مااعرف ليش واني البس الفستان حسيت بمشاعر غريبة.مشاعر وحدة تلبس فستان عرسهة..
حضرت نفسي.ولفيت شعري.واستعديت لتمثيلية كلش حابتهة.وهي انو امثل كوني حبيبة مصطفى..
وهذا الدور احبة جدا.بس خايفة يكون واقع ويخرب كل شي بينا..
ظل يتصل بية كل شوي..
واني اباوع واضحك علي اعرفة متوتر..
مصطفى: بلة. هاي صدگ تحچي.. صار ساعة انتظر..
هند:دزيت مسج لمصطفى.
دقايق ونازلة..
مصطفى:دقايق.دقايق.بس نزلي..
هند: ماااشي..جايتك..
اخر لمحة ..باوعت بروحي وفرحت..
واخيرا رجعت اني...
حسيت واني امشي بالممر.كآني اميرة وموسيقى بااذني.وناس الحوالية مذهولة بشكلي.هذا حقيقي شفت ناس هواي انعجبوبية وابتسمولي..
باوعت من فوگ الدرج مصطفى واگف ولابس قاطة الاسود..وحاط ايدة بجيوبة.وباين علي التوتر...
اخذت نفس عميق ونزلت..
مصطفى: جنت صافن بالساعة انتظر هند تجي...
وفجاة .نزل الگمر من فوگ...وكل خطوةدگ بگلبي الف دگة...
اخ..يابة گلبي وجعني...واني صافن بهالجمال الي هجم على گلبي بدون استئذان...
هند: يعني اذا وگعت شاادعيلك مصطفى.جايبلي فستان ذيلة بطولي وكل شوي اتعثر بي .بعدين انت ليش كل شوية دگ..
شبيك..بيك شي..
مصطفى: اش..اش..خربتي كل اللوحة..
هند:يالوحة..ورايا..وين قصدك...اشرتلة باايدية..مصطفى.مصطفى ..
ولچ كافي بطلي اسلوب الدلالات .. لاتخربين هذاالجمال..
هند: صددگ عجبك فستاني..
هو بس الفستان.وصاحبة الفستان..كلج روعة..
فجاة ..بين لحظات الاعجاب راسا تبين علامات الخجل على هند وتورد خدودهة..
مصطفى:ميصير احد يبدي اعجابة..
شكرا..كلك ذوق..
يلا..مدام روووح..
اوكي يلا..
وصلنا ...چانت المراسيم خلصانة..
والعرس چان بيت روزاليس..
فتنا اني ومصطفى وجانت الحفلة في بدايتها..حلوة موسيقى اسبانية وكل الاجواء مكسيكية جدا.
حيل حماسية...ودخل العروسين والكل صفق الهم..باين على مريم الفرح وروزاليس هم..
هنيناهم..ومريم گالتلي انت التالية احرصي على التقاط الباقة..
ابتسمتلهة .ومصطفى گال اني.التقطها..لان هند قصيرة..
مرت ساعات..وگفت بركن وظليت اتذكر اللحظات الي زوجت بيهة..چنت صغيرةحيل ومچنت اعرف يعني شنو زواج ومسوولية..اني بس فرحت بالطرحةوالمكياج وعبالي رح اخلص من تحكمات امي..
بس زدت لروحي اضافة خلت امي تتحكم اكثر..
ماعرف ليش بلحظات الي لازم اكون فرحانة.اريد ابچي..يمكن اني مريضة..
مصطفى:هالحلو بيش صافن...
ولاشي..دا اتفرج عالعرس والناس الي مااعرف احد منهم..بس انت ماشاءالله تعرف الكل.
عدنا الي يطلق مرة يطلگ العشيرة مالتها كلها..بس انت ماشاءالله على تواصل ويا الكل..
ضجتي...
ع شنو اضوج اني اعرف هيج رح يصير..
ليش ازعل..
شو انتي مودج يتغير بالثواني..
