مرت 6اشهر ع جيتي لاامريكا طبعا انفصلت من الجامعة، بس مهمني مكنت حابة دراستي صح تعبت بيها بس اول ماحطيت رجلي چان بالي اهرب من الفشل بزواجي والرجوع لبيت اهلي وظل امي تلوم بية لان اني السبب للنتيجة الوصلتهة ،تعبت من تحكمات امي ع حياتي ،اول مرة اسوي شي من ذاتي بدون محد يوجهني، اول مرة احس بقيمة الشي السويتة، صح انحرمت من هواي اشياء چنت متعلمة عليهة،، مثل مگال مصطفى لازم نثبت للناس الي تراهن ع فشلنا انو احنا گد نفسنا ونگدر نكمل وحدنا بدون مساعدة احد ، طبعا لان اخواني مجنسين چانت المعاملة افضل ولغتي والمحامي ساعدني مصطفى بااختيارة صح اجرة عالي بس بالنهاية حصلت الموافقة بقرار القاضي وصرت مقيمة، وصار وقت ادور ع شغل واخفف عن اخواني الثقل الي كلفتهم بي غصبا عنهم، وبديت اشتغل بمحل مال معجنات، صعبة فعلا صعبة تشتغلين هيج شغلة وانتي مخلصة شهادة، بس شهادتنا غير معترف بيها، وحبيت الشغل لان احب الطبخ والرجل الي اشتغل معاه كلش لطيف وحباب،،
واحب اشوف الناس واتعرف عليهم، طبعا اهلي بغداد ميعرفون شون عايشة اني واخواني هم بالهم مدام برة فااني دا اسبح بالفلوس والونسة، وعرفت اخوتي ليش چانو يچذبون علية، الحياة هنا كلش صعبة ، ولازم تشتغل عمود تعيش ماكو شي اسمه روح العائلة والمساعدة، تشتغل تعيش، ماتشتغل تعيش حالك حال المشردين، لهذا احب اگول كل واحد متململ من شغلة و دوامة او لان محصل اجايز ياريت يطبقون عليككم قانون العمل الموجود يمنا اكيد رح تحسون بالنعيم العايشي،،
المهم،،صار وقت انفصل عن اخواني وادورلي شقة وحدي بس اخواني مقبلو وقررنا بدل هيچ ندور شقة اكبر،،
مااعترضت اني اصلا مااحب ابتعد عنهم،
مهما يكون هم عزوتي ،واحب شقاهم ودلالهم،رح تگولون چنت مدللة،بس لمن تكونين بكنف اخوانج،مهما كانو سيئين هاي تسوى الدنياومابيها،اذاتاخرت يتصلون بيا خوفا علية مو الاتصال المعتاد الي جنت انتظرة من امي عمود تملي علية شنو لازم اسوي ،او تنتقد تصرفاتي اوتاخري،
مرات يمرون علية ونطلع سوا نتغدا نتعشى،ونتشارك سوا بمسوولياتنا طبعا هاي الفترة الي سگمتهم بالفلوس اخواني سددو ديونهم،وبدلو سياراتهم،وعلموني اسوق،واشتريت سيارة اروح وارجع بيهة،هذا الشي مچنت اگدر اسوي بغداد،لان امي تخاف علية من الشارع الحرامية،المهم شخصيتي تغيرت حيل
واعتمدت على روحي ،وبطلت الصرف الجنت اصرفة الشكليات هاي غير مهمة،
ومن الزوار الي چنت اشوفه هواي چان مصطفى،،
حسن: هند بدربج فتحي الباب حبابة،،،
هند:تدللون عيني،،،
مصطفى: صباح الخير ،،
هند: صباح النور،،،
علي: هااا،منو ،،،
هند:هذا مصطفى ،،
جيت بوكتك،،حماتك تحبك،،
مسوية مخلمة ،،وريوك مرتب،،الحگ،اكلك لگمة قبل لاينسفو الجوة،،،
مصطفى: صار ،،تعويد عندي لازم امر من الصبح عمود اشوفهة ،بس اليوم احس شي ثاني تولد داخلي ،،اول مافتحتلي الباب،جانت مسرحة شعرها،ولابسةفستان احمر قصير وسترة سودة،،
وطول الوقت عيني بس على شفافهة والكلام اليطلع منه،اول مانزلت تلبس حذائهة ونزلت خصلات شعرها وغطت وجههه،،حسيت خلص اني هاي البنية ،تملكتني ومااگدر اقاومهة ،اني حبيتهة ،بس مدا احس هاي المشاعر من جهتهة مچانت تحس بالي حاسة ،ودائما احسها غامضة ،ومااعرف شنو احساسها او مشاعرها كانو هي سر مدفون ومااگدر اعرفة،بس اعرف انو هي دائما تذكرني اذا سوت شي واذا ملحگت علي تشيل حصتي ع جنب،ومااگدر اقربلهة اكثر لان هي اخت اصدقائي،،
بس كل ماخليت لنفسي حدود،، تجي هي بتصرفاتها تمسحها،،،
ومن ضمن الاشياء الي تزعجني همين ،،،
هند: بعدك واگف،يلا فوت،،
يحيا: هاي شنو انت هم حماتك تحبك يلا فوت تريگ ويا الولد،،
يحيا: اوگفي دقيقة ،اسلم اگول صباح الورد عالورد،،
تريدين اتريگ ،عمي شنوهالجمال شنو هالاناقة امريكيةيابة مااصلة،،،
هند: شكرا الك ،،حيحو،،يلا فوت صرفت طاقة عالصبغ مالتك خل اطلعلكم المارتديلا،،صرتو هواي،،،، يلا فوت يحيا،،
