مابين حب وحب احبك انتي ومابين واحدة ودعتني وواحدة سوف تاتي
احبك انتي،،
مصطفى:شايفين الحب الي يدخل بدون استئذان ، حب هند هيچ بين يوم وليلة دخلت لگلبي وشغلت تفكيري جذبني بيهة طفولتها وتهورها على نياتها تصرفاتها الغبية، وفكاهيتها، وبين كل هذا الخلط داخلها طفلة اول ماتنزل دموعها تكسرني، واول ماتنحرج من شي خدودها تورد،،
ودائما،، تسببلي خبطة بالدماغ بردات فعلها المفاجئة،
هند:اول ما صارت عينه بعيني، تشتت، اني مصار ويايا هيچ، قبل ارتبكت وماحسيت الا ايدي بنص عينة،،
اسفة،،، اسفة،، تاااذيت،، مو قصدي،،،
مصطفى:خلص،، خلص مصار شي ،
فوتي انتي نامي جوا واني رح انام هنا،،،
اناااام هنا،،
لا،، خليني اروح،،
وين تروحين،، اخوتج للفجر يلا يرجعون،،
اني اسفة مصطفى اذيتك،،،
مصطفى: مصار شي،، فوتي جوا ،، تصبحين على خير،،
وانت من اهل الخير،،،
هند :فتت،، للغرفة،، صاير بيهة انقلاب ،،
شلت الهدوم والغراض،،،
ومددت عالسرير،، ومگدرت انام ،،،
شبيچ هند،، شكو،، انتي شبيچ،،
يعني شنو سبب حرگة المعدة واحساس وجع بصدري، اني حيل مستحية،،،
يعني لو مو مصطفى جاي ، چان بعدني بالبارك وحدي،
بس شبية اني ،، خلص نامي،،،
اني نسيت مصيبة چبيرة،،
اني نايمة بيت رجال غريب،، شون گدرت اسوي هيچ،،
بس شسوي،، بيت مصطفى لو الشارع اكيد هنا احسن،
اني ورطت روحي ورطة جبيرة،،
لمن جيت مكان واني مو مرتبة اموري،،،
اووووف،، شيخلص الليل،،،
اكو عادة قديمة ،، چنت اسويها لمن اكون ضايجة اطلع الهدووم كلها وارجع ارتبهم،،
بس بحالة غرفة مصطفى ماكو شي داخل الادراج،، كلهم عالسرير او عالارض او مطشرة باارجاء الغرفةشغلت الضوة وابتديت ارتب الهوسة هاي،،،
اكو كم قطعة ملابس نسائية الظاهر يحب زوجتة لهذا يحتفظ بعض اشياءها،،
كملت، الترتيب، وسديت الباب،، واتمددت،، مااعرف ليش حسيت بعصرة بگلبي،هو اني اليوم صاعدة عندي الگآبة وبس اريد ابچي،،،
رجعت گعدت،،حسيت مختنگة واريد اطلع،،
بدون وعي رحت فتحت يدة الباب،،لمحت مصطفى نازع ملابسة،،
ومن هبلي ضليت صافنةوفاتحة حلگي،من انتبه الي سديت الباب وفتت،،
لا اني ابدا مو بوعيي،لازم ارجع لبغداد قبل لاياثر علية الجو،،،
ظليت كل شوي احچي ويا روحي،،
شكد عيب ياربي جكد عيب،،
المهم الصبح اريد اطلع واستحي من موقف البارحة لحد مادگ علية الباب،،
هند،،هند،،گعدتي لو بعدچ،،،
هند:شون ياربي،،شون هسة،خرب لشتك علي، الله ياخذك حسن علي سويتو بية،،
هند،،اني رح اطلع،،
تجين لو تبقين،،،
هند:فتحت الباب،،،
لاااا،شنو ابقى لازم اروح احجز،،
مصطفى:قررتي تسافرين،،،
هند:اي ،،خلص،،،ارجع احسن،،
ماشي،،براحتچ،،
اذا تريدين ،،روح هسة،،
هند:هاااا،
شبيچ،،،
مااريد ازاحمك ،،،
ع شنو زاحميني،،،
تعبتك،،وياي ،وانتتتتت،،،
مصطفى:رح ظلين هيچ،،امشي لانتاخر،،
اريگج،،،
هند:لا،،شكرا،،مااشتهي،،،
مصطفى:متاكدة،، بعدين دورين ريوگ،ترة ماكولل11تقفل ،،،
لاشكرا،،تگدر تروح وحدك،،،
