هند:نزلني دااا اگلك فضحتني انت..
مصطفى:ولج كافي ترفس شنو انتي
يلا نزلتج..
تعاااي وين رايحة هندد..
شتريد عوفني بحالي مالك علاقة بية.
واذا شفتني بشارع امشي بشارع ثاني..
هندد..انتظري ولچ انتظري..
هند.وبين نظرات عيونة الي كلها حب عرفت رح يعترفلي وتولد داخلي خوف من الي رح يگولة رغم لهفتي اسمعه..
هند..اني احبج..احبج ياغبية وكل الي سويتة لان احبج..ميت بيج اني ، انتي احلى شي صار الي..
هند.سمعتيني شگلتلج..اني احبچ احبج هاي ليش ايدج باردة..
هند:دائما بااحلى لحظة بحياتي وباللحظة الي عشت عمري كلة اسمعهة لگيت رجلي ترجع ورا وعيوني الي تطلع ملامح مصطفى وهو يعترفلي بحبة.وماشفت روحي الا اركض بعيد عنة مااعرف ليش..
اني ليش هيچ ، ليش لحظات السعادة اهرب منها اني گضيت عمري كلة هربانة..
هربانة من طفولة مسروقة باليتم ومشاكل الورث وعمامي وامي وخوالي ومراهقة اندفنت بزواج ممتكافي ومابي اي روح وهربت من مسوولية تربية ابني ورعايتة.هربت من فشل زواجي وخيانتة الي .كلها اني يمكن انطي روحي حق ، بس ليش اهرب من الحب وهو يطرق ابوابي ويصحي بية مشاعر وحياة معشتهة قبل ، ليش، جنت اركض واسال روحي ليش، وليش، لحد مدا اعبر شارع واني شاردة وفجاة ردت اصطدم بسيارة.لااخر لحظة وراها اعتذرت وكملت طريقي..
ساعة عشرة مساءا الشوارع شبه فارغة متشوف غير بنات الليل والسكارى بالشارع، مااعرف هو اني ليش بعدني بالشارع..
وماخفت !
واني امشي سمعت صوت يناديني.جان بالصدفة يحيا ديمشي بالشارع وراجع من شغلة ولمحني..
هند..هند..
التفتت كاني مچنت شايفة ولاحاسة بشي..
نزل يحيا من السيارة وركض بااتجاهي هند ياهند،،،،
طخني باايدي وصاحني شبيج هند،،،
محسيت ع روحي واني منهارة من البجي،،
صعدت بسيارة يحيى وظليت ابجي ومااعرف شنو سبب هاي الثورة الهستيرية.
يمكن ،، نتيجة تراكمات بحياتي ماحليتهة وخليتهة معلقة لحد مااجة مصطفى بااعترافة وذكرني بكم خطوة مشيتهة بس ماسديت الباب ورايا..
رغم استقريت باامريكا بس داخلي اريد ارجع لحياتي ،
رغم تركت ابني بقناعة وماهمني لامشاعر ولاغيرة .
وهسة ميتة شوگ الة وحاسة جگد مقصرة ويا،،
نسيت امي المريضة وانانيتي نستني جگد تعبت وياي لحد هذا العمر رغم قسوتها علية.بس مااگدر اعيش برة دائرتهة..
اني متناقضة صح..مريضة يمكن،،
جبانة مااگدر اعيش ،،، رغم مامبين علية،
هاا يحيى ليش تباوع علية هيج..
يحيى:والله مصدوم بكوم الشخصيات الي عايشة جواج..
هند: صحيح مخبلة...
يحيى :اول شي خابري اخوتج اكيد قلقانين عليج..
هند :يووو. ذكرتني نسيت جنطتي يم صديقتي..
ياصديقة...
رح اخابرهم اني اطمنهم...
حسن:هااا...يحيى ميخالف اخابرك بعدين..
اكيد ددورون ع هند..
شمدريك...
جانت يمنا...
رادت تندعم وبس مذكرة رقم شذى ومخابرين عليها..
ونسينا من الخضة نخبركم،،،
لايظل بالكم هسة جايبهة وجاي شوي مصدوومة...
يلة مع السلامة...
مع السلامة...
هند:شكرااا...
لحظة اخابر شذى....
الووو... اگلج شذى خاف يسالوج ع هند كليلهم جانت يمنا....ووصي امي هم هسة جاي بس اوصلهة وارجع افهمكم يلا مع السلامة...
مع السلامة..
هند:شكرا يحيى...ممنونتك اني...
خليتك تجذب.بس شون عرفت مصطفى مكاللهم لااخواني...
يحيا:لان اعرف مصطفى...
انت چذبت...بس اني شون اچذب عليهم راسا انفضح..
اذا عزمتچ تقبلين عزيمتي...
هند :هااا....
شكو تعالي يحتاجلج وقت عمود تهدئ اعصابج..
هذا كوفي شوب زين مفتح لحد هسة تعالي...
اي..گليلي شصار..
مصار شي...
شنو..مصار مصطفى شگالج وخلاج بهالحالة قل ادبة وياج..
لاااا، اوگف شمدريك مصطفى..
انتي گتيلي..
صدددگ..
جگد ثولةاني...
يحيى :تعرفين احلى شي بيچ تلقائيتج هاي .
حكيت راسي من الاحراج..مااعرف دائما اخرب كل شي..
المهم، شبي مصطفى،،،
يحيى،انت استحي مااعرف شآكلك انت...
اعترفلج بحبة..
هااااا....
شبيچ لمن چنا سوا سالني اذاوافقتي ع خطوبتي او لا...
وجاوبتةلا..وهو انگلب الوانة كلها وراد يحفر حفرة ينام بيها ...
بس شكلة بوجهة الچ راح..
يحييييا،اني اعتذر منك هذا الموضوع يمكن يجرحك شوي...
يحيا:لا يمعودة صدگتي اني اريد ازوج عمودالحجية..
خطيةناط كلبها تريد تزوجني.واني مااريد اكسر خاطرها،بس هي شرطت عليةاخذ عراقية..
لهذا من شفتچ حبيت اتقدملج...
بس انتي ليش هربتي من مصطفى متحبي انتي...
يحيا، اني مااعرف نفسي اجاوب على هذا السوال، واليوم تاكدت مشاعري مخربطة وخايفة، اني مااريد اخذ قرار مصيري مثل هذا ولااگعد اجرب حظي وافشل، اني مااريد اشوف انعكاسي بالمرايةاريد احد يختلف عني مايشبهني .
مونفس خبالاتي ،لاابالي مثلي، فاشل مثلي،مااريداكرر تجربة رح نظل طول االوقت نلوم بعض ع فشلهة وانها متستمر،
يحيا، اني مااتحمل اخسر بعد، مصطفى وگف ويايا هواي بس اني مامرتاحة واتمنى اطلع من كل هاي الهوسةاريد اريد ارجع بغداد..واگعد ويا ابني واسمع رزالة امي،،كل صبح لان مو مسوولة ولاابالي مااتريگ من اطلع...
هئ، اني اشتاقيت لحياتي القديمة، بس هنا لگيت نفسي وتغيرت معدت ذيج البنية اللاابالي الي غيرها يحملون همهةتعلمت اشتغل باايدي ومااحتاج احد. وهسةاني حايرة.... شنو كولتك انت هذا عقل لو خبال...
