اسوء لحظات القدر لمن تتعب تعب وتسوي خير وينقلب ضدك،،،
هند:ماما يعني يومية نفس الرزالة،
ماما، كافي ارحميني العصر امر اخذ ليث من يمچ،، هو ضوجج،
ام هند:لا ،، ماما هو ابنچ يضوج احد ملاك فدوة العينة،،
هند:لعد شنو،،،
ام هند:ماما ابنج الة حق عليج يعني متكعدين انتي وابنج احسكم اخوان مو ام وابنهة،،
هند: ياماما ياحبيبتي اني اريد ابني يصير رجالي اعتمد علي،،لهذا هيج اربي وانطي حرية ونتناقش ،لاگيتلج هيج ام مثلي،،
ام هند:والله خلف الله على ابنج هو ربى روحة بدون متتعبين بي ،،
هند:عاساس الفلبينيةالجابهة ابن اختچ هي ربت ابني لاتخليني هسةاجي اخذة وبعد متشوفو،،
ام هند:امداج،وامدى اليدگ عليج انتي مال واحد ينصحج گبر،،،
وسدت نبع الحنان تلفونها برزالة مرتبة،،
يعني اني راجعة بتكسي لان نسيت ماحاطة ماسكارا،يلةشنو دا انتظر من غير شي متاخرة،،وين المفتاح ياربي ضيعتة،،
فجاة شفت الباب الرئيسي انفتح،،،معقولة مفتوح بس اذكر اني سديتة قبل لااطلع بس الظاهر من الاستعجال ارد،،خل افوت واكعدعالكرسي وافرغ الجنطة ،،شنو ممخليةشي بميز تواليت ممخليتة بيهة،،
واني دا افكر طلعت المفتاح دا افتح هم باب الكيلدور مفتوح،شسالفة اني متاكدةقفلتهم معقولة هادي رجع للبيت لواني صدگ نسيت مقفلت،،يلةزين رجعت عمود اقفل البيبان،،ناسيتهم تنلام امي من ترزلني صدك اني لاابالي زين ماهاجم علينة حرامي،،،
فتت لغرفتي وگعدت ادور عالماسكارا،هياتچ،،
خل احط واطلع،،،
ايوةنحط فوك وتحت،،
اثناء ذلك سمعت اصوات يمكن متوهمة،،
لا،مو متوهمة هاي داخل بيتنا،،،
طلعت من غرفتي وبدا صوت يبين اكثر صوت رجال ومرة،،
لچ عيني بس وياچ احس روحي رجال،،من فدوة العينج اطيني بوسةمواحترگو عشيرتي،،
هاي شبيك هادي،شوي شوي اني ماحب واحد هيج مشدوه،ويلة بسرعةقابل بايكين بوگة،،
هادي:غير انتي متعرفين التحفة المزوجهة،ماطايقهة،مااحبهةلخاطر امي الله يرحمها ازوجتهة والا هي ماتسوة،،،
ظليت واگفة بالباب واستمع حچي وصوتين مامستوعب عقلي معقول هاي تهيئات،ردت ارجع خطوة واطلع ،،
بعدها الماسكارا باايدي،،،
واني داا اطلع انفتحت الباب وصوت الضحك بظهري،،
هذا الصوت اعرفة بس مااريد ادير وجهي واشوف شي عقلي مدايستوعبةمستحيل حقيقي،،
هادي:هندة،انتي هنا ،،،شرجعچ،،،
هند:غارت عيوني بالدموع غمضت عمود لاابين منكسرة،،
درت وجهي واشرتلةباايدي،،نسيت الماسكارا،،،
شنووووو،،،
يلا باي تاااخرت،،
هند،هند انتظري،،،
ركضت للشارع المو بعيد،،ركبت تكسي وبوجهي بيت اهلي،،ظليت ضاغطةعالماسكارا لما انكسرت باايدي من الغضب والتوتر ولاصت هدومي المتناصقة والي ظليت اربع ساعات افكر شاالبس،،
ياااا،انلاص البنطرون عفية شوفلي محل مفتح،،
تدللين،،
مسحت بنطروني چان لونة ثلجي ويا تيشرت ابيض وبيه نقشات شعري احمر احب الفة دائماعمود يطلع مرتب،،
فتت للمحل شفت بنطرون حلو لبستة وحطيت بنطروني بالعلاگةتحاسبت ورجعت للتكسي،،،سالني وين بالمنصور،،
وصلني للجامعة بلا زحمة،،،
رحت داومت وكملت يومي تلفوني رگع دك،،ماجاوبت،،،اخذت فرة بالمنصور اشتريت كم شغلة،وظليت مااعرف شااسوي بس لحد هاي اللحظة اني ممسوية ردة فعل،
