Escaped

Kabanata 30

Kabanata 30: Gardenia

I couldn't stay calm while sitting on the couch and waiting for them to arrive. Ngayon na kasi ang dating ng mga magulang ni Aara, kasama ang parents ko. Bukas na ang kasal namin kaya mas doble ang kaba sa dibdib ko. The feeling was overflowing and I couldn't contain it.

Nilingon ko ang babaeng kalalabas lang ng kusina.

"Cool down..." Nakangising inabutan ako ni Aara ng tubig. Kinuha ko 'yon at diretsong nilagok at nang maubos ay ipinatong ko sa gilid. Binalingan ko ng tingin si Aara na nakangisi. "Nervous, boy?" Panunukso pa niya.

I nodded my head. "Hindi naman ako susuntukin ng Daddy mo, hindi ba?" paninigurado ko na mas lalo niyang ikinatawa. "I know my fault. He loves me too, right?"

"I am not sure," she grinned.

"You wouldn't let me be punched, would you?" Pinaningkitan ko siya ng mata.

Inikutan niya ako ng tingin. Ipinahinga niya ang isang kamay sa ibabaw ng hita ko. Umiling siya sa akin na aking ikinangiti. "But I wouldn't catch the punch if ever..." She laughed.

Natawa na lang ako sa bahagyang pagkaasar. Sumandal ako sa couch at hinila rin siya pasandal sa dibdib ko. Pinaglaruan ko ang buhok niya. Napangiti na lang ako dahil hindi pa rin siya nagpapalit ng pabango. I used to smell her hair, I missed this.

"Malapit na raw sila," sabi ni Aara.

"Sana pala binuntis na kita para may dahilan ako para hindi ako suntukin ng Daddy mo," bulong ko. "Sayang. Mukhang magkakapasa ako bago ikasal."

Napaawang ang bibig ko nang sikmuraan niya ako. Kumawala siya sa pagkakayakap sa akin at hinarap ako. Naglalaro ang mapang-asar na labi niya.

"You intended to but you failed! Palusot ka pa!" Tinawanan pa niya ako.

Bahagya akong namula sa pagkapahiya niya. "If I really intended to, you wouldn't step your feet anymore that night!" I snickered.

Damn it! Is she not pregnant yet?

Tinawanan lang niya ako habang naiiling. Nakagat ko ang labi ko nang marinig na ang sunud-sunod na busina sa labas. Nanlaki naman ang mata ni Aara at aktong tatayo na nang pigilan ko siya.

Lumunok ako nang may bumara sa lalamunan ko.

"P-Protect me..." I begged.

"Hindi ba dapat ako ang protektahan mo?" Naguguluhang tanong niya saka ako sapilitang hinila patayo. "Tara na! Mas lalo kang masasaktan kapag pinaghintay mo pa sila!"

Lumunok ako bago nagpabatak sa kanya patayo. Huminga ako nang malalim bago binuksan ang pinto. Dalawang sasakyan ang inabutan namin na nakaparada sa labas. Lumabas sa isa sina Mommy at Daddy, sa isa naman ay ang mga magulang ni Aara.

Napalunok sa kaba nang makita si Tito Elizar. He was wearing a shade and he got bigger. Halos pumutok na ang kulay asul na polo shirt niya, masyado ring bakat ang biceps niya. Sa gilid niya ay si Tita Lineth. She was wearing a pink dress paired with a floral hat, her eyes were covered by shades too.

"Mom, Dad!" Masayang sinalubong ni Aara ang mga magulang niya. She hugged her Mom. Nakita ko ang panunubig ng mata ni Tita Lineth nang mayakap na muli ang anak.

Lumapit naman ako kina Mommy at Daddy. Nakangiting yumakap ako sa kanilang dalawa.

"Hindi mo ba inimbitahan si Ryde?" tanong agad ni Mommy.

Umiling ako. "Baka si Jux lang po," sagot ko naman.

Napatingin ako kay Dad nang tumikhim siya. Nginuso niya ang tao sa likod ko. Napangiwi ako nang makita si Tito Elizar na nakatingin sa akin. I couldn't see the expression of his eyes until he took off the shades, I saw no difference.