واني گاعدة احچي ويا ليث،، اندگت الباب دگة قوية ، خوفتني اذكرت كلام حسن، يعني كل مرة اجي ويا هادي ابد ماصادفني هيچ،،
وعلى حضي الحرامية اليوم يجون،،
خفت شااسوي وين اختل،،جوا الچرباية ماكو مكان بالبلكونة،
بس لحظة شقة اخواني مابيهة شي ينباگ،،
هههه،بعدين ليش يدگون الباب،،
ههه،صدگ حرامية مودبين ،واني گاعدة افكر،سمعت واحد بالباب يصيح حسن،،حسن،،
گلت هذا جاي على اخوية ،افتح لو لا،،
خل افتح شيصير عود اخابر ع911
عدلت نفسي ،جاوبتة منو وفتحت الباب،،
چان رجال خمسيني شعره ابيض وملامحة جاحضة،،،
عذرا انستي، حسن موجود،،،
هند: لا، انه بالعمل ،، هل اخبره من انت انا شقيقته،،
الرجل:اخبريه ، ان يدفع الايجار المترتب عليه او يبحث عن مكان اخر،،
هند:هل من الممكن ان تتفضل،،
واعد لك فنجان قهوة،،،
صاحب العقار: شكرا لكي،، ربما في وقت لاحق،،
هند:ساادفع لك الايجار ، فقط تفضل ،،،
انا دائما يگولون علية فريندلي يعني اجتماعية ،
ابتسم لمان سمع بالفلوس قبل دعوتي،،
گلت اكسبة خاف احتاجة مستقبلا لمن ادور شقة بالقليل قريب ع اخوتي،،
همزين لگيت قهوة بالدرج ، حضرتها،، وسالتة عالمنطقة واي المناطق احسن للسكن واسعار الايجارات،،
صاحب العقار : هل تودين الحصول على مكان للسكن ،،،
هند:نعم ،اود ذلك،،
صاحب العقار :باامكانك الاعتماد علي،،
سااساعدكي ان احتجتي لذلك،،الايجارات بين 400و700دولار،،
وانااردتي الحصول على شقة كبيرة حوالي 1400دولار،كل مكان له امتيازات،،واهم شي قريبةعن مكان عملك،بالمناسبة اين تعملين او انتي وافدة جديدة،،
لا، انا هنا للدراسة،،وان كان المكان مناسبا ربما استقر هنا،،
لقد اطلت الحديث معك،،
اكيد لديك الكثير من الاعمال،،
صاحب العقار: على العكس لقد سررت بلقائك،وان احتجتي للمساعدة ،بامكانك الاتصال بي، تفضلي هذي بطاقتي،،،
شكرا لك،،
كم مبلغ الايجار،،،
1200دولار،،
هل مبلغ الايجار لهذي الشقة 1200$؟
المبلغ600$،اخويكي لم يدفعو الايجار منذ شهرين،،
اوكي تفضل،شكرا لك،،،
كان يجب ان يدفعو غرامة التاخير،ولكن من اجلك ساانسى المبلغ واتمنى ان تتصلي بي قريبا،،
اكيد،طبعا،،
هل ممكن ان اجد سوبر ماركت قريب،،
اريد الاتصال بسيارة اجرة لو سمحت،،
اوكي ،ستكون عندك بعد ساعة،،،
هاي اول 12ورقة طارت،،
يلا هاي اجرة السكن،خل اشوف شجانو يسون هنا،،
اني حيل متحمسة،،،
واكيد من يجي حسن ،،نتفق،،
بس لازم شوي اكو مونة بالبيت،،،
بدلت،،لان ممتعودة عالگعدة بالبيت ،
طلعت تمشيت مسافة لان، هارفي صاحب العقار گالي مو بعيد عن هنا ،،
وحبيت اتمشى شوي،،
حلوالمكان هنا وهادي،،
الظاهر چان محتاجلي هيچ،،
تسوگت اشياء للبيت،،،كل شي متوفر هنا،الحمدلله انگليزيتي زينة چان تبهذلت،،
اي بهذلة ،هاي امريكا بلد الاحلام،،