دگت امي علية ،،،رفعتة،،
هااا،ماما،گتلج العصر اجي اخذ ليث،لازم كل خمس دقايق دگين طفلة اني،،،
ام هند:ولچ شبيچ رجلچ هنا،،
شنووو،هادي،،شعندة جاي،،،
شنو شعندة جاي اجة ياخذ ليث،،
گليلة هسة تجي هند اليوم ابات يمكم،،
هاي شنو ،انتي متعاركة ويا هادي،اني اعرف سوالفج،،
ماما،، ماما،، كااااافي، كليلة يروح واني اخابرة بعدين،،،
عندي سفرة بعد يومين،،
ولچ شنو سفر،،،
سديت التلفون واشتريت كم شغلة،،،
مكياج،،نظارات شمسية،،
اوووه حلوة،،،
ظليت افتر لحد ماخلصت فلوس العندي ورجعت بتكسي للبيت صحت امي،،
ماما،،ماما،،
فتت للبيت ،،صحت امي تحاسب التكسي،،
جان هادي گاعد بعدة ،،وليث گاعد ع الابتوب مالتة،،اول مشافني اجى حضني،،
هااا،ماماوين چنتي ،ظل بالي عليچ،،
هند:ماكو شي بعدين اگلك،
ظل هادي يباوع علية،يعرف اني ليث من چان صغير اعاملة كانو صديقي اخويةمرات احس بحنيتة حنية اب،واني كبرت داخلة هاي الصفة،
هادي: هند تعالي اريد احجي وياج،،
ليش شكو تحجي وياي،،
بس تعالي،،،
ماشي جاية،،
هند:ليوثي تفرج لما اجي اشتريت اشياء تخبل،،،
ليث:ذكرتيني،،
طبعا لعد شون،،،
هادي:هند يلة تعالي،،،
هند:نعم خيرك، كتلك رح ابقى بيت اهلي
احنا لازم نحچي،،،
ااجلها من ارجع من السفر،،،
يااسفر،،،
شو نسيت الدراسة مالتي اني صار 6اشهر اركض بيهة عمود اسافر،،،
انتي ماتريدين تعرفين الي صار اليوم لازم تفهمين،،
مو لازم،،انت واحد خسيس تعلمت عليك،بس الي مضوجني اني دخلت وحدة متستاهل وحسبتها صديقة وطلعت وحدة رخيصة،،
هادي:احنا مزوجين ،،،
هند:بالخير لايگين لبعض،،،
متريدين تعرفين من شوكت وليش،،
لا ،ميهمني ،كل بالي شهادتي وسفري،،
وابنچ،مو هامج،،
شبي ابني رح يبقى ويا ابو،،،
هادي:خلي يم امج،،
هند:امي مريضة وشهرين تروح لبنان ع اختهة،،
بعدين عندك زوجة اكيد هي تقيم بالبيت،،
انتي شون اااام،،،
لهذا اني زوجت عليج،،
انتي وحدة باردة مثل الثلج،لاابالي اكبر همچ طلعاتج ومشاويرج،
هند:اااي،
هادي:شبيچ،،،
كسرت اظفري يالله،،،
هادي :مصيرلج چارة،،
باعي هند،،اذا سافرتي انتي طالگ،،،،
ظليت اسمع كلماتة واحاول اشوفة اني مامهتمة،بالعكس ضوجتة ببرودي،وعدم اهتمامي،بصراحة محسيت هاي المشاعر الي يحسوه بهيچ مواقف يعني مبچيت،ولاصيحت مااعرف ليش،يمكن لان اعرف هادي عندي علاقات هواي،اسمع عنهة واغلس،يمكن لان كان عايفني ع راحتي،اطلع اتونس اسافر اشتري،،،هو مالة علاقة 11سنة مااختلفنا اي اختلاف،حتة اذا ردنا نسوي علاقة چان يخابرني ويگلي لاتتاخرين اليوم نتعشا بالبيت،اعرف هو رايد ،،،
حتة ليث اتفقنا وجبنا وين الخلل لعد،هو شايف حياتةوياية روتينيةومملة بس اني مستمتعة بيهة ماعندي اي مشكلة،المهم بالنهاية ع گولة امي انتي محصنة گدام العالم،خليني ارجع شوي واعرفكم ع شخصي الخنفشاري،،
اسمي هند عدنان الموسوي،لاتستغربون بابا سيد ،بس هو كلش وماعندة اي تشدد،سودة علية اتوفى واني عمري 10سنين ،نوبة قلبية ووفاه الاجل امي زوجة ثانية اصغر من ابوية ب17سنة،
عندي اخوة من ابوية ووالدتهم متوفية ،
كنا كل سنةنسافر سوريا عمود نشوفهم،
رغم الصعوبات بزمن صدام،بابا چان مقاول،