مصطفى:هاي شبيج،،دا اعزمچ،،ياما عزمتيني،،،
ميخالف شكرا،كافي لهنا تعبك،،،
هننننند،،انتي ليش تقلبين الموجة فجاة،،
شنوووو،،
يعني اني واحچي وياچ،،فجاة زعلتي وانقلبت تعابيرج،،ممكن اعرف ليش،،
هند:دنكت راسي، وامتلكنيي احساس انو انقهر علية ،وديساعدني واني مااتحمل احد يشفق علية،، اني الي دائما اساعد الناس،،
تقدم خطوات لمن شاف اني اريد ابچي،،
وانتبه لترتيب الغرفة،،
مصطفى: هاي شمسوية،،
هند: البارحة مگدرت انام فگلت اتلهى بالترتيب،،
مصطفى:ههههه،هو انتي كل مضوجين طلعين طاقاتج هيج،،
اشرتله براسي وغمضت عيوني،،
اييي،،
مصطفى:حرامات ،،رح تروحين،،چان كل ماضجتي اعرف شون انهي ضوجتچ،،
هند: لا،،عادي،،اني كل مااضوج هيج،،
رتبتلكياهم جوا،،
والملابس الوسخة صفطتهم هناك،،،
مصطفى: مصفطتهم،،تعرفين ملابسي بحياتهم ماشافو هيج احترام،،
ههنههههه،
وتريدين مااوصلچ،،واتعب وياج ،انتي خدمتيني خدمة العمر،،واني حاير مين ابدي،چانت مريم تصفط وتلغي علية،،
مصطفى:فجاة اشوف الخجل ارتسم ع حمرة خدودهة والبنية الي متسكت ابد
ابد،،اختفى صوتها وحاولت تطلع من هذا الموقف داست ع رجلي،،
ااااي،
اسفة،،اسفة ،،مو قصدي،،،
خلص عرفت من تخجل تحير شتخربط،
مصطفى: خلص،،خلص،،امشي كدامي،،
هند: اروح للبيت اجيب جوازي وموبايلي،،
براحتچ،،،
مصطفى: وصلتها لبيتهم وذكرت المصيبةشون رح اگول للولد انو اختكم باتت يمي،،مصيبة ،،اكيد رح تگوللهم،،
فتنا اني ومصطفى،، چانو علي وحسن گاعدين،
علي ،،كاعد، ياكل،،
وحسن من شافني سالني وين چنتي،،
مصطفى فات ورايا بتردد،،،
حسن: وين چنتي،،،
دااا، احچي وياچ وين چنتي الليل كلة ماكو،،،
هند،، تعالي هنا احچي،،،
ونوب ناسيةموبايلچ،،،تريدين تورطينا بيچ،،،
هند: چنت گاعدة الم غراضي،،وحسن يسالني ويلح،،واني ماارد،،
دااا اسالچ سوال،،،
مصطفى:جاك الموت ،هسة تفضحني،،،
هند:چنت بالماوى ارتاحيت،،،
حسن:شنووووو،،،
هند: شكلك تفاجات ،انت شو دخلك،،هاا،
حسن:شنو،شنو دخلك،امج دك عليج ،،صارعليج شي احنا نبتلي،،
هند: صدگتك عالاساس اهتميتو لو گضيتو الليل كلة دورون علية،،
حسن:ولو ،،عالاقل تگولينا،،،
هند: ميحتاج ،،اني راجعة لبغداد،،ارتاحو،،
علي:رح ترجعين،،
هند: آي،،رح ارجع،،
حسن: احسن شي سوينا انتي مرح تگدرين تتكيفين هنا،الحياة صعبة،صدگيني يااختي احنا سوينالج خدمة العمر،وهسة تشكرينا بعدين دير بالج ع ابنچ وبالتوفيق،،
هند: شكرا،،،مصطفى ممكن توصلني بدون زحمة عليك،
مصطفى: هااا، تدللين ،،من رخصتكم شباب،،،
علي: هننند،،
انتظرت دقايق حضني وگالي مع السلامة،رح نشتاقلچ،،،
هند: مشكور،،،
يلا،مصطفى،،
مصطفى:ظلت ساكتة واحس حمم من الاعصاب داخلها،وعيونها شرار واصابعهة ورجلهة ماوگفت من التوتر،،وكل شوي تتافف،،
مصطفى: اخوانچ حياتهم مخربطة،وانتي مچنتي رح تاخذين راحتج وياهم،،
فلوسهم كلها للسهر والونسة والبنات شرب،،
هند:مصطفى،،حچيك يعصبني اكثر ما اني متعصبة،،
