ممكن الاقدار تكون كريمة وياي وتخليني احظى باالانسانة الوحيدة الي حبيتهة.الانسانة الي خلتني عايش من جديد وفرحان ع طول واني انتظر كل صباح نزلتها عمود اخلق هاي الصدفة التجمعنا .دائما بلحظات احسها قريبة كلش من گلبي لا هي ساكنة داخلة ، اي اكو ناس هيچ تدخل الگلب دون استئذان، حبيتها،،
بس هذاك الولد المدلل اصغر فرد بالعائلة اجة بعد 9سنوات ع راس ثلاث بنات ولان بصغري چان عندي ربو لحد هاي اللحظة اذكر والدتي الله يرحمها وهي تحجي ع اخوتي وتگللهم عوفو مالكم شغل بي، سودةعلية مريض ، ليش حاطين گوركم ويا، واني استغليت هالنقطة ، واستغليت حب امي الي لحد مااخواني نفرو مني نتيجة حب امي الي وتفضيلهة ع حساب اخوتي مجانت تقبل احد يغثني او يجرحني، حتة لمن چنت ارسب بالمدرسة چانت تطبطب ع چتافي وتگلي يلة ماما شد حيلك عالسنة الجاية تعوضها، وماتت لماشافتني خلصتهة، طبعا ابويةقاضي واختي مستشارة، واخواني ثنين بالسويدالي جنت اتمنى اوصلهابس للاسف انسدت بوجهي، طبعا بعد ماتوفت امي نتيجةاصابتها بالسرطان، انغلقت الدنيا بوجهي ،راحت محنةامي ودلالها، واخواني كلمن ملتهي بحياتةوعائلتة،وابويةهم مطول وازوج مرة ثانيةومرةابوية من عمر اخويةرافت محاميةوحلوةوصغيرة، زعلت وضجت مااتحملت اشوف مرة ثانيةبحياةابوية جمعت ملابسي ورحت بيت اخويةرافت الچبير وزوجتةبنت خالي، وابوية گالة خل يبقى يمك لمايهدآ، يمكن ماصدك ابوية هو وصلعتة وملامحة الجبيرةيعيش دورالمراهقالعاشق،
طبعا اخوية وزوجتة جانوالاثنين عدهم شغل ومرات يتاخرون بالشغل وعدهم يزن وربى واحدخمسة والثاني ست سنوات بس شنو حبايبي ملايچة مثل ميگولون ، صوتهم هلكد ماناصي لاالي نومة ولاگعدة والاضرب من ذلك اول ماارجع من الكلية ومحضر روحي اطلع تخابر شذى،الو..فدوةلعينك ابو الصوف رح اتاخر شوية بلكي تستلم الجهال ودير بالك عليهم، وهنا اوگف مااگدر ارفض لان مشغولين و هم يصرفون علية خصوصا شذى خطية ابد ماتقصر ويايا...
بس مالي راحة ...
وراهة تعبت وطلعت دور ثاني قررت انتقل بيت اختي اماني الجبيرة زوجها يصير ابن عمتي وهو محقق جنائي وممتواجد ع طول..استغليت فرصةاكون الرجال حامي الحما وزوجهة كيف لان اختي نسرة ومن تجي المشاكل تعلگ بينهم ،وصعبةتحس انك ثقيل ع غيرك او هم ديسوون مشاكل من ورايا... وانتقلت بين بيوت خواتي ، لحد مااقتنعت انوالي يطلع من دارة صدك يقل مقدارة لذلك شلت هدومي ورغم ابوية مشال تلفون وگالي ارجع من باب، لازم الانسان يتعلم وحدة من اخطاءةولازم تعيش بضرووف سيئة عمود تقدر النعمةالي انت بيهة رجعت للبيت خبرت ابويةاني رح ارجع وگالي هلا بيك ، ماالوم ابوية ماعندةمشاعر بحكمانشغالةوبحكم وجود امي حاجز بينا ،عوفة معليك بي ،لاتغثة، متعبان انت لحد ماحسيت بلحظة من اللحظاتاني مو ابنة اني ابن امي ، اول مرجعت استقبلتني زوجة ابويةبترحيب وحب وواضح مسويةتغيرات هواي بالبيت وعالوالد هم ،صابغ الكم شعراية براسةولحيتة، وصاير يضحك ويفوت للمطبخ ويكشف الجدورة ،واسمع الله عاشت ايدج والله يگويج والي بحياتة مسمعهةلاامي، حتةلو حب الاكل يااشرلهة براسةيعني وهلكد او ميعجبة ياكل، وحبيات هو وزوجتةوهي تاشرلةالگاع محضورة واضطر اشكرهة واگللهة شبعت، الله يديم النعمةواسمع، وين امي انت ماشبعت، صدك،مشتاگلج ياامي وتيتمت بعد عينچ، صار البيت يخنگني ،گمت اروح يم اصدقائي عسا ولعل يگضي الوكت وارجع انهد وانام ،
ومن ارجع ماكو احد يتلگاني هايمة جيت متعشي لو لا،،،
ظل بالي عليك تاخرت،،،راحت ذيج الكلمات ويا العزيزة الغالية افوت اطلع هالمقسوم واذكر كل ركن بي صدى صوت امي وهي تمسح گرعتي ،اي كلنا ورثنا صماخ وگرعةابوية، بس الطول والعضلات الحمدلله اخذتهةمن خوالي والعيون العسلي هم،رموش وعيون واسعةوجه مبسل ، ومن فتت الكليةگرعت راسي كلة وچنت ماتركس الكليةاني والبالطو الاسود داىمابالشتاوالسترةسودة بالصيف وهواي عندي تجارب ويا بنات بس كلهم تقضيةوقت حتة مااذكر اسمائهم ...
