس ماعندي غير خيار ..حتى اسويه..
من سمعت راح تتزوج... اتخبلت .شلون اخليهه اتبات بغير حضن ويلزمنهه ادين غير اديه ...لزمتهه من ايديهه وكعدتهه كبالي ..واني صافن بوجهه ...اريد احضنهه ..بس ما تتوالف وياي.. وتريدني.. اعرف صعب بس لازم اصبر عليهه المهم ادخل كلبهه..واخليهه تحبني.. اني جنت دائما الغالب..بس وياهه اني مغلوب.. ما عندي اي طريقه في سبيل اوصل الغايتي وياهه ...
جان واكف كبالي ويحجي بايديه اسمع ونوبه اايد ونوبه ارفض .. بنفس الوكت... كام يتسللي احساس ...غريب يدغدغني.. وبطني توجعني..
****
من وعيت ع الدنيا اعرف انو غدرونا وباكو كياعينه وتعدو علينا ...واهلي طلعو من ديرتهم.. وكياعينهم وتكاطعو ويه ناسهم واهلهم.. تربيت من اني زغيرة.. حتى اكبر واسترجع كل الكياعين اللي انخاذت من عدنه... بحكم اني رجل عائلتي.. الوحيد.. بعد ابويه.. كبرت عائلتنه..بعد ما جانت زغيرة تتكون من كم نفر جوي ويانه.. من ديرتنه.. واني كلمتي ماتنرد من زغري ...واني مسؤول على كل زغيرة وجبيرة بالديرة.. اعمل حتى اكبر بيهه وباراضيهه..والحمد لله صارت جبيرة ..بس بالرغم من هذا ماكدرت انسه حقنه بالي اخذة ابوج... من استولى على حق ابن عمه.. ياما جيتكم لديرتكم ...بدون ما احد يعرف ..اراقب واجسس..عليكم..اعرفكم كلكم .. واحد واحد...ردت بس راس خيط الزمه في سبيل ارجع حقنه...كلتله..واني راس الخيط هذا...احجي مو اني...
تربع وكعد كدامي وكالي...تدرين انتي سبب في اني انسى الكاع واللي وراها ..
مرة شفتج.. اخوج موديج للمدرسه.. ورحت ..كمت افكر بيج وبقيتي ابالي ..كمت اجي بالبوكه بس في سبيل اشوفج... اتابعج من بعيد ..وانتي مثل الغزاله.. بوسط صاحباتج.. ترحين للمدرسه بس لاطلعين هيج ولا هيج.. من وك
كتهه انتي عجبتيني وصرتي الي .. حقي..مالتي...عوض مكان الكاع اللي اغتصبتوهه..
حليتي بعيوني وحبج كلبي.. كالي حجيي بيه غلط...
اني كلامه اثر بيه وحله بعيوني..
كتله كلامك صواب..
هووة ضحك وجان يوكف..
كال اي شي اريدة.. بديرتنه باشارة مني ينفذوه.. جنت اتاني اي فرصه صير حتى استغلهه.. سمعت بعرسج..كلت الفرصه اجتني لحد عندي... اتفقت ويه رجالي واهل عشيرتي.. كتلهم الليله ليله عرسي..اريدكم تحضرون ارواحكم وتزينون الديرة لان ست الحسن والجمال راح تهل علينه الليله..
اني رديته بعصبيه من مكاني ..
اي والله وين لاكيهه تجيك عروس مكيجه كامله مكمله بلايه تعب ولا شقا..والله يطيك العافيه ..خوش صياد انته ..هههه ضحكت باستهزاء ..مكيف صياد فرص...جان يهفني براشدي وكعني من مكاني...وجان يصيح عليه بصوت حاد وقوي مثل الرعيدة... ديري بالج تستهزئين بيه..اصبر عليج وانتي بكيفح اتانيين ع راحتج حتى توافقين عليه...مو ضعف مني ..بس لا تستهينين بيه ...وديري بالج اني رجال كرامتي فوك كلشي واذا تعبتيني راح انتي هم اتعبين يابنت الناس ...
كتله باوع اني ما اتهدد .. مثل ما انته مقدر ومحترم بين اهلك وعشيرتك اني هم مقدرة ومكرمه بين اهلي وناسي والعشيرة كلهه ...وانته راح تعرف هل شي اول ما راح يهدون عليك اخوتي ورجال الديرة ويخلصوني منك...عقدك عليه باطل.. لان بالغصب ...لا تحلم ..اكثر اني ما اصير الك.. هوة عصب وعصر جفه وجان يضرب الحايط بقبضه ايدة .. خل يهدون..والتفت عليه ونضرة عيونه تخوف.اني كرفصت ..من الخوف..جان الباب يندك ...شافني خفت وكرفصت ع روحي عافني وراح ...فتح الباب واحد من رجاله شاورة.. كاله حضر روحك ترة صارو قريبين من يمنه.. ماسمعته زين بس اللي فهمته هيج... اكو شي راح يصير بالديرة موزين..التفتلي وعيونه تشتعل نار...رجعت وكعدت بركن من الغرفه ومكرصه روحي هوة يقرب عليه واني ازيد من الكرصه مالتي.. جانن خطوتين بين الباب والزاويه الكاعدة بيهه اني حسيته دهر بكامله.. ركزت ع اديه اللي الدم يكطر منها من غير ما يحس بيهه ..كتله ايدك ...ايدك.. مجروحه والدم ...