مصطفى:دا احاول اهديج هند،،
انت مدة تهديني ،انت تحسسني اني مغفلة واني اساعدهم عالاساس يوفون ديونهم،واني انطيهم من فلوس ذهبي الي جمعتةمن چنت باللفة،،
تعرف جگد سحبو مني فلوس ،،
مصطفى: اعرررف،،
هند:لا،،متعرف،4000$ تعرف يعني شنو خلال شهر ونص،،والي يكتلني انو ماحسو بتانيب الضمير ولااعتذرو،،
اعتبروهة صيدة،،ولاكآنو اني اختهم الصغيرة،،شنو ماكو لاغيرة ولااحساس والاخ عزوة،،
مصطفى ،وگفت السيارة ليش،،،
هههههه،،
وتضحك،شنو اليضحك بالموضوع،،
رايح اجيب مي،،
ماااريد،،
لا،لازم اطفيچ لان دا تحترگين،،
هند: اصلا ليش دا احچي وياك تلاگيك مثلهم،،
مصطفى: طبيت عالمقود،،،
كااافي،،اسكتي،،شنو بالعة مسجل،،
هدآت لمن شفتهة خافت من صوتي،،
هند،،ممكن اسالج سوال،،
هند:نعم ،شنو،،
شوكت اخر مرة شفتي اخوانج،،
يعني شنو،،اني ع طول اشوفهم،،
بالنت،انتي تشوفيهم بالنت وبس،، بالحقيقة شوكت شفتي اخوتج فعلا،،
هند:رفعت عيني فوگ،داا اذكر، اخذت نفس،،اخر مرة شفت اخوتي چانت بوفاة ابوية،شفتهم هيج جنت صغيرةوحتةمحچيت وياهم،،
مصطفى:وهيج راسا تاملتي بيهم وانتي متعرفين عنهم اي شي،،
انتي مغفلة،،
رفعت حاجبي،،،مراضية،،
لاتزعلين،انتي مغفلة بمزاجج،انتي الي خليتي صديقتج تستغل طيبتج وتاخذ زوجج،،
لاتزعلين من الحقيقة،،
انتي السبب اخوتج استغفلوج لمن شافوج مو حريصة وممكن اكو بديل الي تاركة ابنهة بدون وجع گلب مرح تهتم لشكم فلس،،يضيعون منها،،
وتعرفين شنو الطامة الاكبر،انو الانسان ميتعلم من اخطاءة،ويصر انو يبقى غبي والناس تستغفلة،،
وهسة يلا خلي روح ،،،
وصلنا للمطار وعم الصمت ومحچت ولااني حچيت،،
مصطفى: يلا ،،تعالي نسال عالرحلات،،
نزلنا وتقدمنا ،،
چان عندي مبلغ ميغطي تكلفة الرحلة،،
هند:خل اخابر،عمود يسوولي حوالة ،،
مصطفى:ماكو ،داعي ،الحوالة تطول،،
رح ادفعلج،
لا،مستحيل اقبل،،شكرا مااريد،،،
مصطفى:من توصلين حوليهم الي،،
لو تاكليهم مثل اخوتچ،،
هند:هاااا،،،
خلص،،خلصت الاجراات لازم تنتظرين رحلة العصر،،
هند: ماااشي،،،
مصطفى: فرصة سعيدة،،تعرفت عليچ،،،
شكرا،اني الاسعد،،شكرا ع كل شي سويتةالي،،
ولو تدللين،،،
شكرا ،عالسويتي انتي وياي،،
ليش شسويتلك اني،،
يووو،هواي اشياء ،،
رح اشتاق للمخلمةمالتج،،
ههه،
واكثر شي رح اشتاقلة الدولمة،،،طعمها ماانسى،،وترتيب غرفتي وحدة يحتاج شكر خاص،،
هند: ودعني ومشى خطوات گدامي،وظليت مزعزعة مااعرف ليش،،
شنو الشعور الي تولد داخلي وخلاني مو على بعضي،اكو نظرة بعينةچانت تگولي ابقي لاتروحين،،
وايدة چانت دافية حيل وهي تصافحني،،
خلص اووف ،بطلت اني رح ابقى ،،شلت جنطتي وركضت دا الحگ ع مصطفى الامشى خطوات بعيدة عني،،
مصطفى:من يوم ماانفصلت عن مريم واحس شي داخلي انكسر ،افتقد ذاك الجو العائلي خطوات ابني الاولى افتقدهم هواي،بس اليوم الاحساس مختلف حاس اكو حريق داخلي بجسمي احساس صعب اوصفة حاسس اني فقدت شي كلش شغل مساحة بداخلي لازم اصبح بوجهة المبتسم،ولا تصرفاتها التلقائية ،كل ماتسوي شي غبي ،وتحاول ماترتبك،كل شي بيهة رح اشتاقلة، يمكن هو هذا الحب ،لا،مستحيل ماكو هاي الكلمة بقاموسي،،،اني مااعرف احب،،