ارجع كل الحطيتةواصعد غرفتي الي تعج بالفوضى واطلع انام بالصالة عموداسهر ع فيلم واسمع اصوات العشاق وضحكاتهم وتنسدنفسي واحط الهيتفون وافرغ شحناتي الرجوليةبوحدة من صديقاتي ويا سجائري الي متفارگني ، طبعا لان متعلم على امي هي تحير بكل شي ورايا، اگعد كالعادة متاخر ، امي راحت ومحد يذكر يكعدني وهناك افز وتوگع نفاضتي المليانة سجاير، عالسجادة مهامني لازم الحك ع دوامي..
واصعد ابدل وانزل اسمع..
هاااا....الهام..تاخرتي...
شسوي ياعيني ياابو رآفت مصطفى الله يسلمة گالب الصالة عيب اجةاحدغفل يكول عليةممنظفةميصير..يلا هذا هو شسوي ...
ابو مصطفى:هو هذا بزرة الدلال متعلم امة تلم ورا هي طلعت عينة الله يرحمهة
ومن انزل...
مصططططفى...
هااا..بابا.. مفتاح سيارتك انطيهةلعمتك تاخرت ع شغلهة من وراك..
واني شعلية ...
شعليك غير تلم الوسخ وراك وانت يوميةگالب البيت وهي تلم وراك، عيب ابني هاي مو امك...
هنا صدك حسيت روحي يتيم وامي ماتت صدگ...
انطي مفتاحي وهي تتحجج، لاعيني لا خطيةسودة علية عندة جامعة..
ابو مصطفى:ياخذ تكسي رجال هو خما انتي تتبهذلين ..
وتعرض عليةتوصلني بسيارتي..
حسيت كل شي داخلي انهز حتة لمن اگول لااخويةاوخواتي يگولولي صوچك انت مبهذل ، وهي خطية، انت متعلم عالدلال، راحت ايام امي مرت ايام واشهر وقربت اخلص الكلية اخويةرافت تهدد وسافر ومناك حصل لجوء لحكتةاختي منال ،ولمن فكرت اني هم اقدم اجة المالكي وحطم امالي الاخيرةبضرورة عودةالعراقين لان الوضع مستقر...
ومن جنت مرحلة رابعةجانت زوجة ابويةحامل واغلب وقتهابيت اهلهة لان جبيرة والحمل مو مستقر منا بديت اساعدها لان خطية وحدهة وكمت اعتمدع روحي .
واساعدها مرات،واخواني چانو يضحكون علية، حبتني المرةوچانت علاقتها وياي اقوى من اخوتي نفسهم بس بس شرف ولي العهد تغير كل شي وابوية كانو ممخلف قبل خواتي الثانيات تحولو لااربيل لان ضرووف مو تمام والان اعاني الوحدةاصدقائي كلهم سافرو والوضع مو تمام..
صار ايمن هو شغلي الوحيد وميبطل يبجي ، لحد مايوم جنت اتواصل ويا صديق الي ووصفلي شون عايش بالنعيم باامريكا،وفلوس ونسوان ومحد الة علاقة بية، لذا تحضرت اسافر تركياومناك اقدم لجوء، مااخذت وقت طويل ابوية مقبل اسافر ومساعدني وخواتي بدو يضحكون عليةولاتطلع تتبهذل، لحد مسافرت والكل مراهن ارجع، ارجع واني بطريقي لتركيا واني اباوع عالسحاب واتخيل النعيم الي رح اعيشةورح اطير ..اطير..
