#ثار الدم
#ليوثي المياحي
_23_
هاي شنو..؟؟؟الرجال عفته الصبح لحكني بالليل..والله اني ما مصدكة..علياء طلعت تركض..وترحب بيه هية وامي..
مرحبة ..مرحبة اخوية..وامي..كالتلهه هلة بوليدي...تعال طب جوة بالدار..
رجعتلي امي.. وكرصتني..كالتلي..شبي وجهج مكلوب..سمّج قوي ..شوفي شلون لحكج..ماخله الليل يعدي..كومي سلمي علرجال..
امي ادز بيه عليه..واني مبهوته وصافنه.. كتلة..مرحبا..بزين الرجال..جان ينزل..من فرسه..اتقرب علية وشاورني باذني..وين تردين تهربين..تهربين مني.. عافني..وهوة يغور بيه..كالي عبالج تغلبيني..ماتكدرين ..اني غالبج غالبج..دخلوه بالدار وفرحو بيه ..وسوله عشه وعشوه..الناس جانت تعبانة ..وكل واحد راح نام بمخدعه..
امي قهرتني..تكلة وليدي تريد افرشلك..بصف مرتك..اصبر شوية خل اجيب الفراش..
كتلهه يمه شنو شدتسوين..لحكتهه واني اشاور بيهه..كتلهه اني انهزمت منه..وانتي تردين اتنوميه يمي.. والله اعوفهه الكم بطولهه وبعرضهه..هوة جاوبهه..لان فاهمني..كال..ميخالف خالتي ..نجاة افرشيلي بصف احمد ..
اي تنفست..كتلهم تصبحون على خير ورحت اركض لداري..ماصدكت انهزمت..بدلت هدومي..ودا اتمدد وجان الباب تنفتح..ودخل..
كال..اشو لا مرحبا..ولا شلونك ولا مشتاقتلك.. شنو يمرة كرهتيني..
وكفتله متحزمة..لا هلة ولامرحبة اشجابك وراي..
كالي لحكت مرتب..بلكي الله يهديهه وتلين من اتشوفني يمهه..وبدأ يتقرب.. كالي انتي نضر العين ..ومولاة كلبي..ليش ماتحنين ع المحروم..ترة والله اني احبج..افتحي كلبي تلكينج متربعه بيه..يحجي..وعيونة تلمع.. انفاسة تلهث .. ركبي سافن..وجسمي دغدغني..الحجي مالته..هزني..وتسبيلة عيونه..ذوبتني..تقربلي وحاوطني بذراعاته..جان فرحان..بحضنته ..ضمني على صدرة..اني درت راسي وعضيته..من ذراعه ..خليته يكمز..وخر وهوة يعيط..طلعت من داري..وهوة يتحلف بيه..
..بات يمنه ايام..واني اتهرب منه..رجع لديرته..وخبرونه الشرطة ان محمود..مسجون..وحمّيد لكفوه خيطولة ..جرحه..يطيب..وياخذوه ع المحكمة وية محمود..بتهمة الخطف..بلال اشوفة بمركز الشرطة من اروح وية اخوتي..ما احب احجي وياه.. يجي يتقرب يحاول..وماكو فايدة..ما نطيته وجه..كتله لا اروح وياك..ولا تفكر اصلاً..
بطني جاي تكبر بدون ما احس..اول مرة طفلي..يتحرك ابطني..كلبي رف ..ورسم البسمة بوجهي..رجعلي فرحتي..مديت ايدي على بطني واني ابجي..
يمة والله تحرك..والله..رحت اركض اريد اخلي ايدهه على بطني وهية تكلي وج لا تركضين..اني اجيج..شكد اتمنه اشوف رجلج وياج..ويفرح بطفلة..
من ذكرته امي..احتاجيته..وتمنيت لو هوة بكربي..بس حقي لازم اخذه..لازم يندم ويطلب السماح حتى ارجع اله..اشتم ريحته مالية خشمي..
كتلهه يمه ريحته بالدار شنو اجه..
كالتلي..لا..لا..ابوه وين ..الطفل طالع على ابوه..وشممج ريحته..ربي يكملج بعقلج بنيتي..
مشت وخلتني..دايخه وية ريحته..افتر بالحوش..تخبلت..الريحه مالته وين ما اروح..اشتمهه..رحت لعلياء..كامت تضحك علية..وجان يدخل..اي دخل بنص الحوش..وكفت اعاين عليه واملي عيوني منه..علياء تضحك..هههه
كالتله مرحبه اخوية..جبنه سيرة القط جانه ينط..مرتك هسة جانت..تشتم ريحتك..وادور عليهه بالحوش..
