قد اكون تلك الانسانة الامبالية تلك الفتاة التي نسجت من خيوط خيالها الواسع لوحة عن الحياة التي كانت تتمناها ولكن سرعان مااكتشفت ان تلك الخيطان قد نسجت من شخص ادارها ورسم الرسمة التي اراداها لها.هناك ناس ولدو ليغيرو اقدارهم وناس اخرون ولدو كي يدار القدر عليهم، اعلم اني لست جبانة لست خائفة لكن غير قادرة ان اواجه غير قادرة ان اغير مصيري، انا لم اختار ان ادرس ومع ذلك درست ووصلت مااختاريت اتزوج ولگيت روحي بطرحة ومكياج وچنت مقتنعة اني فرحانة مااختاريت اكون ام مع ذلك حملت وجربت ساعات الولادة الموجعة انا لم اختار ان يخوني زوجي واضع صديقتي المقربة امام زوجي المولع بااشباع رغباته، التي لم يختار افراغها بزوجتة الشرعية واختار طريق متعرج اختار يجرحني بيت الزوجية، هذا الشي دمر كياني وخلاني بدون ثقة بنفسي خايفة اثق بااحد ويخوني ويخدعني ويحطم الطابوگتين الي بنيتهم بشق الانفس، الكل حوالية اخذو قرارات بحياتهم، هادي ورشا وامي حتى ليث اختار يكون الابن العاقل اني مااگدر افرض علي شي هو اختار واخذ، وبعد كل هذا الدمار بداخلي الي محد حس بي غيري داريتة جوا ابتسامتي الكاذبة والاابالي الي يتهمني الكل بي، وهم ميعرفون اني گاعد اشتعل من جوا ومحد يگدر يطفيني رغم هذا حسيت انو حبي المصطفى رح يغيرني ويغير الي بداخلي اني چنت محطمة وهو رممني وگفني على حيلي فهمني شنو الحياة
بس خطات لمن حبيتة ، واني اعرف انو شخص عندة علاقات چنت اسمع من علي عن علاقاتة الي لاتعد ولاتحصى اصلا مريم جتي بالغلط هو چان يحب بنت عمهة ومن شافهة اندار عليها.
شلون اني بعد كل هذا اضعف واسلمة روحي واني اعرف رح يجي يوم ويخوني ويجرحني صح هادي ماحسيت بااهانتة الي ولا حسيت روحي مجروحة اعرف شعور متناقض بس اني ماحبيتة الهادي ولايوم هو حسسني انو يحبني زواجنا كان زواج مصلحة، بس حبي لمصطفى چان شمعة اشتعلت بحبنا احنا الاثنين بس اني مااگدر اعيش ويا شخص مثلي.
نفس اخطائي، نفس فشلي، نفس ضرووف العشت بيهة ابو مصطفى قاضي واختة مستشارة وامه چانت محامية وهو الفاشل الوحيد بالعائلة بسبب الدلال الزايد والاابالي منة، مااتصور شون نكون عائلة ومانفشل اني تاركة ابني وبيناتنة قارات ومصطفى تارك ابنة ويا زوجتة المسيحية وزوجها ويتامل يكون طفل مثل ابو تناقضات هواية عايشينها بس ليش ماشفتهة من اول ليش هسة ركزت..
عرفت تركيزي هو وعي مني اني گمت اقيس الامور بعقلي بدل قلبي اني ماعدت ذيج البنية الي ماتهتم للامور ولاتقدرهة لذلك ابتعدت عمود ماانجرح عمود مااربي ولد مو ابني واني تاركة ابني الي من دمي ولحمي باايد وحدة غريبة، هاي الفترة چنت كل يوم ارجع اشبع بچي وانام مچنت گادرة اكون طبيعية حاولت التهي بالشغل وهم مچان مهرب من الي اني بي بس اشوف اثنين سوا او اشوف طلب زواج اذكر اني ومصطفى چنا گاعدين والناس مصدگة انخطبنا وتعصرني الدمعة واطلع عمود لايشوفوهة الناس، چان دائما وجهي مبتسم ومتفاءلة هسة احس ماكو فائدة من ابتسامتي حاسة اول مرة بالخسارة، چنت دائما اتصنع غيابي بالبيت اذا مصطفى اجة احاول اغير طريقي اذا شفتة صدفة جكد حاول يواجهني ماخليتة ودائما چنت اتهرب منة اليوم يحيى عازمنة على غدا بيتهم جنا دايما نطلع اني وشذى اختة بيناتنا تلفونات بس مو ذيج العلاقة القوية اليوم تفاجات وام يحيى تراقبني وتراقب تصرفاتي وتشوفني اصلح زوجة لاابنهة لو لا خصوصا هو مامزوج واني مطلقة مبين مچانت راضية بس مطلقة ولايزوج وحدة امريكية حايرة شمسوية هذا الحسيتة ومچنت مرتاحتلة..بس شفت فرحة اخواني ويحيا خوش ولد وهو مهندس وگد حالة.ومسوول عن امة واختة، هذا الشي شوي نادر تلگي يمنا.المهم طلعنا كانو موافقة مبدئية من جهة اهل يحيى رجعت للبيت كالمعتاد ابچي وانام ومااعرف ليش وشكو، اخواني يعرفون يحيى رايدني بس ماحاجي..
