#ثار الدم
#ليوثي المياحي
اعرف زينة عندج كل الحق اتزعلين مني..ترة اني والله تندمت..بس انتي زودتيهه هواي.. وحجيتي حجي ماجان لازم ينحجي..ويه امي وحجيهه..ضغطتو عليه اثنينكم..ولا احترمتوني ردت فعلي جتي بيج انتي ..زينة ترة اني احبج..اموت عليج..واذا غلطت مرة ..الرجال يغلط مرة وثنتين وثلاث..فوتيهه هل مرة..
كتله..من انهان ابداري وجدام امك..ومن انضرب راشدي واني ما غلطانه..فهاي صعبه عليه..وانته حجيت الحك..اذا تريدني افوت هلمرة..افوتهه..
بس من تحسسني..اني حاجه ما اللهه اي قيمه..من تخليني اندم اني عفت دارنا ولحكتك..وكتها ما افوتهه...وما اسامحك..
كالي شكد كلبج قاسي..الراشدي اللي ضربتة الج رديته لروحي اضعاف..بس ردت احس بألمج مرات..وجان يشك فانيلته ورماهه..صدرة جدامي..بعدة مدمه..واشم اسمي على كلبه..يا يمه بس يطير العقل ..يعني لان ضربني راشدي راح وتحمل الالم..والجرح..هذا شي محد يسويه بس الجبير...اباوعله..كلبي يكلي..امشي وداويله جرحه..ايدي نملت..ووما اكدر امدهه اله..عقلي يكلي..كافي ترخصين روحج..يجرح روحه حتى يقنعج..
- كالي باعي ..اسمج وشمته على كلبي.. على لحمي ودمي..الايد اللي انمدت عليج..عاقبتهه بوجع..اضعاف الراشدي بس حتى ترضين عليه..وانتي ما تمدين ايدج تمسحيلي جرحي..ولا تطيبينه أبووسه من شفايفج..ليش هوة هيج الحب..
اني خجلت من روحي..جنت اتمنى ارمي روحي بحضنه..صدرة اللي كتلني مجروح..باسمي..بس تكابرت وياه..وكتله..انته منو كالك روح اوشم اسمي على صدرك..يعني شنو تريد تبرر غلطك باسمي...لا تترجاني ولا اترجاك..تريد تقنعني بحجايتين..احمد ربك اني بقيت كاعدة بدارك وما رحت لاهلي..ابتسم وكالي..اعرف كلبج ماينطيج..ورجالي ميخلونج..واهلج موبحالج..هسه لان مشغولين بعرس علياء ومحمد اخوج..
اني عيوني فرحن ..كتله..اخذتو وربحتو زين الرجال..محمد رجال وراح يحبهه ويصونهه ويقدرهه ووحدة بوحدة..وضحكت ههههه..
اشرلي باصبعه..وكالي متبطلين.. انتي ماجوزين من سوالفج..
كتله وليش اجوز..اليجي من ايدك ربي يزيدك..خلي اخويه..يصير عريس ويتمتع برزقكم..وكمت اضحك..وشبعت ضحك..
تقربلي وجرني من ايدي..وعيونه تجدح نار..هوة الليله عريس..زين واني؟؟ لابسه ومتعطرة ومتمكيجه المن..غير اليه...
كتله..لا..لا..لا..حسابك غلط..اله احركك بدم بارد..اخليك اتشوف وماتمسني..بس حتى تتعلم..تحافظ على النعمه الي نطاك اياهه ربي..
كالي..والله مقدر النعمه زينه واحبهه لهل نعمه..بس النعمه مراضيه بيه..زين شاسوي حتى ترضين..ترة روحي ذابت ياعيني.. راد يلزمني كتله لا.. وخرت ايدة وكتله هاك مخدة ولحاف..وروح نام برة..
كالي ..والله..والله تحجين صدك..شنو اني عندج طرطور ..ما ابات الا بفراشي ومرتي بحضني ..
كتله لو تموت ما ابات بحضنك..
كالي لا تخبليني زينه خليلي شويه عقل اكمل بيهم هل ليله ع خير..انتي ماترضين الا اجوي هاي الايد اللي ضربتج..
جرجرني للمطبخ..وجاب السجينه..وشعل النار..وخله السجينه عل نار..واني اجر بروحي بالكوة..واحجي شتريد تسوي كافي بلا هبال..كالي اني مهبول بيج..من يوم اللي شفتج ..وانتي متريدين تفهمين..اتفرجي عليه واني اجوي بيهه..حتى تبرد نار كلبج..اني ممصدكه..وهوة يحجي ويحمي بالسجين..كلبي انهبط..وهوة يريد يخبلني...