هند: ليش شفت...
انتي ..ساعة احس طاقة الدنيا كلها بيج..
وساعةاحسچ مكتئبة وضايجة شبيج..هند..
مابية..مصطفى. بس ضجت شوي..
تعالي..
وين...تعاي اغيرلج مودج...
هند:مصطفى انتظر....
ظلينا نرگص على انغام الموسيقى..
السعادةچانت مرسومة.على وجهي ووجهة..
اجى يمي گالي تجين نهرب..
هند: هاااا....
تعالي هند نهرب اني وياچ..وروح .
هند:بس مصطفى.الناس..
بس تعالي...
تونا .دنطلع..ولزمتنا مريم تريد مصطفى..
مصطفى..مصطفى..
هااا خيرج مريم...مبرووك..
يلا باي..
لحظةمصطفى..اريدك بكلمتين على انفراد..
مريم..يمعودةستري علينا من روزي..لايصيرعصبي ويتهور..
ههه.مضحك..على فكرة..
اني وروزاليس رح نروح لااهلة سفرة.ومااگدر اخذ ادم ويايا.لهذا رح يبقى يمك ..
وامچ..
امي رح تروح ويانا....
اهااااا.
هند: حسيت كانو قصتي دتنعاد ويا مصطفى..والي دتسوي مريم نفس الي سويتةويا هادي..
مصطفى: بس انتي مگلتيلي..على ادم..
واني عندي التزامات لازم ارتبهم ..
مريم: اكو بيبي سيتر واذا حاب بقيهة يم صديقتك..شكلها ..هواي تحب الاطفال..
مريم ..تعالي ويايا لازم نحجي..
هند: مصطفى چان ضايج ومتعصب لان مريم فاجاتة.وهو مو حمل المفاجاة .كل الرياجيل وين مجانو ميتحملون مسوولية طفل براسهم..وتلاگيهم هم الدنيا اجة ع راسهم اذا بقيتي طفل ساعة من الزمن..
هناك وسط افكاري الي سرحت بيها اجتي اقارب مريم وگفت يمي.
هلووو...
هند: شفتج واگفة وحددج گلت اكيد محتاجة رفقة .
شكرا الچ.صحيح، چنت على وشك اروح ومريم رادت مصطفى ...
اوه،مصطفى مخادع كبير،وكسر قلب مريم ،هو يحب ينوع هو ويا مريم.مخلا وحدة بعائلتنا مارافقهة دتشوفين ذيج البنية اسمهاليلى صديقة ابن العم ديفيد كان ختام علاقاته ويا العائلة لحد ماطلبت مريم الطلاق منة. وايضا سارة كان الة وياهة مغامرات لاتعد...
لذا انتبهي ولاتسلمي قلبك ليكسره..
اوووه، انا اسفة لم اقصد ان اجرحك هل تحبينه..
فجاة تعابير وجهي تغيرت.حسيت داخلي شي تغير..
في داخلي انكسر...
ولمن احس بالانكسار اهرب وهذا الي سويتة..هربت من الحفلة رجعت للفندق لميت هدومي ..وسافرت لدالاس..
حسيت دموعي نزلو بدون مااسيطر عليهم..خبآتهم تحت النظارات..
وغلقت تلفوني...وسافرت..
مصطفى: اول ماطلعت من عد مريم دورت على هند ملگيتهة..
سالت عليها گالولي اخر شي شافوها ويا ليليان..واعرف هي السبب ورا طلعت هند لگيت روحي دا اتعارك وياها..
وسويتلهم هوسة مرتبة بالعرس.روزاليس ثار .وحب يكبر الامور بس مريم بالاخير طلبت مني اطلع وارجع بعدين اخذ ادم..
رجعت للفندق لكيتهة غالقة حسابها وطالعة.
هند:رجعت للبيت مچان احد موجود بچيت وظليت الوم روحي..لان مغفلة..والكل يستغفلني..