اهرب من كل هذا واحچي ويا ليث ديسولفلي عن ابو وفرحتة بالطفلة الجديدة وشون صالح رشا، ومااعرف ليش ضجت مااني سلمتة الهة لهذا اختاريت انعزل عن الكل .واختاريت اسكت ومااحچي اخواني لاحظو هالشي بس ميعرفون شنو السبب، بس حارو شسوو عمود يطلعوني من الحالة الي اني بيهة، فهمتهم اني مشتاقة لاابني وضجت من سمعت هادي رح تجي بنية،
وهم شبه اقتنعو،
ظليت احاول اتهرب من مصطفى من جهة ويحيى من جهة ثانية.
بيوم واني بالبيت وحدي.اندگت الباب وچانت الدگة قوية گمت داا افتح، چان مصطفى، تفاجات بي..
مصطفى..هاا، خير ،،،
هند دخيلچ ابني مصخن ومااعرف شبي، وعندي مناوبة شغل، بعد ساعة
هند:ياشغل هذا اهم من ابنك هسة ينشمر، صدگ لاابالي جيبة الولد حاير شملبسة.
لگيت روحي ااعنف مصطفى على اهمالة واذكر رزالة امي لمن چان ليث يتمرض لازم اضرب التخم وابدل يلا اودي لاامي تحير بي يداخل صوت مصطفى والذكريات داخلي وحچي امي.
هسة شنسويلة...
هند:اذكر ليث من چان يتمرض ويصخن امي تنزعه ملابسة، وتغسلة بمي دافي عمود تنزل الحرارة،
مصطفى نزعه ملابسة.
چنت انزعة اني ومصطفى ولازم ايديناتنة تتلامس وكل شوي عيونة تتلاقى،
هند:رح افتح المي يلا تعال جيبة..
مصطفى:هسة يگوم يبچي..
هند :جيبة، تعال حبيبي هسة تنزل حرارتك.
رووح جيبلة تحاميل خافض حرارة،
عندي بالشقة هسة اروح اجيبهم واجي بس خاف يغرق.
هند:لاتخاف اعرف اسبح واطلعة..
اسف هند من الخضة هيج احجي،
هه، ديلة رووح بين مااخلصلة حمامة،
مااشي، جاي بسرعة،
اخذ المفاتيح وياك خاف اني بالحمام مااگدر افتحلك.
ماااشي،
مااشي..دقايق وجاي...
هند:حسيت وابن مصطفى بحضني واني گاعد اغسلة واحاول انزل حرارتة اني ضيعت كوم لحظات چان لازم اعيشها ويا ابني، چان اعيش هالخوف والارتباك خاف يصير بي شي چانت امي حايرة بكل شي،،
وتعبت هي بتربية ابني مو اني .
بس طلعتة من الحمام وبدلتلة، ملابسة الخفيفة. ارتاح ونام، جان لازم ارفع السماعة على امي الي انقطعت عنها صار فترة طويلة...
هند:الووو...
ام هند:الوو.منو،،،
هاي اني ماما.
اخ منج يالبذاتة ولج شتكولين ربج وانتي مرافعة سماعة على امچ..ولج لو مربية بزوو،،،
هند:ماما، اني احبچ...
شنووو.
احبج ماما احبج هواي واعرف تعبتج هواي بتربيتج لاابني اني كلش ممتنة الچ ماماتي لو اشكرچ منا نهاية عمري مااوفيچ دلالج الي ورعايتج باابني.شكرا ماماتي على كل لحظة سهرتيها بدالي.وخففتي عني خوفي وقلقي مااعرف شااگلج اگثر..
ام هند:بيچ شي ماما..انتي زينة مرتاحة..
مالگيت روحي الادموعي على خدي واخذ نفس من غصاتي المنقطعة..
شغلت بالها لاامي.وهي تسالني..
ولچ هند،،، ماماتي بيچ شي محتاجة يووومة گولي لا تكسرين گلبي عليج..