وع غفلة اتوفى وتركنا اني وامي،،
چنت المدلله مال امي وابوية شما ردت يسوولي،ابد محملوني مسوولية ،چانو دايما شايليهة عني ،،
لحد ماتكونت شخصيتي الي شايفيهة،
چنت اجيب هواي مشاكل لاامي واني صغيرة ،ومن كبرت زادت، لحد مااجة يوم خالتي خطبتني لاابنهة اي الله يسلمة هادي،اكبر مني بااربع اوثلاث سنوات،مااعرف وميهمني ،بس سمعت سيرة زواج مثل الهبلةكيفت بالهوسة والبدلة،،
واغور صديقاتي ازوجت،امي وافقت لان خافت عليةويمكن تعبت من مسووليتي،بالتالي تربية ابنية بمجتمعنا صعبة،،
اني من نوع اجتماعية ومرحةواحب الحياة،ماانكر هادي اول زواجنا چان فرحان ،يمكن حب شكلي شعري احمر وعيوني خضر،،
متوسطة طول ناعمة،وهبلة،واضحك دائما،واول ماازوجت چنت بالعطلة مال خامس ،وولدت ابني واني صف سادس،وظليت يم امي داريني،اصلا مفرقت شي اني عايشةويا امي بس مزوجة،بس ظلت روحي طفلة مع هذا امي علمتني الطبخ والبيت وترتيبة بس بيت ورجال وجهال،اني اعلن اني فاشلة،،،
ابني ليث هو صديقي وحبيبي واخويةومرات احس بحضنةحضنةابو دافي وربيتةمنذ نعومةاظافرةيكون هو ابوية،
وصار هو مسوول عني عمرة12سنة،لحد مصار عمرة سنة اني بيت اهلي،وهو يروح ويرجع عما خلصت سادس،
وهو چان يشتغل ويا ابويةيعني هو يشغل فلوس ابوية بعدة ،امي كلش تحبة ابن اختهاوهو قايم بكل شي،بدون ميگولنا،لهذا امي مداريتة واذا صارت مشكلة تذبهة براسي لان الخلل بية،اني لاابالي،مااهتم ولااسال،
اثق بالناس هواي واساعدهم ،ورشا صديقتي المقربة من ايام الكلية چانت متزوجة وعدها بنية وبعدين انفصلت نفس السبب،وچانت عدها مشاكل ويااهلهة ،وازمة مالية جنت دائما اساعدهة فلوس ملابس طلعات طبات كلة سوة جنت مااهتم المهم وياي ونس يسليني،وجنت دائما احجي ويا هادي بيهة وجنا مرات نطلع ونطب لحد مايوم سالتها عن بنتهة گالتلي ابوهة اخذهة سالتها السبب،مجاوبتني ،وحاولت تسد الموضوع ومن هبلي انقهرت عليهة،
بس بعدين شفتهة گامت تتهرب مني ،دايما موبايلها مشغول وهم من هبلي گلت هاي طايفة بالحب وناسيتني،
والتهيت بدراستي الجامعية خلصت ماجستير ،وچنت ناوية اسوي زمالة دراسية باامريكا بما انو اخواني هناك وجانت الدراسة هي تصنيع اللحوم ،والتهيت اكثر عمود اخلص اجراات السفر وبما انو هادي هالايام هاوي تجارة السيارات هواي قدمولة تسهيلات،
المهم مبقى غير شهر لحد ماتخاطبني الجامعة ،واسافر طبعاليوثي يم امي،
وبيوم كعدت متاخرة ،وركض ركض كملت وصلت ليث موبعيد عن اهلي ،واذكرت اني ماحاطة ماسكارا نزلت نص الطريق ورجعت للبيت واكتشفت خيانةصديقتي وزوجي،وماعرفت شون اصرف،
المهم ،
اذا سافرتي هسة تحرمين علية،
هند:خليك صريح،اني سافرت ما سافرت انت تريد تنفصل عني، فلهذا ليش تلف وتدور ،بالخير عليك زواجتك من 6اشهر مو،
منو گلج،،
صح هبلة وعلى نياتي،بس اعرف اشتم ريحة الخيانة واحنامو راهمين لبعض لهذا شكو باقين ،اني اريد اطلگ،خلاص حلفتواني حچزت ع باجر مسافرة،،
ولاتخاف ع شغلك ،مالة علاقة بزواجنا انت دتشتغل وتاخذ اتعابك،،
هادي:انتي شنو ثلج ماعندج احساس لج اني جبت وحدة بيتچ،،
صحيح،انت نذل وهي رخيصة بصراحةلايگين ع بعض،،