نفض ايدة ولا عبالك مجروحه وتوجعه... يباوع عليه .. اني وخرت من كدامه خفت تجيني ضربه..من عندة..
كام يحجي وبايدة الجفيه البيضه اللي جانو محضرينهه ..الشاهدة ع عفافي وشرفي...مثل مكتلكم .. مسح الدم الطلع من ايدة بيهه ...
كالي وانتي خليج لا ترديني..اني صياد فرص ...اني جبتج لا تعب ولا شقا..جان يحجي ويرص بسنونه وهوة يتقرب عليه شويه شويه واني اوخر منه واضم وجهي بيدي.. كالي احجي عاد وينه لسانج الطويل... احنه عدنه رجال تواجه رجالكم وتتفاهم وياهم.. لتكولين ما اصبر عليج...لا راح اصبر واصبر... ولا تحاولين تغشيني ..جان يحجي ونار مشتعله بصدرة ..كتله اللسان الطويل اني ماعندي ..بس وياك اي طول ..وعليش مايطول ..وانتو خطفتوني من بيتنه وضربتو اخويه بالنار..وخربتولي فرحتي بزواجي..جان يهفني بدفرة ع جتفي.. وكعت كلت جتفي انخلع من مكانه.. كمت ابجي واونون وكلبي انقهر من جوة مثل الطير المبلل ..حليلي تكول ..وصيد حلو... وانته اخذتني واني مالت غيرك...كعدت ابجي وانوح ... لزمني من جتافاتي وكام يهز بيه.. ديري بالج تعودين وتنطقيهه ع لسانج..فرحه ويه رجال غيري ماكو.. هاي اخر مرة انتي مرتي ما اريد اشوفج تحجين ع رجال غيري واني موجود ...شتردين اسويلج...افلشلج حلكج..؟؟؟
اديه لا زمه ايدي ..ويهز بيه.. دمعاتي انحصرت بعيوني ..كتله سوي اللي تريدة بس مال ابجي كبالك لا هز واضرب منا لباجر.. جانن اديه يريدن ينكطمن من شدة لزمته الهن ...كتله حل اديه راح تكسرهن ..بالكوة ملصت اديه منه ..وكعت بالكاع.. كمت اتوجع وحس بحرارة من الوكعه ..كتله الله لا يوفقك ابن...مدري شسمهه امه؟؟؟؟آي ضهري..جان اكوم لكيت السيف مالته شاك الشال اللي ع راسي.. كمت الم بشعري ..والخراخيش اللي بالشال ذبحني اوخر بيهن وميفيد... حسيت بحرارة طالعه مني مديت ايدي مسحت ماكو شي يمكن لان ايدي محنايه ما بين شي.. هوة اجه اتقرب عليه..مد ايدة لركبتي ..كالي اوكفي لا تتحركين يمكن انجرحتي..كله من طوله لسانج.. وكام يمسح الدم الطالع من ركبتي بنفس جفيه الشرف والعفه..واختلط دمه ويه دمي... جان يكول ماكو فراق بيناتنه.. وهذا دليل وحدتنه بالدم.. واني سارحه بلمساته وبحنيته ..وباصابيعه اللي تخللت شعري.. فزيت ع صوت دك الباب.. كتله وخر بلال عوفني.. شيل ايدك.. شوف منو بالباب... اني ما افتهمت ليش نزع الشال وطلع شعري وراسي وليش مسح الدم بالجفيه..وليش كام يلعب بشعري وخربط تسريحته.. اخذ الجفيه وكام يمسح بالدم..كتله دمرت الجفيه .. كالي لساعج ما عرفتي شلون تدمر ... نفشلي شعراتي.. واخذ الجفيه مالت الشرف وصل لباب الغرفه ورجع.. نزع جاكيته ودشداشته ورماهن وبقه بالسروال الداخلي.. اني استحيت وغطيت عيوني باديه..كالي استحيتي هسه ..كبل دقيقه السانج جان شطوله ..نفش شعرة بايدة وكالي وهوة طالع..لا تتحركين مهما صار.. لحد ما اجيج.. وحسابنه بعد مخلصان... طبك الباب وراه وراح...وللحكايه بقيه..