مسحت دموعي..لايظل بالج ماما.اني حيل مشتاقتلج كلش ماما ومشتاقة لحضنج..
هي غير تگلي شبيهة، اخوانج مضوجيج،
لا، ماما، سمعت اغنية وتاثرت بيهة،،
يااا، صدگ تحچين اغنية وتاثرت بيها،،
اي ماما كلش،
من فدوة للرحمن الي يخلي اغنية تخلي هنيدة تحس باامهة...
صح قبل فترةسمعت اغنية عراقيةبس هسةواني احچي وياامي ذكرتهاوترن بااذني..
دير بالك على امك يالبعدها وياك
ومو فوك الظهر على الراس خليها
دنيا بلايا ام ما تسوه بيهه نعيش
شلي بهيج دنيا وامي ما بيها
يم كلب ينضح محنة ... ويم سوالف دافية
ويم دمع يجري على كلشي ... الجنة حدرج خافية
الدنيا لو ما نور وجهج ... عندي ظلمة وطافية
يمه مدغوشة النوايا ... وانت نيتج صافية
الخبزة من ايدج لذيذة ... وبيهه كل العافية
يمه من كون نتمرض ... لزمت ايدج كافية
اتغربت يا يمه بعدج ... بالغرب شفت العجايب
صبت الدنيا على راسي ... اشكال واصناف المصايب
علمتني الغربة يمة ... الماله ام بالكون سايب
علمتني الغربة يمة ... الماله ام ماله حبايب
زاد امك ما تطبخه ... طابخه بجدر النوايب
وبيوت ما بيهه امهات ... بيوت مهجومة وخرايب
تــــــلالـــــــي
الدهر جر هرش من كلبي تلالي
وغابت نجمتي الجانت تلالي
ذكرت امي وعلي جانت تلالي
دللووووول يالولد لالت عليه
ظلينااثنينةنبچي وختمتهةبرضى امي علية،رغم قسوتها عليةواني صغيرة بس اتمنى هاللحظة ارجع بحضن امي وشتريدتسوي خ تسوي،گطعت التلفون وجان مصطفى واگف ينتظر..اكمل مكالمتي..
مصطفى،هاي انت من يمتة واگف ،من ساعة ماسمعتي امج الاغنية، ذكرتيني باامي الله يرحمهة،
الله يرحمهة، شكلة ادم نام،،،
هند:موگتلك يرتاح والسخونةخفت ،اذا تريد بقي يمي وروح، اني باقية للصبح وياا،اصلاشبعت نوم من الظهر ليهسة،
مصطفى:بس شكلچ تعبانة وعيونج غايرة..
هند،ممكن اعرف شنو المضوجج مو چنتي تحچيلي كل شي شنو تغير..
چان قريب مني .. حسيت روحي رح اضعف،
هند:انت رح تتاخر ع شغلك مصطفى لايظل بالك على ادم رح اهتم بي،
مصطفى:شكرا الج.مچنت اعرف شسوي ووين اروح،لگيت روحي باب شقتكم،
زين سويت..يلاروح لاتتاخر،
بدون سابق انذار لگيتةحاضني،
هند..انتي لازم تسمعيني،اني محتاجج..
مصطفى..يلاروووح تاخرت ..
يعني صالحتيني..
يعني يمتةزاعلتك حتى اصالحك ..
لعد ،ليش تتهربين مني..
اني متهربة من العالم كلة مو بس منك مصطفى..
لعد اجيبلج شي وياي،،
حلاوةالصلحة...
شوف هذا..داااكلك مو زعلانة ليش زعلني بالگوة...
كرصني من خدي وراح....يلا تصبحين على خير...
وانت من اهلة...
هند:حسيت شويةارتياح..
بعد.ماحجيت وياا مي ومصطفى ،كل مااغمض عيني اتذكر حضنتةوعطرة بعد بخشمي..ماراح...
ثاني يوم الصبح گعدت ع صوت ادم جوعان..
جربت كل شي انطي ميقبل ..يريد حليب بالفراولة، نزلت اني ويا تمشينا للسوبرماركت اشتريتلة،ومرينا محل فطاير اخذنا ورجعنا للبيت..وبالطريق شفت يحيا الي عرض يوصلنا وبالطريق حچالي عن طلبة الي قدمة الي ، وهو سال وهو جاوب انتي متريديني لان تحبين مصطفى، اني شفتة طالع من بيتكم بالليل..
للقصة بقية...
🌺🌺🌺🌺🌺🌺🌺
لاتنسون تعلقولي عالبارت ولاتنسون التصويت حبايب فضلا وليس امرا
تحياتي..
نازك الملائكة..