لحد موصلت واجرت شقة صغيرة بفضل شخص الا شويةردت اكل تقفيصة من واحد راد يقطني لان شافني مغفل العفوجديد ومااعرف احد،،،
اخذني هذا الولد لشقةبضواحي اسطنبول شقة تعبانة بس ايجارهةمقبول گلت سهلة كلهة كم يوم ويطلعلي لجوء واخلص من كل هذا بس اتضح انو لازم انطحن يلة اسافر ومقابلات ولازم اضبط حچي كلة ماكو خربطةولانسيان يرفض الطلب مرت اشهر الشقة باردة ثلج تمرضت اكثر من مرة خلصت فلوسي ومتت جوع، لحد مالگيت شغل دبرت اموري بيها مرت سنة ونص تعبت وتعلمت ع جو تركيا وتقريبا ايست يطلعلي لجوء، بس مفكرت ارجع ورا كل هاي البهذلة ، وبيوم واني بالشغل اجاني اشعارمن الUN خلص انقبلت وبقة بس الفحص والاجراات واجةموعد الرحلة مااتصور قبلهة فرحت بالنصر گد مافرحت ذاك اليوم. اول متوصل طبعا يوفرولك سكن وينطوك دفعات مساعدات تستقربيهة دبر حالك وبعدين تنصدم بواقع اسوا من العشتة بتركيا الحياةهنا عجلة تتحرك بسرعة واذا ماركضت ولحگت بيهة يمكن دوسك ولاتحس ، هذا اضبط تشبيه اگدر اوصفة بديت اشتغل واتململ بس الوحدة جنت عايش بيهة جانت تجبرني اشتغل عمود مااحس وحدي مشيت زين بحياتي لحد ماتعرفت بولدين اخوان حسن وعلي وذولة قدماء قبلي يعني ومتعلمين عالغربة بس حياتهم مخربطة وگوة مطلعين يومهم المهم صارو اصدقائي المقربين وهم عرفوني على ناس هواي وناس هواي چانو يوگفني ويسالوني شجابك ذولة ، وطبعا قبل لااتعرف بحسن وعلي تعرفت ع بنية طالبة بعدها وچنة نشتغل نفس المكان راسا انعجبت بيهةودخلناعلاقة وقررت اتزوجها حتةلومسيحيةوبسرعة انطفت هاي اللهفة مجرد مااجة ادم وزحمة الحياةوالشغل و اصدقائي نسيت زواجي وابني وضجت من مشاكلي ويا مريم الي بدت تبادرني نفس البرود ومتهتم الي وانتبهت غيرت لبسها وتهتم بروحها وتشتري مو هي نفسها مريم جانت بس تشوفني تگعد تحاسبني وين رايح وين راجع لحد مافي يوم فتت وجذبتني الرغبة الهة بس صدتني وطلبت مني الطلاق بشكل مفاجي، واني راسا باشرت بالاجراات واتفقنا هي تاخذ ادم ووافقت واتفقنا نبقى اصدقاء وهم مامانعت ورا شهر تقريبا عرفت هي مرتبطة بطبيب وياها بالمستشفى والظاهر العلاقةمو حديثة وهنا بدو اصدقائي يسخرون مني ويحاولونيستفزوني مصطفى متاكد ابنك سويت تحليلDNAبس اعرف شوكت مريم ابتعدت عني ،خلص شعلة الاعجاب اختفت بنومة وطفل ممخطط يجي للدنيا ورا ماانفصلناحسيت اكو شي داخلي ادمر اني انضحك علية اني تقشمرت خانتني وهي على ذمتي بس محد حاس بالي بية لان مثلت مامهتم ومااريدهة وظليت التهي ويا حسن وعلي اكثر شي لحد مافي يوم وسط حياتهمالمخربطة اكتشفت عدهم اخت صغيرة وجاية زيارة اودراسة واستغربت من اخوتها الي مشاغلهم اهم من استقبالهاوبعدين اكتشفت انو هي متزوجة وعدهة ولد ب12سنة اتخيلتهة محلوة وسمينةوجبة وحجاب ع حجي الولد وخوفهم ظليت منتظر ،خلصو الركاب ومشفت وحدة محجبة ،لحد ماسمعت صوت كلةدلع ...