كمز من فرسه وجاني..فرحان..كالي..صدك زينة..رضيتي هسه..ترجعين وياي؟؟؟
كتلة..طلكني!!!!
اتفاجئ..وعلياء انصدمت..امي رجعت تركض..وابويه دخل..
بلال كالي..لا..انتي اتخبلتي..واني صبرت عليج هواي...غافلني وشالني على اجتافة..واني ابجي واضربه بايدي على ضهرة..عوفني...عوفني..وهوة يصيح..ما اريد واحد يحجي وياي..ولا يرجعني ..مرتي ..واريد اخذهه..
امي كالتله..على كيفك وليدي..الطفل ليصير بيه شي
رد وكاللهه..لا تخافين عرج ميطكه...
وركبني على حصانه..وطار وخلى بس الغبار والعجة وراه..واهلي فاتحين حلوكهم...ضاغط علية..باديه..الاثنين..حتى اتحلحل..ما مخليني..عس حصانه وطار..بيني وبينكم عجبتني الفكرة..طيرتله..عقلة..وفورت دمه.. ما كدرت املص روحي منه..هوة زاد الضغط علية..
كالي اكعدي..هادئه..وين تردين تنهزمين..تحملتج هواي..واتاني..تهدئين وترجعين لعقلج...وانتي باقية برايج..اني خليتج على هواج..ومو بكيفي..بس من توصل للطلاك..وراس امي اكتلج..واكتل روحي وراج..ولا اخليج تعيشين لحضه..بدوني..
كتلة اي هذا اللي يهمك.. نفسك واصدقائك..اني ما اهمك..
كالي ..يابنت الناس..الله يهديج..اني عاديت الناس ..كلهه علمودج..احوم يمج..ما اكدر اعوفج..ساكنه بعقلي..شبيج ليش ماتفهمين..دوري الشغله بعقلج هوة يكلج..ترة اني اموت بس اريد اكون قريب عليج..عقلج مقفل..مايفهم..انو انتي مالتي..مالتي واني حر..اول كلمتين سمعتيهم مني..من خطفتج..انتي الية..يعني محد اله حق يلمس شعرة من عندج..غير اموته..عرضي وعرضج..مو واحد..انتي عقلج طار..واريد ارجعه الج....ابقي هادئة حتى نوصل..وبعدين بيناتنه كلام هواي....
طار ..حصانه تخبل مثل صاحبه..وكام يركض اسرع من السريع..اني لبدت ساكته..الضاهر خلص صبره..كلت ..اي كافي اللي سويته بيه..وتردون الحك..اني اشتاقيت لحظنه..واديه اللي محوطني بيهن..بكل قوته....نبضات كلبه اللي بصدرة...مرغت ضهري على صدرة..ونسيت انو اني زعلانه..هوة رعش ..وكالي لا تتحركين..واكعدي راحه..الزمي روحج وخلينه نوصل سلامات..
اني ابتسمت..هههه ما يكدر يسيطر على روحه واني يمه..انفاسه..حارة بوجهي..وكامت تزيد واني لابدة وادلل..حسيت الدخان طالع من راسه..واذاناته..
حجيت وية روحي وكلت مو اني زينة بنت نجاة اذا ماعذبتك..وخليتك تركض وراية..
تذكرت امي..وريحتهه ..كلت خل اضوجه زايد..كتله..بلبل..(ادري بيه يتخبل من كلمه بلبل) اريد دهن العود..الريحه مالت امي..ريحتهه بخشمي..
كالي..اوكفي..ميت مرة كايلج ماصيحلي بلبل..بس بقى اشد وصلة اركصلج..كوولي..
كلتله ..اي والله خوش فكرة..اني اشدلك الوصلة وانته اركص..
الحصان اخذ بريك بالمكان..وشعراتي تكهربن..
كالي..استحي يامرة..اخر عمري اركص..
بوزت وسويت روحي ابجي..شكد اكيف من اشوفه ضاج..ما ادري ليش احس بالانتصار..كتله..حشاك..بس اني حامل ودا اتوحم..واخاف تطلع بالطفل..هههههه
كال..المهم..خلينه بدهن العود..اجيبه الج..وبيه البركة ..اشهي..ماكلنه شي بس بالمعقول..هذا عقاب مو مشتهى..صفن شويه وضحك..هههههه اتحزم واركص لمرتي...هههه..كتله شكو بيهه..كالي زينه سدي هل موظوع..