صدري منشرح ،نسيت كل شي تقريبا،،،
بس افكر بالجاي،،والحياة السعيدة الي تنتظرني،،
اووووف،حيل مستعجلة ،،،
واني طالعة فكرت شون رح انقل هاي الغراض،،
وشاءت الصدفة،وشفت مصطفى،كانو هسة گااعد،،
هند:هلووووو،،،
مصطفى:لحد هاي اللحظة اشعر بتوتر لمن اشوفهة،واستحي لان اخت علي وحسن،بس هي ماعدهة هذا التوتر والاحراج،،كلش اجتماعية ومتحررة،ورااسا اخذت عالجو،، اول مشافتني سلمت علية ،،كانو تعرفني دهر،،
راسا انطتني كيس ومدت ايدهة،،
هند:جيت بوكتك،،چنت حايرة شون ارجع،،،
مصطفى:انتي هنا وحدج،،،
هند:اكيييد،حسن بالشغل وعلي مسافر وضجت من گعدة البيت گلت امشي رجلي واشتري اشياء للبيت،اصدقاءك عايشين ع اكل البرة،،
وكل شي ماكو بالبيت،،
مصطفى:الظاهر متعرف اخوانهة عايشين عالصدقات،،
المهم،،ممكن توصلني،،،
مصطفى:كل هذا انتي مشتريتة،،،
اي طبعا،،رح اتعبك وياي،ممكن ساعدني،،
طبعا،،طبعا،،
اني اسفة نسيت اسالك،انت هنا تتسوق خاف ااخرك،،
مصطفى:ابد ،،
يلا تعاي سيارتي هناك راكنهة،،
مصطفى:يلا،،بعدچ واكفة،،
هند:اكيد غيرةالعراقين مااتبخرت صح،لو چني ماگلت،،
مصطفى:العفو ،،جيبي اساعدج،،
هند:الحمدلله اكو شي باقي،،،،
مصطفى: تعاي نفوت من باب الخلفي افضل،،
لييييش،،،،
يعني يكون اقرب،،،
تعال منا على شنو هاللفة،،
بس،،،
يلا،،حباب ،عندي كوم شغلات اسويها،
لاتاخرني،،،
هند ،،انتظري،،،
هسة يشوفها صاحب البناية وصير هوسة،،،
هارفي:هلو ،،انستي،،جيد ، وجدتي صديقا لكي يوصلك،،،
مصطفى:هااي شنو،،وين لگتةهذاوتعرفت علي،،
اويلي هاي البنيةشكلها مومطفيةمثل ميگولون اخوتها،،،
هند:هااارفي اخبرتني عن فواتير متاخرة،
هل ممكن ان ترسلها لي رجاءاا،،
هارفي:بالطبع،،ستكون عندك،،،باقربوقت،،
مصطفى:مين تعرفين هارفي انتي،،،
هند: اجة الصبح سال ع حسن،،يمكن عمود الايجار،،
اي، وبعدين شگلتيلة،،،
مگتلة،،عزمتة ع گهوةوسالتة كم سوال ودفعت الايجار،،
دفعتي،،،
هند: نعم،،،
مصطفى:والله وجاكم انقاذ ،،ياولد،،،،
هند:انت متريگ،،،
هاااا،،،
لا،شكرا،ماكو داعي،،،اني رايح،،
هند:لازم اظيفك،انت ساعدتني،،
مصطفى:مساعدة شنو،،اني بالخدمة شوكت مااحتاجيتي،،
هند:كلش زين ممكن رقمك،،
نععععم،،،
رقمك،،لوووو،،،
لا يمعودة تفضلي اني بااجازة ،،واذا احتاجيتي شي،،،
هند:اگعد،، رح احضرلك ريوگ،،،
انت مييين؟
مصطفى:اني من بغداد،،،
اهااااا،
وشعجب جيت هنا،،،
يعني ،،هواي اشياء،،
اخواني برة،،
هاا،وياك يعني قريبين،،
لا ،هم بالسويد،،،اني مطلعلي،،
زين لعد منو ويااااك،،،
ماكو،،احد،،،
نسيت،،اني علي گلي مصارلك هواي منفصل،،
اي ،صح،،،
وانتي،،،
اني،،،
خلينا بيك،اني بعد،،
شكلج،،ماخذة ع المكان يعني مصارت عندج صدمة،،
