هند: اول مگال اسمي توقف گدامي امور هواية زواجي الاول ، ابني خيانة زوجي، اي اخر شي خيانة زوجي صح مااثر بية ولاابديت اي ردة فعل بس ،داخلي تحطمت امور هواي هزت ثقتي بالناس، بنفسي اني لحد هاي اللحظة اني حاسة اني زوجة وام فاشلة،،،
لهذا مااگدر ادخل تجربة واني اعرف مو گدهة لهذا ماكو داعي اعيد تجربة فاشلة،،
هند: اااني،، مصطفى،، شجابني بالك،،
مصطفى:مااعرف انتي الي گدامي ،وذكرتچ،،
هند: آي وبعدين،،شوكت تخرب علاقتنا،،
مصطفى:شننننووو،،
هند:يعني هاي التمثيلية شوكت تخلصهة،او شنو المطلوب مني،،
مصطفى: توعديني ماترفضين،،،
هند: حسسسسب،،،
مصطفى:اني اريدچ تحضرين العرس وياي،،
هند: شنوووو،انت ناوي تروح،،
مصطفى:لازم،،
وليش لازم،انت مامظطر، ليش دتحرج نفسك،،
لاتكون انت تحبهةبعدك،،
شنو،احبهة اني وياها اتفقنا نكون اصدقاء،
عمود ابنة، لهذا اريد اروح،،واتمنى تقبلين تروحين ويايا،،
هند: مصطفى ،وشااگول لااخواني،،
ميخالف اجي وياك بس اخواني مرح يقبلون،،
مصطفى: هم ،،مالهم علاقة انتي مو بالعراق،عمود يتحكمون بيچ،،
هند: صح اني باامريكا ،ومحد يگدر يتحكم بية بس هاي مسالة احترام واني مستحيل اقلل من احترام اخواني،،
تگدر تروح ،،وتعتذر عني ،ممكن تگوللهة مشغولة ،مريضة مگدرت بكيفك،
غيرة مااگدر مصطفى،
هند: اتصور تاخرنا اني رح اروح،،،
گمت واني دا اطلع لزم ايدي وگعدني،،
مصطفى: هند ،،لا تزعلين،الله يخليچ،،هاي اول مرة اطلب منج طلب،،اعتبريهة رحلة سياحة،،
واني رح ادفعلج كل المصاريف بس لاترديني،،
هند: بس ،،مصطفى شون اني مااگدر شااگوللهم لعلي وحسن،بعدين افرض هم راحو ،
يحيا ،،مو گال اروح،،
مصطفى:محد منهم ،،رح يروح اضمنلج،،
هي 3ايام بالزايد،،
مصطفى ،،عفية لاتحرجني،،
عفية ،،هند،،والله مااطلب منج شي بعد
بس هالمرة،،،
هند: بس اني مااعرف اچذب،،
مصطفى:ياما چذبت عمودچ،،بس هالمرة لخاطر الخوة،،
هههه،خليت اخوة ،،انت،،
مصطفى: گولي ،،اي،،،يلا گولي،،
هند: خلص ،،خلص،،،اوكي وافقت،،،
مصطفى: صدگ،،لزم ايديناتي الثنين،،
وعبر عن فرحة بصوت عالي،، والچذبة الظاهر تصدقت لان كل الي بالمطعم عبالهم طلب زواج،،
والكل صفق وحيانة ،، هاي الاجواء طبعا راح تشوفوها برة بس يشوفون طلب زواج على الملا الكل يتحمس،،
ومن خجلنا ،، مصطفى جر ايدي،، وتشكر من الكل وطلعنا،،
هند:هاي وانشهرنة بين العالم،، ارتاحيت،،
مصطفى: كلش،، ارتاحيت،،،
لهالدرجة الموضوع مهم بحياتك،،،
اكثر ماتتخيلين،،
هند: شوكت لازم نروح،،
مصطفى:الخميس الجاي ،، العرس رح يصير الاحد، بالكنيسة،،
هند: ليييش ،، مريم،،،
مصطفى: اي مسيحية،،
هند: ماشي ،، ماشي مرح احجي تصبح على خير،،،
مصطفى: هند،،
نعم،،،
شكرا لان قبلتي،،،
هند،، اخر مرة،،
ممكن اطلب طلب ثاني،،
مو گتلك لاتتعلم گوووول،،
اريد اخذ هذا القرص مال اليسا،،،، شنووووو،،،
هيچ تفاءلت بي،،،
اهوووو، مو قبل شوي چنت تقلد علية،،،
لا،، صدگت،، تجيب الحظ الجيد،،،
هند: اخذة ،، خليت عينك علييي،،،
مصطفى :اني اجيبلج واحد غيرة،،،
وشنو هالملة من الفگر ماتشتري جديد،،،
مصطفى: لاااا، هذا يختلف،،،
ههههه، ليش يعني ،، چف دخل مسجلي،،،