فجاة سمعت صوتها تناديني مثل الافلام،،
لا،مو فيلم حقيقة هاي البنية الهبلة هي نفسها،،
وگفت وگلت يمكن نست شي،،
هند: گطعت نفسي متگلي ششاد برجلك،،
مصطفى:خير ،،نسيتي شي،،،،
هند:اوگف ،،اخذ نفس،،،
الظاهر ،شكلي رح ابقى،،،
مصطفى: فرحت فرحة مااوصفها،،
صددددك،
اقصد رح تبقين ،،لوووو،،
رح ابقى مصطفى،اني لازم ارجع حقي واثبت للناس اني مو مغفلة،،،
مصطفى: وماعرفتي تاخذين هذا القرار قبل ماندفع فلوس الرحلة،،
هند:رح يرجعولي نصهم،،وارجعلك فلوسك،،
يعني صدگتي حچي،،
وفلوسچ يامغفلة راحت ببطنهم،،،
هند:الطيارة بعدلهة ساعة شنو رايك ارجع،،،
مصطفى: لا، ابقي،،ابقي،،،
رجعنا وگعدت افكر شون ارجع فلوسي اخذوها اخواني،،ولازم امشي بااجراات الاقامة،
مصطفى: شرح سوووين،،،
هند: ان شاء الله تسمع الاخبار الزينة،،
محتاجة شي،،،
لا،،سلامتك،،
يلا،،ادعيلي،،،
حااضر،،يلا باي،،
بااي،،
هند: اول مدخلت البناية شفت هارفي بالباب گعدت حچيت ويا ،وگالي اخوانج طلعو للعصر ،
هارفي:سالت عنك وقال اخوكي انكي سافرتي،،
هند: كنت ع وشك،ولكن غيرت راي،،
خيرا فعلتي،،
فمنذ اتيتي قلت الشكاوي عاخويكي،،
قبل ان تاتي كان الجيران يشتكون من كثر الضجة وتجمع النفايات دون رميها،،
هند:ارجو ان تبلغ الجيران اعتذاري وتخبرهم ان هذة التصرفات لن تتكرر،،
هارفي: اين ستذهبين،،
لقد نسيت المفتاح ،،سااخذ جولة واعود،،،
تعالي،لدي نسخة اضافية تعالي،،وسااعطيه لك،،
هند: انا جدا ممتنة لك هارفي،،
هذا من دواعي سروري،،،
فتحت الشقة ودخلت،،وگعدت افكر شنو الخطوات الي لازم اسويها،،
ورا ساعتين اجوي اخواني الي چنت محضرتلهم قائمة طويلة ،،
علي: والله ،،هاي المضروبة الهة وحشة،من هسةاشتاقيتلهة،،
حسن:يمعود،،خلصنا مسوولية ومقيدتنا،،
علي:لا،،خطية وين التقيد احنا استغليناها ابشع استغلال،،
اني عن نفسي رح اشتاقلهة،،
هند:وليش تشتاقلي،،اني باقية ومرح اعوفك،،،
حسن:مو عالاساس سافرتي،،
والله ماانطاني گلبي اعوف اخواني،،
حسن: بس تعرفين العيشة هنا شون رح تعيشين ودبرين امورج،،
هند: لا،،حسوني ماانتظرتهة منك،يعني عندي اخوان اثنين وعين الله عليهم،، واحير بالعيشة،،
حسن:هلووو،هم عايزة اصرف عليج هو روحي مصارف عليهة،،
علي:ههه،خطية حسن ،هند بعدها بوضع الصدمة وبعدها الضربة مااثرة عليها،،
هند: مثل مگلت الضربة اثرت علية ،،
وتعرفون الضربة فادتني هواي واستنتجت استنتاج اني رح ارجع كل فلس اخذتو مني،، لا وتعيشوني لحد مااحصل الاقامة،،
علي:ههههن،ومين نجيبلج الفلوس احنا مفلسين،،،
هند:ضربت علي ع بطنة ،،دتشوف هاي اللشة ياكل بيهة السبع شهر،،رح تهز طولك وتشتغل شفتين وسددلي دين مالتي ،واني ارتبلك ياهم واطلع الايجار،،
حسن:علي هاي شدتحچي،،