گتلك هاي مو اول مرة،اني ظليت بااوستن بالسنتين،جان هادي،،عندة وكالةمال سيارات يتعامل وياها وتشحن سيارات للعراق،،
واني من زمان حابة المكان،،وعلي حچالي هواي،وعندي اصدقاء وصديقات بس كلهم عرب ،
مصطفى:هادي،زوجج،،
هند:كاان،،،
كاان،
اي احنا انفصلنا قبل لااجي هنا،،،
بس حسن وعلي،،
اعرف بعدني مگتلهم،،مصار مجال اصلا،،
حسن الظاهر رجع متاخر واني غطيت بالنوم،،،
يلا تفضل عالريوگ،،
باوع حضرتلك ع ذوقي ،بس اذا ماعجبك اكو مربى وجبن،،،
لا،،مخلمة،،صار جگد مماكل ،،
ان شاء الله تعجبك،،،
شكرا ،عاشت ايدج،،
انت العايش،،تعبناك من البارحة،،
لازم نوجب وياك،،
شنووو،،
يعني نسوي الواجب،،
الله، عاشت ايدج،،،كلش طيب الاكل،،
صدك احنا ماتعرفنا زين،،،
هند:اسمي هند عمري 30سنة،،عندي ولد اسمه ليث عمرة 12سنة،،،
لااا،انتي عندج ولد،،
تصورررر،،،
متخيلتچ،،،
يلة،المهم،،
ترة اني ماينة عليك يعني انت صديق الولد،وعلي هواي حچالي عنك،،،
صدددك،شحچى،،،
علي:السلام عليكم،،سمعت اسمي،،
هاي انت مصطفى هنا وين حسن وشنو هالروايح الطيبة،،
هند:علي،،،هاي انت جيت،،،
راساارتميت بااحضانة،،،يمكن هو بس احس بالحنية اتجاهة،،
مصطفى :راسا ارتبكت من شفت علي،وشرح اگلة شعندي هنا،،هواي افكار ،
بس ،هند ضيعت الاول والتالي،بااستقبالها لااخوها ،،
علي:واني اگول هاي الروايح الطيبةمين جاية ثاري اختي بالبيت،،،
زين لگينا وحدة تطبخ،،،
لاتتعلم مو يومية،،،
هاي شنو حسن تسوگ شوكت،،،
هند:اني تشوگت وساعدني مصطفى،،
صدددگ،،
مصطفى:ودفعتلكم الايجار،،،
صددددگ،،لاهنودة ميصير،،
انت ظيفة عدنا شون تدفعين،،
هند:لاتخاف اطلعها من جلدكم واريد احاسبك ع كم شغلة،
يااعتبارك تحلل وتحرم وتضرب ركعة،،
علي:اي ،صح،،استغفرالله راحت عليا الصلاة،،
هند:صدگتك،،اني افتريت البيت كلةملگيت سجادة،،
الظاهر انتومتعلمين الامسجد يلا صلون،،
مصطفى:ههههه، اي متعودين،،
يومية يحيون الليل بالجامع،،،
علي:مثل مگال ابو الصوف،،،
هند:گتلك بعدين نتحاسب، اگعد اكل وسلي صديقك،،
اني ،رح اسوي الغدا،،،
علي:يعني شون تبچيني هسة وتذكريني
باايام زمان وامي الله يرحمهة،،
الله يرحمهة،،،
هااادي ،،شونة وليوثي،،،
طلكتة،،،
شنو،،،
اني وهادي طلكنا،،
ولچ شوكت،،
هند:مو هسة بعدين،،،
مصطفى:اني اترخص،،بالليل امرلكم،،
علي:وين يمعود،،،
هند:ابقى ،،مصطفى،،،
ننتظر حسن ونتغدا كلنا سوااا،،،،
عندي كم شغلة،،،اكملهم واجي،،
شكرا ،عالريوك،،،
هند:بالعافية،،،
علي:الله وياك ابو الصوف،،،
سلمنا،،،
علي:ظلت ،هند تباوعلي بنظرات غريبة،،
هااا،خير سالمين شبيچ،،،
هند:هو هذا الحي الراقي التحچي عنة،،،
علي:ليش شبي،،،لو تفترين بغداد كلها ماتلاگين مثلة ،،
اي ،،عالاساس انت شايف بغداد صار 18سنة،،والشقة الي يركض بيهة الخيل،
