دائما بحياتنا تطورات سريعة منحسب الهة حساب واسلوب حياتنا الي چنا ماشين علي لابد ويجي ظرف عاصف يغيرة عن مسارة واكيد القدر اله حكمة وراء كل انحراف بنمط حياتنا قبل سنة ونص من اليوووم، چنت وحدة حدود تفكيرهة طلعة ونسة ملابس شرة، سوالف تافهة ، هذا نمط حياة عشتة ، 30سنة كل هاي المدة مفكرت انو حياتي غلط ولا لازم اغير بيهة، واجة ذاك اليوم وهم مچنت اعرف رح اطلع عن نمط حياتي المخربطة ، اليوم اني احس روح جديدة انولدت داخلي شخصية خلقتها الضرووف والحاجة والاهم روح التحدي ، الي خلتني اكون الانسانة الشايفيهة ، مچنت اتخيل عمري رح ابچي وانقهر، ولا ضروريات الحياة مهمة بالنسبة الي ولا افكر باچر شون اعيش، چان لازم موثر خارجي يحرف حياتي عن مسارها يمكن شوفوني مخبلة بس اني مدينة بالدرجة الاولى لهادي ورشا بهالتغير...
خلتني اخذ اول خطوة بدون مياثر علية احد، عبالي من اوصل هنا كل شي حلو وسهل بس اكتشفت انو كل شي الة ثمن، الحرية الهة ثمن وتعيش برفاهية الهة ثمن كل شي هنا اخذ وعطا ، جگد ماتشتغل تعيش اسعد وترتاح اكثر نصيحة طبعا لكل من يفكر بالاغتراب، الحياة هنا صعبة ، بس تعرفون اهم شي عرفتة بالغربة انو تكشف معادن الناس على حقيقتهة.
هنا ماكو عواطف، بس بنص هذا التعب العشتة عرفت الگة نفسي واشوف شخصيتي احس بتعب امي ، افتقد احساس الامومة الي ماعشتة ويا ابني ، تعرفون ليش لان ماتحملت مسوولية، امي شالتها عني من واني باللفة وعشت كل مراحل حياتي واني مو فاهمة منهة شي هي جانت عقلي وحواسي وگلبي ، حتة ام بديلة لاابني، معلمتني غير الطبخ والتنظيف وهذني لان احبهم تعلمتهم، اليوم واني گاعدة اكلب ذكرياتي بهذا المطار هنا ولدت هند جديدة، هنا چان مصطفى ينتظرني وعلامات الدهشة والذهول اول مرة شافني هنا رسمت احلام طرت بيهة فوگ السحاب، بس مو كل رسمة نرسمهة صارت واقع اكو احلام مكتوبلهة تبقى على ورق ، ومتكتمل بس اكيد اكو اشياء اجمل تنولد وتبينلنة طيبة اخ وتعب ام ومعزة ضنا ، يحيا مخبوص بالعرس والتجهيزات وخالتي ام يحيا دتاخذ عمام يحيى عمود يشوفون عمامي ويتفقون وياهم واني اشبع باابني وامي، ظليت افكر شون وصلت لهالمرحلة بحياتي شون اگدر اكمل،
احس راسي مليان افكار ومشوش وصلنا يحيى وظل بنفسي اشوف مصطفى يمكن بعد مااشوفة، بس مااريد احچي شي قبل اوانة ، مشفتة من ساعة اخر عركةبينا،ولاگدرت افتح دفترة لان مصار عندي مجال بنص هاي الهوسةاخوتي لازم يرتبون امورهم عمود يحضرون العرس بااسطنبول، الله يسهل
وصلنا اني وخالتي مطار الدوحةودننتظر الطيارةلبغدادالسفرةمتعبة كلش...
هند:هااا..خالة تعبتي..
ام يحيى:لا..يمة غير اني انخض بالطيارةهسة احنا وصلنا قطر ماكو سيارات تودينةالا طيارة..
هند:خالة ساعة زمان تلاكينا بغداد..
خابرت عمار ابن عمي يجي ياخذنا عمي موسى يگول شوكت ميوصلون غدة عشى يمنا يكون عيب..
ام يحي:لا يمة اروح بيت اختي ارتاح واخابر ع عمام يحيى عمود يشوفون عمامج ونتفق بسرعة .
لماتخلص الاجراات الله يسهلنا..
بس خالة مو عمي حلفني..
والله مااگدر وابن خالتة ليحيى يجي ياخذني ونظل ع تواصل...
خالة وين ياخذج؟
اگلج هند صح كرايب خما اگلج كل خطواتي...
هند:خالة ياخطوات، بس يحيى وصاني ..
ام يحيى : لاتخافين..اني اجيب عمام يحيى ونتشاوف بيت عمچ..