الحجي الك هم حسن،،رح تشتغل وتطلع كل فلس دخل بطنك،،
انتي تحلمين بابا،مو كنالج رجعي بيتج وابنج،،
اني ماارجع خسرانة رح ترجعولي فلوسي،،والا،،
والا شرح سوين،،،
رح اشتكي عليكم للبوليس،،
ههه،انتي صدك تحچين وشتگلليلهم ضيعت فلوسي،،
لااااااا،رح اگللهم نصبتو علية وبگتو فلوسي،،ومن غير حبستوني بالشقة واضطهدتوني ،وهذا يسمو عنف اسري،،
واستغليتوني واني اشتغل الكم خدامة،،
وادفع فواتيركم،،
حسن: لااا،انتي تخبلتي،،وين العنف الاسري بربچ،،
ادلل،،اسويلك شوي كدمات على كم كسر،،انت متعرفني مخبلة بالسادس كسرت ايدي علمود ماامتحن،،تريد تجرب،،
حسن: بابا،،مخبلة انتي تاذين روحچ ذاك اليوم جيتي منو يصدگج منو يعرفچ،،
هند: لا،،مگتلك واني اگضي اوقاتي بشقتكم تعرفت عالجيران وطلعو يحبوكم حب،،متوصين بيكم،من غير هارفي،،حبني اول مشافني بس ينتظر مني اشارة عمود يداريكم،،
حسن: علي، متحچي ليش ساكت،،
علي:هاي مو اختي،،وحدة ثانية،،،
هند:بالضبط اني مو اختك،،تذكر الطحن اني تعلمت منكم،،وسالت عن هاي الجرائم،،
علي:سالمين سويتينا مجرمين،،
طبعا،،الحكم مايقل عن ثلاث سنوات واذا محامي ذكي وتكاليفة عالگد،،ان شاء الله اضمنلكم الترحيل،،
لا وهنا،،شنو،،رح احچي لعمامي عن اخواني الي يشرفون سكر وعربدة ونسوان ،،الله هيچ وارتاح ومي بارد ينزل ع گلبي من اشوفكم منبوذين وجوازكم مختوم عل منع،،،
الله،،الله،،،
حسن:احنا اخوانج هيج سوين بينا،،،
ولاتطفون ناري وانتو استغفلتوني،،
من باجر كل واحد بيكم يلزم شفتين شغل،،والراتب باايدي اني ارتبلكم اموركم لاتخافون ونهاية الاسبوع ممكن اخليكم تطلعون،،
علي: وتنطينا مصروف على هالحال،،
طبعا لازم خطية اطيكم،،
حسن:واحنا رح نظل تحت رحمتج جگد،،
هند: لحد مااحصل اقامة ،وترجعلي فلوسي لان ورايا اجور محامي،،
لحد هاي اللحظة اذكر تعابير وجههم وصدمتهم بيةوهم ميعرفون شيسون،،
واخذت غرفة علي وطلعتلة غراضة وگام ينام عالقنفة وتشارك الغرفة الثانية، ويا حسن،،وعالاتفاق،اني اخذ راتبهم واوزعة،
صدك انطحنو بالشغل وعلاوي كرشة راح ياعيني،،تقاسمنا الشغل،،
واني اطبخ وانظف ،،وادرس واني كاعدة ،اشوف مصطفى هواي مرات او يجينة وكت العطلة ،،تقاربت من اخوتي،وحسيت بالامان الي چنت مفتقدتة والظاهر هم همين جانو محتاجين الي يلمهم،،تعودنا ع بعض وحجولي عالمبلغ القليل الي اخذو من ورث ابوية لان امي مگالتلهم ع املاك ابوية الميعرفوهة،،
طبعا خلصت العدة مالتي بعد ماطلبت الطلاك من هادي وهو بقة يدير فلوسنا،دائما تواصل ويا ليث،واحچيلةكل شي ماعدا الي صار بية وية خوالة ،ومصطفى، بس هو بدا يحس ويسالني ع طول ،،
كل مايجي مصطفى تجمعنا نظرات وحجي ،اول مااحس بالاحراج او قرب الخطر مااقصر ويا بتصرف بدون وعي اخرها حركت ايدة بالدهن،،،
هههه،لحد مااجة يوم طلب مني طلب،،وچان لازم ماارفضة،،
للقصة بقية،،،،
تابعوني،،اكيد الجاي احلى،،،
🌺🌺🌺🌺
لاتنسون تصوتون عالبارت اذا اعجبكم،،