هي بزونة تختنگ بي،،،
علي:اني اشوفهةجبيرة وشرحةوبرحة،،،
هند: ععععلي،،،
هاااااا،،
شنو بعد، ضام علية،،،
مضام شي وداعتچ،،،
داعتي،راس بصل،،موووو،
وداعت القواطي اللگيتهم جوا الچرباية،،،
ياقواطي،،مال بيبسي،،
تعرفين يختلف عن مالتكم،،،
اي ،صدگتك،،
علي:انتظري افهمچ،،،
هند:شتفهمني،،لك طلعت ملك الچذب انت كل حچيك كذب،،
شمدريني سويهةصدگ وتجين،،
اويلي منك،،اويلي ،،وحسن يدري،،
علي: هاااا، لا ميدري لاتگوليلة،دخيلج يگطعني،،
ووين چنت انت ،،
بشغل غير،،،
الله يساعدك مبين الشغل هادك هد،،،
هسة ،ليش تلحين انتي اختي حبيبتي ستر وغطا على اخوج ،،
هند:اوووه،بدينا،،،
شكلج جاية مريشة،،
مديلي ايدج ميتين دولار،،،،
مو عاساس بشغل،،،
هسة يجي حسن ويسمعني اسطوانة،،
باجر اشتغل واوفيلج،،
شسوي بيهة،،
هيچ بس اثگل جيبي،،محسوبج صرف كل شي،،
خرب،،انت شنووو،،
هند:اكثر شي احبة بعلي،،انو يشبهني،،
على الرغم ربينا بعاد عن بعض بس هوتافه مثلي،،زين اكو احد يشاركني،،
هناك الكل يختلف عني،،،
هنا ،،اگدر اعيش الحياة الي اريدها بعيد عن تطفلات الغير،،
گعدنا حچينا كل شي،،
طبعا من حچيتلةالعلي شبع ضحك لان گتلة نسيت الماسكارا وكشفت هادي،وعفتة،،،
علي:لچ،،انتي سينما ،والله فلم،ويضحك هم،،يعني من سالج شعندچ هنا گتيلة نسيت ماسكارتي،،
انتظري يجي حسن والله لانظل اسبوع نضحك ع سالفتچ،،،
فجاةبهالاثناء دخل حسن ولگانا نضحك جان وجهة يطير شرار،،،
علي:هااا،حسن جيت بوكتك تعال اضحك ويانا،،،،
حسن:ولك ياضحك،،اختك جاي وراها مصيبة،،،
علي:اي والله مصيبةضحك بس تعال اگعد،،،
حسن:ولك ع شنوتضحك،،اختك جاية مهزومة من رجلها،،،
هند:لا،،اني گتلة رح اسافر،،
حسن:زين سويتي والله،،ودعتي قبل لاتجين،،
هند:لا،،طبعا،،،
حسن:الطم،،ولكم چنت بلوة صرت بااثنين،،،
علي:اسمع هند،اول،،هي رجعت للبيت محاطة ماسكارا،،،
حسن:علي تسكت لاابتلي بيك،،،
هند: ظل موضوعي حديث الساعة وظلو كل شوي يذكرون ويضحكون علي لحد مااجة مصطفى،وكملت السبحة،،
حسن: تعال ابو الصوف تعال لگيت تكك،،
خل اسولفلك سالوفة اختنا طلعت امر منك،،،
هند:اني اگوم انام احسن الي،،،
علي:تعاي گعدي الله عليچ هند صار هواي مضاحكين،،،
مصطفى:الناس ،،دائما شايفين الانسان الي ميزعل وميحزن وكت المصايب انسان لاابالي بارد بس اكيد جوا ابتسامة هندوعدم مبالاتها نار تغلي محد يحس بيها الاالي يكون بمكانها،،كلش حسيت جكد قوية وكبيرة بعيني ،وبين ضحك علي وحسن،،
تلاقت نظراتنا ،،وتولد داخلي احساس غريب محاسيتة من قبل،،
للقصة بقية،،،
🌺🌺🌺🌺🌺
الحكاية لاتخلو من الخيال ونقلتها مع خيال صاحبتها الواسع ارجو تكونون تستمتعون بالقصة وتفاعلكم ودعمكم اكيد يهمني،،،
تحياتي،،
نازك الملائكة،،