اني اريد انهزم وهوة لازم ايدي..ولايد الاخرة لازم بيهه السجين..لحد ما احمرت صارت جمر..وكلبي تجمر وياهه..كتله..كافي بلال..كافي بلا لعب.. شنو تريد تجوي ايدك..كافي ..لا باوعلي ولا اهتم..للحجي مالي..وجهه مكوم..ويكلب بالسجينه..رد عليه..كالي شوفي..انتي مو تردين ابرد كلبج..اجوي ايدي عسى تسامحيني..تسامحيني لو اجوي..وهاي السجينه جدامج ..اتفرجي..اخذ السجينه..وحل ايدي..وقرب جفه..حتى يجويهه..وكبل ميخلهه على ايدة..ضربت ايدة وطيرتهه منه ع الكاع ...كتله حبيب كلبي خما انجويت وكمت ابجي واصرخ..ليش هيج..اني كتلك احرك روحك كلتلك دك وشم..ليش هيج..
كالي كل هذا بس اريدج ترضين..عليه وتنسين لحضه غلطت بيهه..انجوي واحرك روحي ..ولا اشوفج..بعيني واموت بكلبي..وكام يتقرب مني..واني اعزز بروحي..
كالي ابداري وعلى فراشي محمرة ومعطرة.ومحنايه..عيوني تريد تطلع عليهه وتكلي نام برة ..حبيبتي احرك روحي ولا اموت بحصرتي..
اني ضحكت... جويته..وجبته للغرفه..وكام يهمس بأذني..يابعد عمري..احلا ضحكة بالدنيه..ايد محاوطني بيهه..والاخرة يوخر شعري ورا اذني..كالي زينة قلبي..ترضين انام برة..انام محروم بدون دفو..ليش اني مو رجلج..هااا شكلتي...
كتله والله ما ادري شاكلك بلبل..
كالي. وج رجال شطولي شعرضي..وتكليلي بلبل..
بعد لا تعيدينهه..ثاني..وجان يتنهد..وشالني بحضنه..وبرد كلبي..مثل مابردت كلبه..(طفو الضوة..وكملو شغلتهم بالفراش) ...
الحفلة مالت علياء ومحمد..دخلو العروسه ودك وركص وهلاهل..وسفرة ممدودة على طول المعازيم..جتي الناس واكلت وشبعت...زفو العريس حتى يدخلوه على عروسته..والحفله برة.. طلق وهلاهل وصفكة وهوسه..ومبارك عرسك يالهيبه..وجبنالك برنو ماملعوب بسركيهه..دخل محمد على عروسته علياء..فتح الباب دخل وسدة وراه..علياء كاعدة ومكيجة ومحنايه ومعطرة .وباحلى صورة طالعه..بس جانت مرتبكه وترجف..لا حجت ولا اكلت ولا شربت..جانت خايفه من لحظه دخول محمد عليهه..خايفه..من لحظة خطفهه من دارهه وخلاهه علحصان..ولافهه بعبايته حتى محد يشوفهه..من الرجال..الي وياه..هوة كاللهه تطلعين وياي..معززة مكرمه..طلعهه ولفهه وشالهه على صدرة..ورجع بحصانه وهيه راكبه كدامه..كاللهه..باعي انتي بديرتي راح اخذج لداري..تصيرين مرتي..تعيشين معززة مكرمه..بقدرج وقيمتج..بالزين والشين..واذا كلتي لا..وكمتي..تعاندين.راح تشوفين مني وجه ثاني متحبينه..اخوج بدة واني الاكمل..جاوبته..علياء كالتله..اني اعرف راح يجي يوم لو اني لو اختي رجاء ..راح نكون الفديه..اني ماخايفه هذا مكتوب وانته محسوب ابن عمي..وعائلتك عائلتي..واهلي وديرتي..تريد تاخذني تعرس عليه.. اقبل بالرغم لا اني شايفتك ولا انته شايفني ..بس ميصير لا حنه ولا غير شي اني ماسويت شي...زينة جبناهه عروس مكمله..واني شبيه..
عجبه كلامهه..وكاللهه لا تتصورين اخلي شي ناقص انتي بنت عمي وبنت شيوخ..الحنه وكل توابعهه ..اتانيج بالديرة..
سكتت وما لكت حجي ترد بيه..مكيفه ..برحله عريس وعروسه علة الحصان..كاللهه شبيج سكتي..لسانج اكله البزون..راح تتونسين..يتانيج حفل وعرس وحنه وكل مراسيم الفرح..اني ما اريد اكل حقج انتي بنت عمي..وقدرج من قدرنه..واذا جان على المعرفه نتعرف على بعضنه..بعد جدامنه عمر بحاله..بس الليله ليله ..حضري روحج...
كملو ليله الدخله..وكل واحد صافن على اللي صار..وكلهه مكاتيب وقدرهه ربي ..جان ثار ونكلب عرس وعرايس...وللحكايه بقيه...
