فجاة توقف الوقت عندي لمن گالي يحيا شفتة طالع من بيتكم بس لاشاف الحضنة.شااگول لااخوتي، ياربي مسويتهة بحياتي ولاجتي كلمة علية، دائما يسموني المطفية الفاهية تااالي متالي.تجيني حچاية..
حاولت اداري الموقف..
هند:طبعا مشفت ادم يمي البارحة مسخن وجابة لان عندة شغل،
يحيى:هند ليش الانكار متكونين واضحة وصريحة..
هند:يحيى .اعتقد البينة صداقة وبس ومااسمحلك تدخل بخصوصياتي.
هنننند، خصوصياتج تباتين ويا شخص غريب بفندق...
هند:هاي شگاعد تحچي انت.
يحيى:انتظري دقيقة...
باوعي ،،،،
شنو هاي،
لمن كتلني الفضول وردت اعرف منو حبيبة مصطفى وليش مگايلنة عنها، وليش تصرفاتج وتصرفاتة تغيرت ورا مارجعتو،
كل الاخذ مني شكوك واكدتهة مريم ودزتلي الصور مال عرس وانصدمت لمن شفتچ يعني انتي هنا ويا اخوتج وتخونيهم مصيبة لو عرفو...
هنننند، انسي شغلة الخطبة ولچ صارلج اكثر من سنة هنا، ليش مشيتي بهذا الطريق،،،
يحييييى..انت فاهم كل شي غلط اني ومصطفى مابيناتنة شي احنا اصدقاء وهو طلب مني اروح ويا العرس لمن رفضتو انتو، استنجد بية واني لان عندة افضال هواي علية قبلت وبس حضرت العرس رجعت .
يحيى:افهم من كلامچ انو مابيناتكم شي..
وعرضي لازال قائم...
هند:يحيى انت خوش ولد وتستاهل كل خير .وتستاهل بنيةتصونك وتحبك .واعتقد ترضي امك،
واني ماامتلك اي وحدة من هالصفات اني مااگدر اقبل عرضك اسفة يحيا واتمنى مااتاثر ع صداقتنا بالمستقبل..
يحيى : هذا رايك النهائي...
هند:صدگني ماافيدك...
تفيدين مصطفى يعني...
هند:اني جاوبتك عن الشي اليخصك اما الشي الي يخصني ويخص حياتي.
اسفةمالك علاقة بي..
يعني مصطفى هو....
رجاءا يحيى هذا شي ميخصك ومااريد اجرحك..
خلص..خلص ،تفهمت،
هند:شكرا ..عالتوصيلة...
يحيى :خليني اساعدچ..
مو گتلك...
يحيى: يابة ..كصديق..جيبي خل اشيل ادم...
مااشي..
هسةالولد على جية...
خلص سابقج اني ..وانتي جيبي الغراض وقفلي السيارة...
اوكي..
مصطفى :چنت واكف شوي قريب منهم وسمعت حچي هند..دتبرر وجودي وتگولة مجرد اصدقاء حسيت الدم صعد براسي وزاد هالشي لمن شفت يحيى شايل ابني...ويفتر بي هو وياها من الصبح..
شفتها دتصعد الدرج وجريتها...
هند:مصطفى..ها صباح الخير..
صباح النور..ممكن اعرف وين مااخذةابني وتفرفرين بي من الصبح ..
شننننووو..افرفر..
چنت...
اني اسف زاحمتج لو اعرف متواعده چان مخليت ابني يمج..
متواااعدة؟
بس مو من حقچ..تاخذينةچان المفروض تنطيني خبر..
اني مااقبل ابني يصيع بالشوارع ويشوف حبياتج انتي والاخ...
هند:ماااحسيت بروحي الاضاربتة بوكسي على خشمة..
مصطفى:هااي شسويتي مخبلة،مو صوجج صوجي اني امنت ابني يم وحدة عافت ابنهةوسافرت..لانها جبانة..
هند:حاولت اكتم غضبي واتناسة الحچي الحچا بس لااول مرة بحياتي قررت اواجه ومااخلي كلماتةتعدي هيج رجعت خطوات..
هند:صح اني فاشلة ومو گد المسوولية بس بالقليل امنت ابني يم ناس واثقةبيهم وابني موصغير..
بس انت الي تعرف كل شي بية ومع هذا خليت ابنك يمي عمود تروح تعيش مغامراتك مدري ويامن ونسيت ابنك المريض...
لاتباوعلي هيج،اني اتصلت عالشغل مالتك وگالولي مجيت من الاساس...
انت واحد واطي...
عفتة ومشيت وهو جرحني جرح چبير..
مگدرت انسى حجاياتة...
چانو اخوتي موجودين..وشافوني متعصبة، فتت للحمام غسلت وجهي وبچيت وطلعت بدلت چان مصطفى موجود والنزف بعده والولد مخبوصين بي ،
حسن :متكلي شون لطخت بالباب هيج..
علي:لو تروح مستشفى احسن...
يحيى :رجع راسك ليورى بلكي يوگف الدم...
چنت معصبة منة حيل..بس مردت احد يحس...
هند:ميصير ترجع راسك ليورى يتجمع الدم وتختنك..
نزل راسك جوا ..وحط هذاالثلج اذا ماتوقف رووح مستشفى وخلي بالك من الباب لاتنطخ بي ابد..
مصطفى:الكلمات طلعت مني بدون مااحس..من فورة اعصابي كتيت الاول والتالي..
واتفاجات ببوكسي مفاجى كسرت خشمي...
وكتها بس حسيت جگد انجرحت..
ولمن داوتني ..وگالتلي دير بالك من الباب طخة بعد..يعني مرح سامحني ابد...
اوووف غبائي ...شلون اعالج هالموضوع مر اسبوعين مشايفهةمن الحادثة،رجعت ادم لمريم لان تحولت لهيوستن وگالتلي يحيى لح عليها عمود دز الصور مال حبيبتك،وليليان حچت لهند على مغامراتك.. مع هذا مشفت منها ردت فعل وتصرفت وياي طبيعي الا ان جرحتها باايدي.. ومااعرف شون اراضيها...
قررت اشتريلها قرص وهالمرة ..احاول اصلح الشي الوحيد والمهم بحياتي هو هند...
هند:بعد حچي مصطفى ذيچ الليلة .او بالاصح من ساعة ماحبيتة وعيني مابطلت بچي، كل ظني الحب يخلي الواحد سعيد بس اني چنت طول الوقت حزينة والدمعة بعيني بس احد يطخني..
بعز هاي الازمة واني دا احچي ويا ليث..
قاطعتة رشا وطلبت تحچي ويايا...