مرحبا..انت مصطفى مووو...
وهنا وگف گلبي لمن الجمال هذا كلةواكف كدامي وماد ايدة انذهلت گلت اووف ربي اول مرة احس بنيةلا وفوكاهة ناعمةومچكنمة مثل ميكولون وانصدمت لمن عرفتني وماعرفتهة جينز وحذاء رياضي وتيشرت انصدمت عكس مااتخيلت واتفاجات جگد جريئة ومنفتحة، واستغربت هاي اخت حسن وعلي ،معجبتني بالاول بس بعدين اكتشفت انو هي هبلة بالضبط مثلي ومتهتم لسخرية الناس منها رغم بعيونهة كوم كلام...
واول يوم مواجهتهةصاحب العقار وتسوقهةمومال وحدة دلوعة ،واكثر شي حبيتة لمن عزمتني عالمخلمة ذكرتني باامي وحنيتهةونفسها الطيب بالاكل، واكثر شي اثر بية لمن شفتهة جوا المطر تبجي بسبب اخوانهة ذكرتني ببهذلتي من بيت لبيت .ومن هوسةلهوسةلحد مسافرت وتغربت.وشفت ناس هواي على حقيقتهم وليلة منمتي عندي وشفت دموعج وحجيج شفت طفلة بريئةضايعةبنص غابةدفعتني الرغبةالج بس ذكرت مجروحة ومو ناقصتني بس ماخقيلج سرا مگدرت انام للصبحوخصوصا لمن فتحتي الباب وظليتي واگفة مادري شون عبالك تگومين تگوليلي تعال جان جيتج زحف
بس بسرعةسديتي وظلت احلامي ورا الباب مقفولة...
وظليت للصبح عيني عالباب بلكي تنفتح اخرها لمن ردت اطلع والمح بعيونچ كحل بس عيونج مامكحلة مثل البنات بكحل عيونچ مكحلة بدم العشگ اتحدى اي واحد ميحبج ويهواچ ،اي حبيتچ حيل،وصرتهمي ومهمومي مليتي كل الفراغات بحياتتي بحبج الصافي وضحكتج المالية الدنيا مااستحلي الاكل الا من ايدچ انتي اني شايف بيج اني، انتي روحي يا هند ،حبيبتي ، سعادتي ،اغلى امنياتي، اني اسف ع كل خطآ ارتكبتة بحقج اصلا اني مااعرف احافظ على اي شي بحياتي ضيعتج وضيعت هواي اشياء غالية علية ،بتهوري وتسرعي بس عمري ماااحسيت بطعم الخسارة گد ماحسيتهة هاي اللحظة واني اشوفج رايحة لرجال ثاني مو اني
اكيد يستحقج اكثر مني مو مثلي بساعة عصبية يهدم كل شي حلو بنى صدگيني والله مو بااايدي بس انتي مو ناقصج واحد مثلي انت درة وتستحقين تروحين للشخص الي يستحقج ويثمن الحب الي باايدة ..اتمنالج السعادة واتمنى ماتكرهيني بس متاكد انو لو كرهتيني رح يكون افضل الي من ان تتعاملين وياي ببرود كاني مو فارق عندج...
اتمنى الي كتبتة بهذا الدفتر ..يعبرلج عن مصطفى الشاب المدلل ...
اتمنالج التوفيق واتمنى اذا احتاجيتي صديق لاتترددي ودگين بابي رح يظل مفتوح الچ طول العمر..
تحياتي....
مصطفى محمد....
ملاحظة...اني دزيتلج الCD مالتج مااگدر ابقي واحس جزء منج ويايا ومااگدر احبچ...
توصلين بالسلامة والله يوفقج...
حسن: هند ...يااا هند وينج انتي طالبة كتاب...
هند: شنوووو..
مااعرف هذا وصل اليوم ومكتوب الچ...
هند: شنو .. هذا بلة....
حسن: مااعرف ..اني رايح ولاتنسين تخابرين ام يحيا عمود تطلعون سوا تعرفين مرة چبيرة ويحيا مو وصاااچ...
ماااشي..صح ماتحبني بس لخاطر يحيا اتحمل...
خل اشوف هذا شنو...بلة....
دفتر مذكرات..مال منو..هذا..
مصططططف...
للحكاية بقية...
🌺🌺🌺🌺🌺🌺🌺🌺🌺
تحياتي الكم واعتذر عالاطالة ..
ملتقانا مع الجزء الاخير غدا او وقت مايكون جاهز..
#نازك الملائكة