اني ساكته بس الضحكة بطارف حلكي..ضغط بصدرة علية..وعروكة..طلعت..كتله لساعك تطلب ثار بليبلتي...كالي وحك ربي انتي ثاري ومربع..
وصلنه..وداني على طول للدار مال بيت جده..اللي جنت بيهه كاعدة..نزل من حصانه ونزلني وياه..اخذني بحضنه واني اتملص منه..
كتلة..اوووووه عوف عاد..وصلت عوفني اريد امشي على رجلية..
كالي شلووون..زينتي تمشي عرجيلاتهه ..واني وين رايح..بله هذا حجي..والله ما تدخلين دارج الا واني شايلج بحضني..يبوووو شكد راسج كوية..دخلنة..واني باحضانه..الله شلون احساس..يمه كلبي..ليش ما نكدر نبقه هيج..دخلنه للحوش..مانزلني اخذني ع كول لغرفة النوم..
كتله نزلني هنا بالحوش..اني اروح امشي ترة اني ما معوقه..
كالي انتي معوقه بعقلج..وعقلج مقفل مايفتح..كتله ابقه هنا..ولا تدخل لغرفه النوم..
ابتسم وغمزلي..كالي خايفه.. هسه لو تصيحين لو تعيطين محد يسمعج..ماكو بس اني وياج..ومال انزلج من حضني ما انزلج..زاد بحضنته..كلت شلون اخلص نفسي..كتله ايييي بطني..الطفل...كالي..اسم الله عليج..والله ما جان قصدي..
زينتي سامحيني..كعدني ع الفراش..كلت ايه همزين نجحت المهمة..
كتله ..كلت سامحيني..متاكد..اثبت على كلامك..اهلهل لو عيب..
كعد على ركبه..وطبكهن..ولزم ايديناتي..وكالي..سامحيني زينة..والله نادم..ما اقصد اشك من خطفوج..جانت نار لاهبة تحرك بكلبي..رجل خاطفلي زينتي..شكله..وهوة يغمز بعيونه..وكل حجية كتلني وخلاني اتصور مد ايدة عليج..سامحيني..شي اقوة مني..انتي الروح..انتي..ساكنه جوة بكلبي..اليتعدى عليج معناهه تعدة عليه..ضايج اني لان ماكتلته بأيدي..
اديه تعصر بايدي..حط راسه بحجري ..دخت..يااااايمة..كلبي يرعش..مثل كصبه بالهوه..دمي كام يركض ركض بعروكي..حبيبي واني احبة..نسيت اني زعلانه منه..مسح وجعي كلة بكلامه..
كالي زينتي..ضي عيوني..كلبي احترك بابعادج..لا حنيتي ولا رحمتي كلبي..اجيج اتمنى نضرة من عيونج..تصدين علي..اتاني اسمع كلام منج.. يريح كلبي ..ما تحجين..اتاني تتقربين حتى اشتم ريتج وترد روحي..كلبج ولا حن عليه..ما تذكرتي كلمة حلوة كلتهه الج تشفعلي يمج..شكد قاسي كلبج..اذا اذيتج مرة انتي تاذيني الف مرة..زينتي..نافرتني وشاردة..شكيتي كلبي سويتيه نصين...حبيبه كلبي..زينتي..يا ماي العين..
قهرني..ودمعتي نزللت..حطيت ايدي على شعره..رفع راسه وعيونه تلمع..كتله...بلبل..
جان يفز عبالك لسعه زنبور..كال ..العن بلبل واللي جاب البلبل..اني بلبل..هااا شنو انتي تردين تخبليني..
اخذني الضحك لحد ما طلع من اذاني..وكفت وحضنته..اتنهد من نص كلبي..كتله احتاجيتك ياروح كلبي.. كلبي يريد يطلع من شوكي الك..ريحتك ملت الدار..ادور مثل الثوله..اتبع ريحتك بكل زاوية بالحوش ..عميت بغيابك..اجذب عليك واني امثل مرتاحه..والله احبك..
رجعت البسمه للعيون بلال..او وجهه نور..لمعت عيونه..وضحكته لعلعت..شالني.. وغطسنا بالحب....آ آ آ آ ه انعل ابو الحب وسنينه...طبينه جوة الغطة و.....للحكاية بقيه...
